PM Bainimarama - Speech for the Infantry Day Parade
Jun 24, 2008, 16:53

Commodore Josaia Voreqe Bainimarama,
Prime Minister and Commander of the Republic of Fiji Military Forces


Albert Park - Tues. 24th June, 2008
SUVA
__________________________________________________________________________

NI SA TIKO NA PARADE COMMANDER, KEMUNI NA TURAGANIVALU, DAUVAKACIBI I VALU KEI KEMUNI NA CAURAVOU KEI NA GONEYALEWA LEWE NI MATAIVALU.

ENA MATAKA NIKUA E KA MARAUTAKI VEI AU NI RAWA NI MAI VAKAYACORI E DUA NA VOLENI VAKAIVALU KA DA MAI VAKANANUMA TIKO KINA NA NODRA SIGA NA SOTIA TAURI DAKAI ENA LOMA NI MATAIVALU NI VITI. AU NUITAKA TALEGA NI KO NI TALEITAKA NA VEISISIVI QITO VAKAIVALU KO NI MAI VAKAITAVITAKI KEMUNI TIKO KINA ENA MUA NI MACAWA SA OTIŁ¨KA ONI SA NA RAWA NI KILA KINA NAI TUVAKI NI KILA E TU VEI KEMUNI.

ENA GAUNA VATA TALEGA OQO ENA VEI YABAKI SA OTI EDA DAU MAI VAKANANUMA TALEGA KINA, E DUA NA NODA SOTIA YALO QAQA KA, A LEWE NI NODA MATAIVALU TAURI DAKAI KO KOVULA SEFANAIA SUKANAIVALU. E A MAI RAWATA KINA O KOYA NA METALI NI YALOQAQA CERECERE DUADUA KA DAU SOLI MAI VUA NA MARAMA BALE NA RANADI KEI PERETANIA, NA VICTORIA CROSS.

NA NODA MATAIVALU TAURI DAKAI E RA, A VAKAITAVI ENA I MATAI KEI NAI KARUA NI VALU LEVU KA RA A VAKAIROGOROGO SARA ENA VEI VANUA ERA VAKAITAVI KINA, ENA VEI YASAI VURAVURA. E DUA NAI VAKAVUVULI LEVU E DODONU ME DA NA VULICA MAI VEI IRA NA TUAKADA KA RA A LEWE NI MATAIVALU TAURI DAKAI, SAI KOYA NA MURI LEWA KEI NA YALO NI COLATA GALUGALU NA NODRA I TAVI, KA SAI KOYA OQO E DUA NA KA E GADREVI KI VEI KEDA EDA TIKO OQO ENA VOLENI NIKUA KEI KEDA TAUCOKO SARA NA LEWE NI MATAIVALU, SAI KOYA NA NODA COLATA NAI TAVI SA KACIVI KEDA KINA NA NODA VANUA.

EDA SA MAI YACOVA TU OQO E DUA NA GAUNA KA SA GADREVI SARA KINA VAKALEVU VEI KEDA ME DA RAICA SARA VAKA YALOMATUA NA NODA I TAVI KA ME DA KAKUA NI YAVALATI VAKARAWARAWA, MAI NA SO VEI IRA KA RA VAKALATILATI TIKO ENA SASAGA NI KENA TARA E DUA NA VITI VINAKA VEI IRA NA TACIDA ERA MURI MAI.

EDA SA ROGOCA TIKO E LEVU SARA NA VAKATUTU ME BALETA NA NODA I TAVI NA LEWE NI MATAIVALU KA VIRIKOTORI TU ENA YAVU NI VAKAVULEWA NI NODA VANUA. AU GADREVA ME’U NA VAKADEITAKI KEDA TALE NIKUA NI SE SEGA NI VEISAU NA NODA I TAVI KA SE DEI TIKOGA ENA NODA MAROROYA NAI YAUBULA NI NODA VANUA KEI NA VEIMATA TAMATA TABU YANI KA RA SA LEWE NI VANUA TU DEI E NODA VANUA. OQO E DUA VEI IRA NA SASAGA ME DA VAKAMALUMALUMUTAKI KINA KA DODONU ME DA YADRAVA TIKO KA TU DEI TIKO ENA NODA QARAVA NA NODA I TAVI.

SA MAI LEVU TALE TIKOGA VEI IRA NA DAU NI POLOTIKI ERA SA VIA MAI LEWA TIKO NA GAUNA ME NA VAKAYACORI KINA NA VEIDIGIDIGI KA SO ERA SA VIA USURAKA TIKOGA MAI NI SA DODONU GA ME VAKAYACORI ENA VULA O MAJI NI YABAKI 2009. O NI SA NA ROGOCA TIKO ENA NOQU SA VAKARAITAKA TIKO NI SE LEVU SARA TIKO NA GACAGACA NI VEI DIGIDIGI KA DODONU ME NA VAKAVINAKATAKI TAUMADA NI SE BERA NI NA VAKAYACORI NA VEIDIGIDIGI.

E SE TIKO TALE TIKOGA E LEVU SARA NA VEIVAQAQAI KA DODONU ME NA VAKACAVARI VAKAVINAKA KA QAI VAKAYACORI NA VEIDIGIDIGI. ESO NA DAU NI POLOTIKI ERA SA TUKUNA TIKO NI NA WALIA E LEVU NA LEQA EDA SOTAVA TIKO KE VAKAYACORI NA VEI DIGIDIGI, OQO E DUA GA NAI VADI VAKAPOLOTIKI KA ME DA QARAUNA SARA TIKO VAKAVINAKA, ME DA KUA NI MAI KUITAKI VAKARAWARAWA KINA.

NI BERA NI MAI CAVA NA NOQU VOSA NIKUA AU GADREVA ME’U NA VAKANANUMI KEDA LESU ENA I NAKI TAUMADA NI KENA VAKAYACORI NA SASAMAKI ME TEKIVU TIKO MAI ENA 05 TISEBA 2006. E KA BIBI SARA VEI KEDA YADUDUA NA LEWE NI MATAIVALU ME DA NA YADRAVA SARA TIKO VAKAVINAKA NA VEIKA E YACO WAVOLITI KEDA TIKO ENA VEISIGA KECE SARA. ME DA TOVOLEA MEDA VEIVUKE KECE TIKO ENA SASAMAKI OQO ENA NODA VEI TIKOTIKO SE ENA VEI KOROKORO, ENA NODA VAKADEWATAKA TIKO NAI TUKUTUKU DINA ME BALETA NA SASAGA NI MATAIVALU KEI NA NODA VEITOKONI KI VEI IRA NAI VAKAILESILESI NI MATANITU KA RA VEIQARAVI TIKO ENA SASAGA VATA GA EDATOU SASAGA TIKO KINA.

O IRA ERA VAKAYACORA TIKO NA VEIVAQAQAI ERA SA SASAGA SARA TIKO VAKAUKAUWA ME NA CAVURAKI LAIVI TAUCOKO SARA NA WAKATU NI CAKACAKA DUKADUKALI KA TU ENA LOMA NI MATANITU KEI NA VEI SOQOSOQO TALE E SO, KA DA DAU VAKALOLOMATAKI TU KINA LEWE NI VANUA.
ENA GAUNA E SA NA MAI QARAVI RAWA KECE KINA NA VEITABANA KECE OQORI KA SA NA QAI DODONU ME DA VAKILA NI SA NA QAI VIA VOLEKA MAI NA VEIDIGIDIGI.

VINAKA TALE VAKALEVU NA VOLENI NIKUA NUITAKA NI NA DUA NA MACAWA VINAKA NI QARAVI TAVI VEI KEDA ENA MACAWA OQO.

VINAKA VAKALEVU.

_________