HINIDI - STATEMENT BY THE ACTING PERMANENT SECRETARY FOR ECONOMY ON THE GOVERNMENT'S ASSISTANCE FOR CONTAINMENT AREAS

NADI ZONE KE LIYE COVID-19 CASH SAHAYTA

Sabhi ko dhanyawaad

Jaisa ki kal Mananiye Attorney-General aur Minister for Economy Aiyaz Sayed Khaiyum ne announce kiya tha hum kal se Nadi Zone me, jo ki Momi Junction se Lomolomo ke beech un pariwaaro ko $90 cash sahayta dena shuru karenge jinpar COVID-19 ke karan rokthaam yaani restrictions se bura asar pada hai. 

Jaisa ki kal bataya gaya tha hum kal se Nadi me sahayta dena shuru karenge aur Friday ko yahi sahayta Lautoka ilaake me di jaayegi aur baad me Lami, Nasinu aur Nausori ilaakon ke logon ko yeh sahayta milegi.

Kaise apply kare?
Vodafone ke MPaisa platform aur Digicel ke MyCash wallet ke partnership se yeh sahayta di jaayegi. Main is partnership ke liye dono service providers ko dhanyawaad dena chahta hoon jo hamare saath milkar is sahayta program ke duara asar pade Fijiwaasiyon ki madad kar rahe hai. 

Kal subha nau baje se, Nadi Zone me Momi Junction se Lomolomo ke beech rahne waale pariwaar, 161 par yeh saari jaankaari message bhejkar apply kar sakte hai. 

      a) Apply karne waale ka pura naam
      b) Apply karne waale ka FNPF number, agar hai toh
      c) Tax Identification Number (TIN)
      d) Apply karne waale kya kaam karta hai
      e) Ghar ka pata aur
      f) Ghar me kitne log rahte hai

Apply karne waalon ko MPAISA aur MyCash platform ke duara yeh paisa milege. Jin logon ke paas MPAISA ya MyCash account nahi hai weh register karwa le tatha Vodafone ke CEO aur Digicel registration process aur paise kis tarah nikala jaaye par jald jaankaari denge. 

Hum jabki chahte hai ki log MPaisa aur Mycash ke zariye payments haasil karen, lekin apply karne waale apne bank account ke details bhi de sakte hai agar weh chahte hai ki paise unke bank account me deposit kiya jaaye. Jo log chahte hai ki unka paisa bank account me deposit kiya jaaye ko yeh jaankaari deni hogi: 

      i. Account ka naam;
      ii. Bank Account number; aur
      iii. Bank ka naam. 

Target zone se apply karne waalon ko yaad dilaaya jaata hai ki weh dhyaan me rakhe ki 161 par SMS bhejne se pahle weh saari jaankaari acchi tarah check kar le. 

Hum yeh bhi chahte hai ki application SMS 161 ke duara hi kiya jaaye taaki hum logon ke details acchi tarah rakh sake. Jo applications hume SMS platform ke duara milte hai ko payment bhi kam samay me mil jaate hai. Pariwaar ke log 161 call karke bhi apna details register karwa sakte hai. 

Main zor dena chahta hoon ki $90 cash sahayta sirf asar pade pariwaar ke liye hai. Isi liye, ek pariwaar se sirf ek hi member ko sahayta ke liye apply karna chahiye. 

Is system se koi faida na utaaye, isko dhyaan me rakhhar hum is baare me random tarike se verification karenge aur ek pariwaar se sirf ek member ko sahayta milegi. Jo bhi is system se faida utaane ki koshish karega par kanooni kariwaahi ki jayegi.  

Payment Processing 
Jaise hi SMS par maange milti hai, Vodafone aur Digicel application karne waalo ki list Ministry of Economy ko denge. Weh logon ki pahchaan karne me bhi madad karenge ki weh target zone ke ho.

Ministry of Economy bhi FNPF se pata lagayega ki kya application karne waale ko unemployment ki sahayta mil rahi hai ya nahi.  Jin logon ko FNPF ke zariye sahayta mil rahi hai, $90 cash sahayta ke  liye qualify nahi hote hai.  
Application aur verification process ke baad, approve kiye gaye logon ko $90 diya jayega jahan weh cash nikaal sakte hai ya Mpaisa AUR MyCash ke registered outlet se saamaan khareed sakte hai. 

Main abh Vodafone ke CEO aur fir Digicel ke CEO se is baare me apni or se aur jaankaari dene ke liye aage aane ki maang karta hoon.

Dhanyawaad