Virus failne ki jaankari
Pichle chaubees (24) ghanton mein aaj subha aat baje tak COVID-19 ke 253 naye mamle saamne aaye hai. 163 mamle Western Division ke hai aur 59 mamle Central Division ke aur 31 Eastern Division ke hai. Ministry ke COVID-19 dashboard aur Fijian Government ke Facebook page par aaj raat online publish ki jaayegi. Aap iss link par jaakar naye aur active mamlon ki locations tatha recoveries mamle dekh sakte hai:
http://bit.ly/3vE2ZBb
Kadavu mein COVID-19 ke 31 naye mamle miley hain. Doh Malolo duip ke Solevu village ke aur 21 Yasawa dwuip ke. Sabhi ko isolation mein rakha gaya hai.
Kal se lekar aaj ke beech 163 mareez theek huwe hai jiska matlab hai abh 16,352 active mamle hai. Central Division mein kul 5021 active mamle hai, Western Division mein kul 11,025 mamle, Northern Division (Nabouwalu aur Macuata) mein 5 active mamle hai aur Eastern Division (sabhi Kadavu) mein kul 301 mamle hain. Hum abhi apne active mamle aur theek hone waale database ko review aur reconcile kar rahe hai jiske falswaroop aane waale saptah me theek hone waale marizon ki sankhya badhne ki sambhaona hai.
Isi saal April mein shuru huwe prakop ke dauraan 47,439 mamle saamne aaye. Pichle saal March mein desh ka pehla mamla saamne aane ke baad Fiji mein 47,509 mamle saamne aaye aur 30,332 mareez theek huwe hai.
Mauton par jaankari
31
st August se 2
nd September ke beech teen logon ki maut COVID-19 ki wajah se huwi hai. Western Division mein doh mautein report huwi hain jabki Central Division mein ek maut.
COVID-19 ki wajah se pehli maut Nadi ke 43 saal ke aadmi ki huwi. Nadi aspatal pahuchne par wahan ke attending medical officer ne usey mrit ghoshit kiya. Iska matlab hai uski maut 2
nd September ko ghar par huwi ya aspatal jaate samaye. Uske parivaar ne bataya ki aspatal jaane se pehle usey saans lene mein takleef ho rahi thi. Aadmi ko sui nahi lagi thi.
COVID-19 ki wajah se dusri maut Sigatoka ke 84 saal ke aadmi ki huwi. Sigatoka aspatal pahuchne par wahan ke attending medical officer ne usey mrit ghoshit kiya. Iska matlab hai uski maut 31
st August ko ghar par huwi ya aspatal jaate samaye. Aadmi ko sui nahi lagi thi.
COVID-19 ki wajah se teesri maut Suva ke 71 saal ke aadmi ki huwi. CWM aspatal ke emergency department ke attending medical officer ne usey aspatal pahuchte mrit ghoshit kiya. Iska matlab hai uski maut 2
nd September ko ghar par huwi ya aspatal jaate samaye. Aadmi ko sui nahi lagi thi.
COVID-19 ke liye positive paaye gaye doh aur marizon ki maut huwi. Lekin unke doctors ka kehna hai ki unki maut COVID-19 ki wajah se nahi huwi hai. Doctors ke anusaar in marizon ki maut unhe COVID-19 ke liye positive paaye jaane se pehle jo bimaari thi usi wajah se huwi hai.
Fiji mein COVID-19 ki wajah se abh 508 logon ki maut ho gayi hai, iss saal April mein shuru huwe prakop ke baad 506 logon ki jaan gayi hai. Kripya dhyaan de ki clinical teamo ko chanbin karne, classify aur maut ki report dene ke liye joh samay lagta hai, isi liye chaar dino ka interval diya jaayega taaki maut ki taarikh ko dekhte huwe, saat dino ke average mauton ka hisaab rakha jaayega taaki average ki report se pehle sahi data batora jaaye. Isiliye 29
th August tak saat dino ka average dainik COVID-19 maut ek din mein paanch hai. Saat dino ka average dainik COVID-19 maut Central Division mein 1 aur Western Division mein 4 hai.
COVID-19 ke liye positive paaye gaye 317 logon ki maut anye gamheer bimaari ki wajah se huwi hai joh unke COVID-19 ke liye positive paaye jaane se pehle huwi thi. Inn mauton ko COVID-19 karar nahi diya gaya hai.
Aspatal mein marizon par jaankari
COVID-19 ke 221 mareez aspatal mein bharti hain. Lautoka aspataal mein 98 mareez bharti hai. FEMAT field aspatal mein 18 mareez bharti hain, CWM, St Giles aur Makoi mein 105 mareez bharti hain. 16 mareezon ki halat gambheer batayi ja rahi hai aur 10 ki haalat nazook hai.
Screening ki jaankaari
Pichle chaubees ghanton mein stationery screening clinics par kul 6,074 logon ko screen kiya gaya aur 593 logon ko swab kiya gaya, jisse abhi tak stationery screening clinics par kul (total) 530,196 logon ki screening aur 90,555 logon ko swab kiya gaya hai. 2
nd September tak hamari mobile screening teams ne 625 logon ki screening ki aur 360 logon ko swab kiya jabki jabse mobile screening program shuru huwa hai tabse hamari mobile teamo ne abhi tak kul (total) 814,728 logon ki screening aur 72,518 logon ko swab kiya hai.
Testing par jaankaari
Iss saal April mein prakop shuru hone ke baad kul 336,566 samples test huwe hai, jabki pichle saal ki shuruwaat se abhi tak 379,427 test huwe hai. 2
nd September ko 1292 tests report huwe hai. Pichle saat dino ka dainik test average taor par 1,366 tests prati din the yaani 1000 logon mein 1.5 tests. Saptah mein 1000 population mein 10.7 tests karne se yeh WHO ke anushaashit sthar 1000 population mein se chaar tests se zyada hai. Pichle saat dino mein dainik test positivity 23.1% hai joh dhire- dhire neeche jaa raha hai lekin yeh abhi bhi sanket deta hai ki samaaj mein virus fail raha hai.
Sui lagane ki jaankaari
2
nd September tak desh bhar mein 565,239 bade logon ko sui ka pehla dose aur 291,647 logon ko dusra dose lag chuka hai. Iska matlab hai ki desh bhar mein target population ke 96.4% logon ko pehla dose aur 49.7% logon ko dusra dose lag gaya hai yaani weh puri tarah vaccinate ho gaye hai. Hum abhi apne pahle dose waale abhiyaan par ek exercise kar rahe hai, jisse hume mauka milega ki hum unn ilaakon ko lakshit kare jahan kam logon ko sui lagi hai aur iske alawa apne wartaman sui lagane waale kariyekram ke liye sudhaar kar sake ki kul kitni aabadi ko sui lagwane ka laksh hai.
Fijiwaasiyon ko yaad dilaya jaa raha hai ki weh Ministry ke vaccine dashboard par jaakar dekhe joh national, divisional aur sub-divisional level par pehla dose aur dusre dose par jaankaari deta hai. Aap iss live dashboard ko yahan:
http://bit.ly/3h2JfCZ par dekh sakte hai.
Mahamaari ki Outlook
Pichle saat dino mein COVID ke naye mamle ki sankhya average taor par prati din 305 mamle ho gaye hai yaane ek million logon mein 345 mamle. Suva-Nausori ke ilaako mein testing policing ke badlao ke karan dainik naye mamlon mein girawat ho rahi hai iske saath hi hamare dainik testing number bhi kam ho rahe hain. Jaisa ki pahle Permanent Secretary ne ghoshna kee thi Suva-Nausori ke dainik mamle ki sankhya ka upyog karke abhi mahamari ke progress ka sanket nahi diya jaa raha hai. Ministry anye sanket jaise ki test positivity, aspataal me kitne log bharti hai aur kitni kitni logon ki maut huwi par nigraani rakhe huwe hai aur mahamari ke progress ko aank rahe hai.
Testing numbers me girawat hone se, testing numbers prati saptah WHO ke sujhao 1000 population me chaar hai (ya prati saptah 3500 tests) hai.Hum abh samaaj me surveillance testing par gaor karenge aur positivity rates rokthaam ke phase ke level tak jaane lage hai.
Malolo duip par surveillance aur testing ka kaam jaari hai. Pichle chaubees ghanto mein doh bacchon ko positive paya gaya jo ki Solevu village ke hai. Jaanch se pata chal raha hai ki yeh mamla shayad pehle ke doh mamlo se sambhandh rakhte hai. Abh kul 37 positive mamle hai. Teen mamle theek ho chuke hai jiske baad 34 active mamle hain. Duip par aawa-jaahi par pratibandh abhi bhi laagu hai.
Ek intermediate team ne surveillance aur testing ka kaam ke liye Naviti duip ke Somosomo village, Gunu, Nasoqo, Kese aur Mua-i-ra villages ka daura kiya. 204 nasopharyngeal swabs kiye gaye aur Lautoka aspatal ke lab analysis ke liye inhe bheja gaya hai. Abhi tak 11 positive mamle miley hai aur analysis pura hone ke baad iss number mein vridhi hone ki sambhavna hai. Intermediate team duara ek paediatric mamle ko aage ki dekhbhaal ke liye Lautoka aspatal bheja gaya hai.
Kadavu ke villages aur settlements mein surveillance aur testing ka kaam jaari hai. Nasopharyngeal swabs joh testing se batore gaye hai ko Gene Expert machine ke analysis ke liye Vunisea aspatal aur Kavala health centre bheja gaya hai. Pichle chaubees ghanto mein duip par 39 naye mamle miley hai jiske baad abh kul 312 mamle ho gaye hai. Inn mein se 145 theek ho gaye hai aur 165 active mamle hain. Community health karamchari aur zone nurses duara positive mamlon ko assess kiya jata hai aur doctors ko refer kiye gaye mamlo ko Vunisea aspatal aur Kavala health centre zarurat padne par bheja jata hai. Vunisea aspatal mein kul che mareez bharti hai, inn mein se teen covid ke mamle hai aur baaki teen anye mamle hai. Duip par aawa-jahi aur ikatta na hone ka abhi bhi pratibandh lagu hai. Jabki iska saaf sabot hai ki virus samaaj mein fail gaya hai toh hamein mamlo mein badhanti, gambheer bimari aur mauton mein vridhi hone ka khatra hai.
Pichle chaubees ghanto mein Labasa ke Namara Tiri rokthaam ilaake mein koi bhi naya mamla nahi mila hai. Rokthaam ilaake mein tatha pure Labasa mein aawa-jahi par pratibandh lagu hai.
Aam janta ko salaah
Gambheer COVID-19
Yeh lagataar chinta ki baat bani huwi hai ki kuch log bimaari ki stithi gambheer hone ya antim charan mein pahuchne par hi aspataal jaate hai. Jaisa ki aaj Permanent
Secretary ne kaha hai: iss mahamaari ke dauraan COVID-19 se 78% logon ki maut ghar par huwi hai, ya aspataal jaate samay huwi, ya bharti hone ke doh dino ke andar huwi jisse clinical team ko jaan bachaane ke liye ilaaj karne ka thoda ya kuch bhi mauka nahi mila.
Gambheer COVID-19 ek medical emergency hai aur derr mein iska ilaaj karna iss bimari se bachne ke mauke ko kam karta hai. Agar aap ki umar pachaas saal se zyada hai ya aapko non communicable disease hai ya diabetes, hypertension, dil ki bimari, kidney ki bimari, motapa ya garbhwati hain toh COVID-19 se aap ko zyada khatra hai.
Gambheer bimari se aapko zyada khatra hai agar aapko COVID-19 ke lakshan jaise khaasi, sardi, bukhaar, gale mein kharash, shareer mein dard, sar dard, swaad ya mehek na aana toh jald apni nazdiki screening clinic jaye aur hamari medical team se
test karwaye.
Sabhi Fijiwaasiyon ko COVID-19 ke lakshan pata hona chahiye jinme shaamil hai:
• Saans lene mein takleef
• Chaati mein dard ya dabaao
• Kuch dino se gambheer sar dard
• Nayi uljan, jaagne ya uthne mein mushkil; aur
• Shareer ke chamde (skin), hont aur naakhoon, peele, gray, ya neele rang ke ho jaana.
Suva-Nausori rokthaam waale ilaakon mein humne kuch health facilities ki pehchaan ki hai jahan wohh log jaa sakte hai jinhe COVID-19 ke gambheer lakshan dikhaai dete hai.
Agar aap ya aapke chahne waale Suva-Nausori ke rokthaam ilaake mein rahte hai aur aapko gambheer lakshan hai toh kripya jald se jald in nirdharit health facilities jaaye.
- Colonial War Memorial Hospital (CWMH)
- FEMAT Hospital, Vodafone Arena
Nausori ke niwaasiyon ko agar gambheer lakshan hai toh weh:
- Nausori Health Centre
- Wainibokasi Hospital
Western Division ke log: Agar aapko COVID-19 ke lakshan dikhayi de toh kripya apni nazdiki health facility jaaye.
165 par call kare agar medical facility nahi ja sakte.
Aur bhi COVID suraksha watawaran ke liye Ministry of Health aur Medical Services ne apne health service provision me remodel kiya hai. CWM aspataal apni sewaen samanye karne par kaam kar raha hai jahan weh COVID aur Non-COVID marizon ko dekhenge. Inme shaamil hai aur bhi COVID suraksha ke taor par apne outpatients aur aisi sewaen fir se jaari karna jo emergency nahi hai. Heads of Department ke saath Clinical Governance aur Infection Control teams kuch niyamo par kaam kar rahi hai jiska upyog karke mariz in Specialist Sewa se laabh utha sakenge.Inme shaamil hai khatre ke liye marizon ki jaanch karna aur karamchaari tatha marizon ki surakcha ke liye apne Infection Prevention aur Control niyamo ko fir se vavsthit karna. Special outpatient patient clinic (SOPD Clinic) pahle hi ek digital platform par shuru ho chuka hai jahan marizon se virtual taor se waartaaye ho rahi hai. Marizon ko call karke baatchit karne ke baad unhe dawaaiyan di jaati hai. Blood test forms bhi viber ke duara marizon ko bheja jata hai taaki weh apni nazdiki Health Centre me blood test karwa sake. Kuch sewaen jaise ki rakt daan, bloodletting sewa aur SOPD prescription ko refill karne ki sewaen aur bhi khule taor se ho rahi hai.
North mein aam janta ko yaad dilaya jata hai ki yeh zaroori hai ki Vanua Levu bhar mein log salah maane aur COVID-19 suraksha niyam ka paalan kare. North mein sabhi mamle jabki Nabouwalu jetty se jude hai aur humne Nabouwalu me sabhi pratibandh hata diye hai jabki Namara Tiri Settlement ke aakhra teen mamle par chanbin chal rahi hai jo Labasa shaher ke nazdeek hai. Iske alawa jabki sabhi ports par swaasth niyam aur sakt kiye gaye hai lekin samaaj me virus failne ka khatra bana huwa hai ki. Abhi, sui lagana aur COVID suraksha niyam bahut zaroori hai taaki samaaj me virus failne se roka jaaye. Laksh hai ki September mahine bhar yeh sewaen khuli rakhna jabki Opthamology aur Dental sewa par dhyaan dena. CWM ke kai doctors aur nurses FEMAT aspataal me kaam karte hai tatha hum in karamchaariyon ko waapas laana chahte hai.
North me aam janta ko yaad dilaya jata hai ki yeh zaroori hai ki Vanua Levu bhar me log salah mane aur COVID-19 suraksha niyam ka paalan kare. North me sabhi mamle jabki Nabouwalu jetty se jude hai aur humne Nabouwalu me sabhi pratibandh hata diye hai jabki Namara Tiri Settlement ke aakhra teen mamle par chanbin chal rahi hai jo Labasa shaher ke nazdeek hai. Iske alawa jabki sabhi ports par swaasth niyam aur sakt kiye gaye hai lekin samaaj me virus failne ka khatra bana huwa hai ki. Abhi, sui lagana aur COVID suraksha niyam bahut zaroori hai taaki samaaj me virus failne se roka jaaye.
Bahri duwipon me rahne waalon se Swaasth Mantralay aur Medical Services ne maang ki, ki weh Viti Levu tak gairkaanooni taor se aane-jaane ka kaam naa kare. Humne sthaniye taor jo niyam laagu kiye hai wohh samaaj me virus failne se rokne ke khatre par kaam kar raha hai. Iske alawa hum village ne neta aur bade-buzurgon se fir maang kar rahe hai ki weh duwipon ki suraksha ke liye hamare prayaaso ka samarthan kare aur apne samaaj me gair kanooni taor se aane-jaane waale kadam ki reporr kare aur apne samaaj me quarantine aur isolation niyam laagu kare taaki iss tarah safar karne waalon par kadam utaaya jaaye.
Hum samajon se hamare sui lagane waale abhiyaan ko sahyog dene ki maang karte hai: jabki kisi mahamaari ke beech me sui lagane ka prayaas tez karna ek mushkil kaam hai isi liye hum sahi samay par aapse sahyog ki maag kar rahe hai.
Fiji ke anye ilaakon me logon se maang ki ja rahi hai ki weh COVID-19 suraksha niyam apnaye mask pehnne agar weh ghar se nikalte hain, haath ko hamesha saabun paani se dhoye ya hand sanitiser ka istemaal kare, doh metre ki doori barkarar rakhe aur dekhe ki aapke phone mein careFIJI app downloaded ho aur on ho, kripya yaad kar ke sui laga le.