HINDI STATEMENT BY VODAFONE CEO PRADEEP LAL

Sabhi ko namaste, Acting PS ko dhanyawaad. 

Vodafone ne pahle bhi sarkaar ko kai initiatives me madad ki hai jinme cyclones aur anye natural disasters shaamil hai jahan humne MPaisa plaform ke duara sahayta di hai. Toh is baare hume announce karte huwe khushi ho rahi hai ki Vodafone ki or se yeh service logon ko muft me di jaayegi aur hum Ministry of Economy ke saath milkar kaam karenge. 

Jaisa ki PS ne logon se maang ki, ki unhe platform par text karna chahiye. Hamare network par, har second me 1000 messages bheje ja sakte hai. Toh agar aap message bhejte hai toh bahut hi tezi se yeh process kiya jaayega.

Hum transaction ko bahut jald process karne me madad karenge. Hamare network par 800,000 subscribers hai aur inme se 600,000 se zyada Mpaisa ke liye registered hai. Toh sawaal yeh hai ki un customers ka kya hoga jo registered nahi hai. 

Main aapko batana chahta hoon, ki agar aap registered hai ya nahi, fir bhi app text message bhej sakte hai aur aapko paise mil sakte hai. Iska process zaroor hoga, agar aap Vodafone ya Innk network par hai. 

Hamare kai customers is service ke baare me acchi tarah se jaante hai kyonki pichle ek saal me Mpaisa platform par 500 million dollars se zyada laagat transactions process ho chuke hai. 

Toh yeh ek matured system hai, yeh acchi tarah kaam kar raha hai, ispar bharosa kiya jaa sakta hai aur hum logon se maang kar rahe hai ki weh calls karne ke bajaye text message bheje jabki hamare kai customers is platform ko istemaal kar rahe hai. 

Aap kis tarah se paise nikaal sakte hai ya khareedbin kar sakte hai, hamare paas 70 se zyada merchants hai jahan se log paise haasil kar sakte hai. Nadi ilaake me sabhi merchants available nahi hai lekin main kuch merchants ka naam le raha hoon aur baaki ke naamo ki list government website me publish ki jayegi. 

Hum logon se maang kar rahe hai ki weh supermarkets jaaye. Teen supermarkets jahan aap jaakar redeem kar sakte hai me Shop and Save, New World Supermarket aur MH. Extra Supermarket bhi hamare saath registered hai. 

Kai log QRS code ke duara khaane peene waali cheezi khareed rahe hai. Iske alawa sabhi towns me Vodafone outlets me aap jaakar redeem kar sakte hai, Chicken Express aur yeh list kaafi lambi hai yeh dekhte huwe ki aap kahan rahte hai. 

Main logon se maang karta hoon ki weh website par jaaye aur media ke duara hum jaankaari denge ki log kahan-kahan jaakar diye gaye paise redeem kar sakte hai.

Dhanyawaad