Virus failne ki jaankaari
Pichle chaubees (24) ghanton mein aaj subha aat baje tak COVID-19 ke 1163 naye mamle saamne aaye hai. 483 mamle Western Division ke hai jabki 680 mamle Central Division ke. Inn mamlon par puri jaankaari Ministry ke COVID-19 dashboard aur Fijian Government ke Facebook page par aaj raat online publish ki jaayegi. Aap iss link par jaakar naye aur active mamlon ki locations tatha recoveries mamle dekh sakte hai:
http://bit.ly/3vE2ZBb
Kal se lekar aaj ke beech 387 mariz theek huwe hai jiska matlab hai abh 19,168 active mamle hai. Central Division mein kul 16,272 active mamle hai aur Westerm Division mein kul 2,896 mamle. Eastern Division aur Northern Division mein jitney mamle the sab theek ho gaye hai (sabhi jo Vitilevu se gaye the) tatha wahan abh koi bhi active mamla nahi hai.
Kal se lekar aaj ke beech 244 mariz theek huwe hai jiska matlab hai ki 21,109 active mamle hai. 18,211 active mamle Central Division me aur 2,898 mamle West me. Sabhi mamle joh Northern aur Eastern Division me paaye gaye the wohh Viti Levu se gaye the aur weh sab theek ho gaye hai aur in divisions me abh koi active mamla nahi hai.
Isi saal April mein shuru huwe prakop ke dauraan 28,590 mamle saamne aaye. Pichle saal March mein desh ka pehla mamla saamne aane ke baad Fiji mein kul 28,660 mamle saamne aaye aur 7,195 mariz theek huwe hai.
Mauton par jaankari
19th July se 29th July ke beech COVID-19 se che logon ki maut huwi hai.
COVID-19 se pahli maut Delaivalelevu ke gyarah mahine ke ek shishu ki huwi. Saans lene me takleef ki wajah se use CWM aspataal lejaya gaya jahan paediatric specialist team ne uski jaanch ki. Uske pariwaar ne bataya ki aspataal lejane se teen din pahle se use ghar par bukhaar tha aur wohh tezi se saans le rahi thi. Aspataal me uski haalat aur bigad gayi tatha uski maut usi din unees July, 2021 ko ho gayi. Use sui nahi lagi thi kyonki wohh lakchit jansankhya me shaamil nahi tha jo ki attarah saal se upar hai joh sui lagne ke yogya hai.
COVID-19 se dusri maut Lami ki 80 saal ki ek mahila ki huwi. Uski maut ghar par 29th July, 2021 ko huwi. Mahila ko sui nahi lagi thi.
COVID-19 se teesri maut Suva ke 61 saal ke ek aadmi ki huwi. 29th July, 2021 ko uski maut ghar par ho gayi. Use bhi sui nahi lagi thi.
COVID-19 se chauthi maut Lami ke 53 saal ke ek aadmi ki huwi. Uski maut 29th July, 2021 ko uske ghar par huwi. Aadmi ko bhi sui nahi lagi thi.
COVID-19 se panchwi maut Sawani Village ki 78 saal ki mahila ki huwi hai. Uski maut ghar par 28 July, 2021 ko huwi. Uske parivaar ne bataya ki unhe ek saptah pehle kamzori aur susti thi. Mahila ko sui nahi lagi thi.
COVID-19 se chati maut Wainibuku ke 60 saal ke aadmi ki huwi. Saans lene mein takleef ke karan wohh ek health facility gaya. Ek medical team ne usey health facility se CWM apatal mein bharti kiya. Uski halat aur kharab ho gayi aur ek din baad 29 July, 2021 ko uski maut ho gayi. Aadmi ko sui nahi lagi thi.
COVID-19 ke liye positive paaye gaye chaar aur marizon ki maut huwi. Lekin unke doctors ka kehna hai ki unki maut COVID-19 ki wajah se nahi huwi hai. Doctors ke anusaar in marizon ki maut unhe COVID-19 ke liye positive paaye jaane se pehle jo bimaari thi usi wajah se huwi hai.
Fiji mein COVID-19 ki wajah se abh 233 logon ki maut ho gayi hai, iss saal April mein shuru huwe prakop ke baad 231 logon ki jaan gayi hai. Saat dino ka average dainik COVID-19 maut ek din mein 9 hai. COVID-19 ke liye positive paaye gaye 123 logon ki maut anye bimaari ki wajah se huwi hai joh unke COVID-19 ke liye positive paaye jaane se pahle huwi bimaari ke kaaran huwi, COVID-19 ke kaaran nahi.
Aspatal mein marizon par jaankari
Abhi COVID-19 ke 313 mareez aspatal mein bharti hain. 34 mareez Lautoka aspatal mein hain. Suva, FEMAT field aspatal mein 88 mareez bharti hain, CWM aspataal, St Giles aur Makoi mein kul 191 mareez bharti hain. 53 mareezon ki halat gambheer batayi ja rahi hai aur 11 ki haalat nazook hai.
Screening ki jaankaari
Pichle chaubees (24) ghanton mein stationery screening clinics par kul (total) 6,265 logon ko screen kiya gaya aur 1082 logon ko swab kiya gaya, jisse abhi tak stationery screening clinics par kul (total) 384,200 logon ki screening aur 70,744 logon ko swab kiya gaya hai. 29th July tak hamari mobile screening teams ne 5,975 logon ki screening ki aur 223 logon ko swab kiya jabki jabse mobile screening program shuru huwa hai tabse hamari mobile teamo ne abhi tak kul (total) 765,237 logon ki screening aur 67,612 logon ko swab kiya hai.
Testing ki jaankaari
Iss saal April mein prakop shuru hone ke baad kul 266,882 samples test huwe hai, jabki pichle saal ki shuruwaat se abhi tak 309,743 test huwe hai. 28th July ko 3451 tests report huwe. Pichle saat dino ka dainik test average taor par 3247 tests prati din the yane 1000 logon me 3.7 tests. Pichle saat dino mein dainik test positivity 27.5% hai.
Sui lagane ki jaankaari
29th July tak desh bhar mein 473,716 bade logon ko sui ka pehla dose aur 131,979 logon ko dusra dose lag chuka hai. Iska matlab hai ki desh bhar mein target population ke 81% logon ko pehla dose aur 22.5% logon ko dusra dose lag gaya hai yaani weh puri tarah vaccinated ho gaye hai.
Fijiwaasiyon ko yaad dilaya jaa raha hai ki weh Ministry ke vaccine dashboard par jaakar dekhe joh national, divisional aur sub-divisional level par pehla dose aur dusre dose par jaankaari deta hai. Aap iss live dashboard ko yahan:
http://bit.ly/3h2JfCZ par dekh sakte hai.
Mahamaari ki Outlook
Pichle saat dino mein COVID ke naye mamle ki sankhya average taor par prati din 976 mamle ho gaye hai yaane ek million logon me 1103 mamle. Dainik naye mamle badhte ja rahe hain aur dainik test positivity bhi upar hai, jiska matlab hai ki Suva-Nausori ke rokthaam ilaakon mein virus samudao mein fail gaya hai. Western Division mein bhi mamle badh rahe hai. Northern aur Eastern Division mein koi bhi mamla nahi hai.
Aam janta ko salaah
Suva-Nausori ke containment ilaako mein COVID-19 lakshan wale logon ke liye:
Jinhe lakshan dikhayi de raha hai abh unka test nahi kiya jayega. Aapko ghar par rehna hai aur khud ko chaudah din ke liye isolate karna hai. Zyadatar COVID-19 ke kuch halke lakshan dikhayi denge jinme, Khaasi, naak behna, naak band hona, cheek, thakaan, swaad na aana ya mehek na aana, aur sar dard jo ghar par theek ho sakta hai. COVID-19 se kam khatre wale logon se hum maang kar rahe hain ki aap ghar par khud ko chaudah dino ke liye isolate kar le. Apne parivaar se khud ko isolate kar le aur gambheer lakshan ko monitor kare aur agar aapko gabheer COVID-19 ke lakshan jaise saans lene mein takleef, ya chaati mein dard ho to jald se nirdharit nazdiki health facilities jaye.
- Colonial War Memorial Hospital (CWMH)
- FEMAT Hospital, Vodafone Arena
Nausori ke niwaasiyon ko agar gambheer lakshan hai toh weh:
- Nausori Health Centre
-Wainibokasi Hospital
165 par call kare agar medical facility nahi ja sakte.
Agar aap ya jinki aap dekhbhaal karte hai ko gambheer COVID bimaari ka khatra hai- khaas karke jab weh pachaas (50) saal se upar hai, ko koi gambheer bimaari jaise diabetes, dil ki bimaari, kidney ki bimaari, asthma, motapa ya agar aap garbwati hai toh aapko jald se jald nazdiki screening clinic jaana chahiye. Agar aapko COVID-19 ke liye positive paaya gaya toh hum dhyaan me rakhenge ki hamari health teame aapko jald se jald dekhbhaal kare.
1.) Jin karamchaariyon ko COVID ke lakshan hai aur jinhe kaam se opchaarik chutti ki zaroorat ko sujhao diya jaa raha hai ki weh nazdeeki screening clinic jaaye, jaanch karaye aur chaudha (14) din ghar par alag rahne ke liye medical certificate haasil kare.
2.) Jin karamchaariyon ko COVID ke lakshan dikhaai dete hai ko General Practitioners (GPs) se bhi chaudha (14) din ghar par alag rahne ke liye medical certificate haasil kar sakte hai.
Fiji mein anye ilaako mein rehne walon ke liye:
COVID-19 ke lakshan tatha testing ke liye kripya 158 par call kare ya apni nazdiki screening clinic jaye. Agar aap apne ghar se screening clinic jaane ke liye nikalte hai: kripya mask pehne jo aapke muh aur naak ko dhakta hai, doh metre ki doori barkarar rakhe, apne haathon ko sabun pani se dhoye dhote rahe ya sanitizer ka istemaal kare aur careFIJI app download kare aur activate kare agar aap ke paas smartphone hai, public transport mein safar na kare. Agar kisi COVID-19 mamle ke saath sampark mein aaye hai toh 158 par call kare.