Virus failne ki nayi jaankaari:
Pichli jaankaari ke baad humne saat naye mamle record kiye hai jinme se doh naye mamle 10/03/2022 ko record huwe, jabki pichle chaubees ghanton mein aaj subha aat baje tak panch naye mamle record huwe hai.
Joh saat mamle record huwe hai unn mein se panch mamle Central Division mein record huwe; ek Western Division mein, teen Northern Division mein jabki Eastern Division mein koi bhi mamla record nahi huwa hai.
Fiji mein abhi tak COVID-19 ke kul 63,997 mamle record huwe hai jinme se Central Division mein kul 68% mamle, 27% mamle Western Division ke, 3% mamle Northern Division ke aur 2% Eastern Division ke hai.
Pichle saat dino mein 7
th March tak, dainik roop se average aat mamle record huwe hai.
Mautein:
Yeh curve Division ke hisaab se pichle saal May se saptah ke hisaab se mauton ki jaankaari deta hai. December 2021 se isme badhanti huwi joh January 2022 ke madh tak raha. Teesre laher ki shuruwaat December 2021 ke madh ya ant mein huwi. (Dhyan de: ki pichle do saptah ki
aur shayad report honeke baad maut hone wale graph mein vridhi ho sakti hai).
Teesre wave mein mauton ki jaanch
Table 1: Division ke hisaab se mauton ke rates
| Division |
Kul COVID Mautein |
100,000 Logon me mautein |
| Central |
61 |
15.4 |
| Western |
44 |
12.3 |
| Northern |
28 |
20.0 |
| Eastern |
5 |
13.0 |
Iss teesre laher mein record huwi pahli 138 mauton ne dikhaya hai ki halaki Central Division mein sabse zyada mautein huwi hai, Northern division mein jansankhya (population) ke hisaab se mauton ke rate sabse zyada hai.
Dusra Table: Umar ke hisaab se mautein
| Umar |
Kul Mautein |
100,000 logon me mautein |
| 0 – 9 |
6 |
3.3 |
| 10 - 19 |
2 |
1.3 |
| 20 – 29 |
3 |
2.1 |
| 30 – 39 |
4 |
2.9 |
| 40 – 49 |
6 |
5.4 |
| 50 – 59 |
18 |
19.8 |
| 60 – 69 |
27 |
51.9 |
| 70 - 79 |
42 |
187.5 |
| 80 - 89 |
23 |
408.8 |
| 90 - 99 |
5 |
961.5 |
Iss teesri laher mein huwi 138 mauton mein jab 100,000 jansankhya (population) ke hisaab se mauton ka rate joda gaya toh pachaas aur usse zyada umr ke logon ki maut zyada huwi. Unees (19) saal se kam umar ke group mein aat bacchon ki maut huwi jahan aat me se saat bacchon ko pahle se koi gambheer bimaari thi aur ek bacche ko pahle se koi gambheer bimaari nahi thi.
Teesra Table: Sui lagne ki awastha se huwi Mautein
Umar
Samooh |
Kul COVID
mautein |
Kul kitne logon ko
Sui lagi/Sui nahi lagi |
Sui lage 100,000
logon me Mautein |
Sui lagna baaki
100,000 logon me
Mautein |
| >18 |
129 |
55/75 |
9.4 |
175.4 |
| 15 - 17 |
1 |
0/1 |
0 |
6.6 |
| 12 - 14 |
1 |
0/1 |
0 |
2.5 |
Teesri laher mein 138 COVID-19 mauton mein se jin che (6) logon ki maut huwi weh jansankhya (population) ke hisaab se sui lagane ke yogye nahi the (jo barah se kam umar ke hain). Ek analysis se pata chala hai ki 133 mauton ko jab 100,000 logon mein dekha gaya toh puri tarah vaccinated log (jinhe doh doses lage) aur puri tarah vaccinated nahi(jinhe sirf ek dose laga ya ek bhi nahi) badon ka rate Fiji mein 9.6 mautein hai jabki jin logon ko puri tarah sui nahi lagi hai ki maut ka rate 100,000 logon me 190.5 mautein huwi. Iska matlab hai ki iss teersi laher mein puri tarah sui lage bade logon ke milaan mein unn logon ki maut COVID-19 se 18.5 baar zyada rate mein ho rahi hai jinhe puri tarah sui nahi lagi hai. Barah se satrah (12-17) saal ke beech ke jin logon ki maut huwi hai unhe sui nahi lagi thi. Abhi tak booster dose (teesra dose) lag chuke logon ki maut nahi huwi hai.
Nayi mauton ki report
COVID-19 se koi maut hone ki report nahi di gayi hai.
COVID-19 ki wajah se Fiji mein 834 logon ki maut ho gayi hai. Kripya dhyaan de ki clinical teams duara mauton ki chanbin karne, saabit aur report karne mein samay lagta hai, maut hone ka saat dino ka rolling average jodne ke liye chaar dino ka interval diya jaata hai, joh maut ki taarik par adhaarit hota hai, taaki dhyaan mein rakha jaaye average report hone se pehle data batora jaaye. Isiliye March 7
th 2022 tak saat dino ka average dainik COVID-19 maut ek din mein 0.0 hai jabki ek mamle mein maut hone ka rate 1.29% hai.
COVID-19 ke liye positive paaye gaye 909 marizon ki maut anye gambheer bimaari ki wajah se huwi joh COVID-19 se sambandhit nahi the. Unke doctors ka kahna hai ki unki maut COVID-19 ke kaaran nahi huwi.
Aspataal mein bharti:
Dainik roop se aspataal mein bharti hone waalon ki sakhya me girwat dekhi gayi hai. WHO ke clinical gambheerta ke hisaab se, zyada pratishat, 50% (n=3) COVID-19 mareezo ko bina lakshan ya halke lakshan ke bharti kiya gaya, 17% (n=1) madhyam lakshan ke saamne aate hai aur 33% (n=2) ko bhi gambheer lakshan hai jabki koi bhi nazook ki category mein nahi aata hai. Badi sankhiya mein logo ko aspatal mein bharti kiya jata hai par samudayo mein zyada prasaran ke karan wehh bhi positive paye jaate hain. COVID-19 ki wajah se aspatal mein bharti hone waale marizon ki sankhya abhi kam hai.
Parikshan:
10
th March 2022 ko 125 tests report huwe. 2020 se abhi tak 502,044 test huwe. Pichle saat dino ka dainik average test, prati din 179 parikshan tha ya 1000 logon mein 0.2 parikshan.
Rashtriye taor par average dainik test positivity 4.0% hai jo WHO ke ullekh 5% se kam hai.
Aam Janta ko salah:
LTDD Prakriya ki nayi jaankaari
Jaisa ki pehle kaha gaya hai, abhi haal hi ke mausam ki wajah se leptospirosis, typhoid, aur dengue bukhaar ke mamlo mein vridhi huwi hai, jo Fiji ke liye sthanik-samwedi rog hai. Hamein aage ki mausam ki bhi jaankari hai aur haemin anumaan hai ki agle kuch dino mein aur bearish hogi, isiliye, hum jo salah de rahe hai, uska palan hona chahiye jabtak hum apne sarwajanik swasthiye aur clinical pratikriya ko badhana jari rakhenge. Humne leptospirosis ke mamlo mein vridhi dekhi hai, saath hi aspatal ke mamlo aur mauton mein vridhi dekhi hai jo ki iss mausam ka asar hai. Kripya hamari salah ko mane aur apne chahne walo aur khud ko surakshit rakhe.
FEMAT ki madat se Rakiraki me outreach programs jaari rahega. Chaar teame jinme ek medcal officer, ek nurse aur ek health inspector hau ko alag-akag medical ilaako me bheja gaya hai.
Ra SD ke sabhi gaon mein doh hafto mein pahuchna
LTDD ke marizon ka pata lagana aur suspected mamlo ka ilaaj karna
Ra SD ke gaon mein LTDD par jagrukhta badhana
Doh saptah ke annt mein, team 152 samudaye ko theek karne mein Samarth thi jisme (81 gaon aur 71 bastiyan thi) gaon ke 100% aur bastiyon ke 76%. Teams 1530 marizon ko dekh chuki hai jinme se 132 Leptospirosis ke liye suspected the, 10 Typhoid ke liye aur 11 ko theek kar diya gaya. Joh theek huwe unme se doh ko Typhoid tha aur chaar ko Leptospirosis.
Samudaye mein Chaar mamle jinka blood test liya gaya tha ko leptospirosis ke liye positive paya gaya par unka ilaaj outpatient teams duara jaldi kiya gaya jis ke karan aspatalo mein bharti nahi huwi.
Ra Medical area mein Mamlon ke bharti hone mein kami aayi, aur gambheer mamlo ko Lautoka aspatal transfer kiya gaya, saath hi LTDD mein mauton mein kami FEMAT outreach team ki madad se kiya gaya.
Rakiraki mein typhoid bukhar ke mamlo mein bhi vridhi aayi jaha ek ilaake se saath mamle aaye jahan teen ki maut huwi.
Sabhi typhoid ke mamlo ke rishtedaaro ko antibiotics diya gaya hai. Yyeh ilaaka ek mahine ke liye nigrani mein rahegi jaha roz niyamit daura kiya jaega taaki swachta karikaram ka palan ho jahan saaf bhojan aur pani ka istemaal kiya jaye. Acche swasthiye ke liye screening tests bhi kiye jayenge. Ek chal rahe jagrugta bhadhane ke karye mein samarthan mila jab Roko Tui Ra, Police, aur Ra health team ne Swasthiye mantri ke saath aage aaye jo chal rahe community engagement program ka hisa bane.
FEMAT team ko bhejne ka mukhye karan yeh hai ki LTDD mamlo mein bhaari taor se vridhi ho chuki hai, halaki, iss kam samaye mein ghar par ilaaj aur follow-up karte rehne se sirf che ko bharti kiya gaya aur kisi ki bhi maut nahi huwi. Aisa prabhao chal rahe mausam ki wajah se huwa. Jabki Rakiraki Medical ilaake mein mamle badh rahe hain, jaldi ilaaj karne ke abhyaas se line list mein rakhe gaye logon mein bimari ki gambhirta aur awdhi mein kami aayi hai. Halaki, mamlo ke khoj lambe samaye tak jari nahi rakha ja sakta isiliye, samudaye mein jude rehna aur ache swasth chahne ke liye acche vyawahar ko badhawa dena hi prathmikta honi chahiye jaldi ilaaj aur samarthan ke liye. FEMAT team iss saptah zaroori chutti ke liye apni sewaen rok rahi hai.
Rokthaam
Leptospirosis bacteria insaano tak gayon, suwaro, chuho aur kutte jo sakramit hai ke mutr se failta hai. Yeh bimaari kisi ko bhi ho sakti hai agar aap vyawasaik aur manoranjak khatra uthate hai agar aap sakramit janwaro, mitti, khuchad ya paani ke sampark mein aate hai.
Zaroori rokthaam upaayo mein shaamil hai bahar jaate samaye har waqt pure dhake huwe jute pehnna, bhaad ke paani mein ghumne ya tairna nahi, hamesha saaf pani ka istemaal karna khaaskar ke bhaad ke baad kichad wali jaho par, sabhi bhojan ya peene wali chizo ko dhaake rehna aur chuho se door rakhna. Karyesthal mein zaroori hai ki kitanuyo ko rokne ke liye acchi adat apnaye, suraksha upakaran ka istemaal kare khaas kar ke bhaad ya kichad wali jagho mein jute pehnne rehna.
Hum mata pita aur guardian’s se mang karte hai ki weh apne bacchon ko bhaad wale paani, nadi, nalo mein khlene se roke aur bacchon ko hamesha jute pehhne ko kahe agar weh bahar khel rahe ho.
Lakshan aur Ilaaj
Jald ilaaj se bimaari ke gambheer asar ko kam kiya ja sakta hai. Yadi aapka sampark abhi haal hi ke baadh ya kichad se huwa aur aapko bukhaar, jodo mein dard ya sar dard jaise lakshan hain toh jald hi aspatal jaye. Apki ankhen laal, bhook na lagna, uljhan, ulti ya chakkar aana ya kamzor mehoos wale lakshan bhi ho sakte hain.
Leptospirosis ka ilaaj agar kiya jaye toh antibiotic dawaiyon se kiya ja sakta hai jo doctor duara di jaye. Khatarnaak leptospirosis ke lakshan hain; saans lene mein takleef, khaaste samay khoon nikalna, chati mein peeda, peeli ankhen/chamde, khoon nikalna(aspasht chot), peshaab mein kami, jaagne mein takleef. Gambheer leptospirosis se jaan ka khatra ho sakta hai, agar kisi ko bhi yeh lakshan hai toh jald se aspatal le jaye.
Typhoid bukhaar
Typhoid bukhaar unhi ilaakon me paaye jaate hai jahan peene ke liye saaf paani uplabdh nahi hai. Hum grameen ilaakon aur shaher me informal settlements aur anye ilaake jahan peene ke liye saaf paani uplabdh nahi hai ke niwaasiyon se paani ubaalkar peene ki maang ki jaa rahi hai. Hume lagataar saaf suthra rahne waale niyam ka paalan karte rahna chahiye jaise ki saabun-paani se haath dhote rahna khaas karke toilet jaane ke baad aur bhojan karne ya banane se pahle.
Dengue bukhaar
Hum sabhi se mange karte hai ki macchar paida karne wali sthaan jaise aapke ghar ke bahar khaali bartan jisme pani bhar sakta hai isey hataye aur tyres ko bhi. Khud ko macchar ke kaatne se bachaye, mosquito screens ya repellents ka istemaal kare.
Sui Lagwana
11
th March tak 109,310 logon ne bosster doses lagwa liye gaye hai. Aam janta ko salaah di jaa rahi hai ki weh apna COVID-19 sui ka dursa dose lagne ke lagbhag paanch mahine ke andar booster dose lagwa sakte hai.Bade logo ke booster doses ke roop me dono Moderna aur Pfizer sui uplabdh hai.
Swaasth Mantralay duniya bhar mein faile data ke adhaar par bimaari pakadne se pahle cchoot dene waali salaah par lagaataar gaor kar raha hai.
Pfizer vaccine ke stock ke adhaar par hum bacchon aur badon ko doh doses aur booster dose ke liye Pfizer ka istemaal karenge.
Antarastriye Safar ka samarthan karna
Wohh niyam hatane ki yojna hai jahan Travel Partner deshon se aane waale yatri jinhe puri tarah se sui lag chuki hai ko teen dino tak hotel me rahna padta hai.
Jabse Travel Partner deshon ke liye seema ya borders khule hai tabse travel partner deshon se aane waale yariyon ko Fiji me do din rukne ke baad ek in-country test dena hoga. Iss zaroorat ka samarthan karne ke liye teen dino ke liye hotel me rukne waali zaroorat ko aniwarye kiya gaya taaki log testing se naa bach sake aur dhyaan me rakha jaaye ki test me positive paaye jaane waale yatriyon ko jald dhoonda jaaye. Saaf taor se kaha jaaye toh teen dino tak ek Care Fiji Commitment (CFC) hotel me rukna koi quarantine nahi tha. Hotel me rukne ki suvidha hai taaki desh me aane ke do din baad yatriyon ka parikshan ho sake.
Humne gaor kiya hai ki jabki kai deshon ne yatriyon ko zapt karne waale sabhi niyam hata diye hai, desh me testing waali shartein jaari hai. Isko dhyaan me rakhte huwe hum desh bhar me aur bhi testing sites rakhne ka samarthan kar rahe hai jahan yaatri Fiji aane se pahle testing ke liye booking kara sakte hai jiske liye unhe hotel me rahne ki zaroorat nahi hogi. Hum Ministry of Trade aur Tourism tatha Ministry of Economy ke saath milkar antim charan me kaam kar rahe hai taaki private entitites ko yaatriyon ko in-country testing karne ki swikriti di jaaye. Inn private entities ko dhyaan me rakhna hoga ki test upladh rahe aur parinaam Swaasth Mantralay ke adhikaari ko diya jaaye. Unhe yeh bhi report karne ki cchoot hogi ki koi yaatri zaroori testing karne se mana kar raha hai. Agar koi yaatri test dene se mana karega toh unhe kanooni taor se saza di jaayegi.
Non-Travel Partner Deshon ke Status ka lagataar Review
Yeh prayaas Ministry of Commerce, Trade, Tourism aur Transport, tathaMinistry of Economy (COVID-19 Risk Mitigation Taskforce) duara sanchalit ho raha hai. COVID-19 Failne ke Data (mamle, aspataal me bharti aur mauton ke adhaar par Gair-Travel partner status ko nirdhaarit karke inhe Travel Partner status me badla jaata hai. COVID-19 Community Surveillance data (1000 logon me positivity rate), aur prakop ka pata lagane ki shamta (Genomic sequence capability tak pahuch). Iss link par Travel partner deshon ki ek list di gayi link par upladh hai:
https://www.mcttt.gov.fj/home/traveltofiji/international-travel/#b