HINDI - STATEMENT BY THE PERMANENT SECRETARY FOR HEALTH & MEDICAL SERVICES DR. JAMES FONG - 14.10.21

Virus failne ki jaankaari:
Pichle saat dino me central division me 163 mamle record huwe, western division me 211 naye mamle tatha eastern division me 17 naye mamle record huwe hai. Desh bhar me jitney mamle record huwe uska 71% central division me record huwe, western division me 27% aur northern division me 2%.

Aakhri update ke baad 12/10/2021 ko 63 naye mamle record huwe jabki pichle chaubees ghanton me aaj subha aat baje tak 50 naye mamle record huwe the. 8^th October ko hamara saat dino ka dainik rashtriye average hai 44 mamle.

Division ke hisaab se weekly incidence rate sanket deta hai ki naye mamlon ki sankhya me lagataar girawat dekhi gayi hai halaki 17^th September 2021 ko Lami se Nausori waale rokthaam waale ilaake ko hata diya gaya. Iske alawa peak weekly incidence me western division me central division ke milaan me 1/3 mamle saamne aaye the aur sabhi mamlon ko agar liye jaaye toh bhi yahi antar hai.

Deaths:
Curve darshaata hai ek saptah me 1000 aabadi me division ke hisaab se kitne logon ki maut huwi hai jabse mahamaari ki dusri lahar isi saal April me shuru huwi thi. Aam taor se Central aur Western Division me maut ke rate waala graph sanket deta hai ki wohh neeche ki orr jaa raha hai. Sui lagne ke sthar, COVID niyamo ka paalan karne aur aabaadi me antar ki wajah se Central aur Western division me antar hai.
 
7^th July, 2021 se 12^th July, 2021 ke beech dus aur logon ki mritue huwi hai. Sabhi mautein Central Division me huwi. Yeh duso log 48 se 84 saal ke  beech ke the, 60% (n=6) mahilayen thi, 90% (n=9) log CWM aspataal me bharti the aur iss dauraan unki maut huwi jabki 10% (n=1) ki maut ghar par huwi. Inn mauton me 80% (n=8) logon ko sui nahi lagi thi, baaki 20% (n=2) ko sui ka pahla dose laga tha. Jiska matlab hai ki puri tarah vaccinated kisi bhi vekti ki maut nahi huwi hai. July me huwi 9 mauton ki report aaj di gayi kyonki unke death certificate dene me deri huwi thi

Fiji me COVID-19 ki wajah se 663 mautein huwi hai, inme se 661 mautein iss saal April me shuru huwi mahamaari ke dauraan huwi. Kripya dhyaan de ki clinical teamo ko chanbin karne, classify aur maut ki report dene ke liye samay lagta hai, isi liye chaar dino ka interval diya jaayega taaki maut ki taarikh ko dekhte huwe, saat dino ke average mauton ka hisaab rakha jaayega taaki average ki report se pehle sahi data batora jaaye. Isiliye 10^th October tak saat dino ka average dainik COVID-19 maut ek din mein 0.1 hai. Saat dino ka average dainik COVID-19 maut Central Division mein 0.1 hai aur Western Division mein 0.0 hai. 
 
COVID-19 ke liye positive paaye gaye 537 logon ki maut anye gamheer bimaari ki wajah se huwi hai joh unke COVID-19 ke liye positive paaye jaane se pehle huwi thi. Inn mauton ko COVID-19 karar nahi diya gaya hai.
  
Aspataal me bharti hone ki jaankaari:
Desh bhar me sabhi aspataal joh COVID-19 ke mariz bharti karte hai me lagataar mamle aur mauton ki sankhya me girawat dekhi gayi hai.  September ke beech me Lami-Nausori rokthaam waala ilaaka kholne ke baad aspataal me bharti hone waalon ki sankhya lagataar gir rahi hai joh sanket deta hai ki COVID sambandhi niyamo ka paalan ho raha hai, population density me antar aur sui lagan eke dar me bhi antar dekhe gaye.
 
Testing: 
October 12^th, 2021 ko 1,372 tests report huwe. Pichle saat dino ka dainik test average is 1011 tests prati din ya 1000 population me 1.1 tests. Desh bhar me pichle saat dino me average dainik test positivity 4.6% hai joh neeche ki orr jaa raha hai joh WHO ke shifarish 5% se kam hai aur yeh lab testing graph udaharan dekar spasht karta hai jo ankit karta hai ki dainik mamle me girawat ho rahi hai. Halaki hum zyada khatre waale ilaake me testing kar rahe hai, hamare mamlon ki sankhya aur test positivity rate lagataar gir rahi hai, jo sanket deta hai ki rokthaam,  niyamo ka paalan karne tatha lagataar nazar rakhne se Fiji me samaaj me virus ko failne par kaabu kiya jaa raha hai. Hum samaaj me faile virus ki sthiti aur anye sanket par nazar rakhi jaa rahi hai.

Epidemic Outlook:
Pichle saat dino mein COVID ke naye mamle ki sankhya average taor par prati din 44 mamle ho gaye hai yaani ek million logon mein 50 mamle. Jaisa ki pehle Permanent Secretary ne ghoshna kee thi ki dainik mamle ki sankhya ka upyog karke abhi mahamari ke progress ka sanket nahi diya jaa raha hai. Ministry anye sanket jaise ki test positivity, aspataal mein kitne log bharti hai aur kitni kitni logon ki maut huwi par nigraani rakhe huwe hai aur mahamari ke progress ko aank rahe hai.
 
Testing numbers me girawat hone se, testing numbers prati saptah WHO ke sujhao 1000 population me chaar hai (ya prati saptah 3500 tests) hai. Hum abh samaaj mein Surveillance testing par gaor karenge aur positivity rates rokthaam ke phase ke level tak jaane lage hai.
 
Aam janta ko salaah: 
Fiji me COVID-19 kuch ilaakon me kuch logon ko pidit karegi.

Aage chalkar Ministry of Health aur Medical Services public ki health team COVID-19 failne aur bimaari par dhyaan dekar hatchep karega jab mamle swikaar karne laayak ho. Aisi umeed hai ki kam samay me kuch ilaakon me virus unjaan tarike se desh ke hisson me failega. Hamari routine community surveillance program shayad kuch mamlon ki pahchaan nahi kar paaye.  Yeh tabhi aam kiya jaayega jab mahamaari itni badhi hogi ki wohh dikhaai de. Isi liye agar koi mamla report nahi huwa hai toh iska matlab yeh nahi hai ki virus khatam ho gaya hai. Yeh sanket dega ki faila huwa irus ko safaltapurwak kaabhu me kiya gaya hai. Jahan tak samaaj me faile virus ka sawaal hai hamara khaas jawab hai remodeling health service provision.

Aam janta ko ek baar fir yaad dilaaya jata hai ki virus ko aur failne se rokne, gambheer niyam ya lockdown ki zaroorat COVID suraksha niyamo ko badhawa dene ke liye hai.

Jabki hum bimaari ke mamle me lagataar girawat, aspataal me bharti, gambheer bimaari ya maut me kami dekh rahe hai yeh samay hai saodhaani baratne ki.

Bahri duwipon me bimaari par nigrani jaari hai jahan ki civil servants iss prayas me virus ko failne se rokne ke liye agle dus dino tak Malolo aur Yasawa Samudaayaik, judhao. Mantralay abhi bahri duwipon ke samaaj aur duwipon par survey kar rahe hai jabki isilands me prakop ke koi sanket nahi mile hai.
 
Sthaniye repatriation protocol
Fiji diwas ke din Raviwaar ki raat ko Viti Levu se Vanua Levu mein stahniye repatriation protocol ko lekar doh bade badlao kiye gaye hai.
 

 
Kripya dhyan de ki iska matlab hai ki hamare paas abhi bhi quarantine prakriya hai jiska palan karne ki awashyakta hai. Iss quarantine process ki nigrani aur testing logistics ki suvidha ke liye hume abhi bhi vektiyon ko Repatriation Pass dene ki awashyakta hai. Jitne bhi Repatriation yatri hain ko Register hona hoga aur Domestic Repatriation ke liye Registration Reference Number diya jayega. Registered vekti joh Domestic Repatriation ke liye #163, MCTTT Facebook Page, ya iss email domesticrepat@mcttt.gov.fj  ke zariye register huwe hai. Yatriyon ko safar ka ticket kharidne se pehle Pass lene ki zaroorat hai. Sabhi pass MHMS ke Office of the Commissioners (Central and Eastern Divisions) se lene honge. Aur jaankari ki paas kaise prapt kare 158 COVID helpline ya  3475190  par sampark kare joh subha 8am baje se raat 9pm baje tak har din khuli rehti hai. Ya email kare ccdrepat@gmail.com ya covidpassmoh@gmail.com.