Virus failne ki jaankari
Pichle chaubees (24) ghanton mein aaj subha aat baje tak COVID-19 ke 590 naye mamle saamne aaye hai. 420 mamle Western Division ke hai, 170 mamle Central Division ke hai.
Inn mamlon par puri jaankaari Ministry ke COVID-19 dashboard aur Fijian Government ke Facebook page par aaj raat online publish ki jaayegi. Aap iss link par jaakar naye aur active mamlon ki locations tatha recoveries mamle dekh sakte hai:
http://bit.ly/3vE2ZBb
Kal se lekar aaj ke beech 1,304 mareez theek huwe hai jiska matlab hai abh 21,754 active mamle hai. Central Division mein kul 14,554 active mamle hai, Western Division mein kul 7,199 mamle aur Northern Division mein ek mamla.
Isi saal April mein shuru huwe prakop ke dauraan 41,107 mamle saamne aaye. Pichle saal March mein desh ka pehla mamla saamne aane ke baad Fiji mein 41,177 mamle saamne aaye aur 18,795 mareez theek huwe hai.
Mauton par jaankari
13
th August se 15
th August ke beech COVID-19 se gyarah (11) logon ki maut huwi hai. Paanch maute Central Division me report huwi aur Western Division mein che maute huwi.
COVID-19 se pehli maut Naitasiri ke 85 saal ke aadmi ki huwi. Terah August, 2021 ko uski maut ghar par huwi. Aadmi ko sui nahi lagi thi.
COVID-19 se dusri maut Naitasiri ki 83 saal ki ek aurat ki huwi. Terah August, 2021 ko mahila ki maut ghar par huwi. Mahila ko sui nahi lagi thi.
COVID-19 se teesri maut Sigatoka ke 82 saal ke ek aadmi ki huwi. Sigatoka Aspataal pahuchaane par aadmi ko wahan ke medical officer ne mrit ghoshit kiya. Iska matlab hai ki pandrah August, 2021 ko uski maut ya toh ghar par huwi ya aspataal jaate waqt raaste me. Aadmi ko sui nahi lagi thi.
COVID-19 se chauthi maut Suva ke 68 saal ke ek aadmi ki huwi. Saans lene me takleef ki wajah se aadmi CWM Aspataal gaya tha aur bharti hone ke ek din baad pandrah August, 2021 ko uski maut ho gayi. Aadmi ko sui nahi lagi thi.
COVID-19 se paanchwi maut Tailevu ki 57 saal ki ek mahila ki huwi. Uski maut ghar par pandrah August, 2021 ko huwi. Mahila ko sui nahi lagi thi.
COVID-19 se chati maut Tailevu ki 68 saal ki mahila ki huwi. Pandrah August, 2021 ko uski maut ghar par huwi. Mahila ko July mahine ki shuruwaat me sui ka pahla dose laga tha lekin use dusra dose lagna baaki tha. Iska matlab hai ki wohh puri tarah vaccinate nahi nahi huwi thi.
COVID-19 se saatwi maut Rakiraki ke 79 saal ke aamdi ki huwi. Aadmi ki maut pandrah August, 2021 ko uske ghar par huwi. Aadmi ko sui nahi lagi thi.
COVID-19 se aatwi maut Tavua ki 72 saal ki mahila ki huwi. Raviwaar Pandrah August, 2021 ko mahila bukhaar, khaansi aur saans lene me takleef ki wajah se Tavua Sub-Divisional Aspataal gayi thi. Dukh ki baat hai ki kuch ghante baad Solah August ki tadke subha uski maut ho gayi. Paanch August ko mahila ko sui ka dusra dose lag gaya tha. Lekin dusra dose lagne ke doh hafte nahi huwe the jab use yeh virus huwa. Ek vekti ko sui ka dusra dose lagne ke baad doh hafte intzaar karne ki zaroorat hai tabhi iss sui se puri tarah suraksha mil sakti hai.
COVID-19 se nauwi maut Tavua ke 72 saal ke ek aadmi ki huwi. Saans lene me takleef ki wajah se wohh Tavua Aspataal gaya tha jahan uski maut usi din chaudha August, 2021 ko ho gayi. Aadmi ko sui nahi lagi thi.
COVID-19 se duswi maut Tavua ke 86 saal ke aadmi ki huwi. Saans lene me takleef ki wajah se wohh Tavua Aspataal gaya tha jahan uski maut usi din terah August, 2021 ko ho gayi. Aadmi ko sui nahi lagi thi.
COVID-19 se gyarahwi maut Lautoka ke 88 saal ke ek aadmi ki huwi. Uski maut usi din pandrah August, 2021 ko ghar par huwi. Aadmi ko sui ka pahla dose July mahine ke anth me laga tha. Use dusra dose lagna baaki tha, Iska matlab hai ki wohh puri tarah vaccinate nahi huwa tha.
Aaj report huwi mauton ke baad Fiji mein COVID-19 ki wajah se abh 405 logon ki maut ho gayi hai, iss saal April mein shuru huwe prakop ke baad 403 logon ki jaan gayi hai. Saat dino ka average dainik COVID-19 maut ek din mein 9 hai. Saat dino ka average dainik COVID-19 maut Central Division mein 4 aur Western Division mein 5 hai. COVID-19 ke liye positive paaye gaye 223 logon ki maut anye bimaari ki wajah se huwi hai joh unke COVID-19 ke liye positive paaye jaane se pehle huwi thi. Inn mauton ko COVID-19 karar nahi diya gaya hai.
Aspatal mein marizon par jaankari
COVID-19 ke 320 mareez aspatal mein bharti hain. Lautoka aspataal mein 115 mareez bharti hai. FEMAT field aspatal mein 43 mareez bharti hain, CWM, St Giles aur Makoi mein 162 mareez bharti hain. 39 mareezon ki halat gambheer batayi ja rahi hai aur 13 ki haalat nazook hai.
Screening ki jaankaari
Pichle chaubees (24) ghanton mein stationery screening clinics par kul 5,102 logon ko screen kiya gaya aur 876 logon ko swab kiya gaya, jisse abhi tak stationery screening clinics par kul (total) 462,637 logon ki screening aur 80,563 logon ko swab kiya gaya hai. 16
th August tak hamari mobile screening teams ne 1,438 logon ki screening ki aur 147 logon ko swab kiya jabki jabse mobile screening program shuru huwa hai tabse hamari mobile teamo ne abhi tak kul (total) 791,848 logon ki screening aur 70,079 logon ko swab kiya hai.
Testing par jaankaari
Iss saal April mein prakop shuru hone ke baad kul 309,940 samples test huwe hai, jabki pichle saal ki shuruwaat se abhi tak 352,801 test huwe hai. 16
th August ko 1370 tests report huwe hai.Testing number ke data ek lab se milna baaki hai jise milne ke baad testing number me vridhi hone ki sambhaona hai. Pichle saat dino ka dainik test average taor par 1507 tests prati din the yaani 1000 logon me 1.7 tests. Pichle saat dino mein dainik test positivity 32.8% hai.
Sui lagane ki jaankaari
16
th August tak desh bhar mein 536,123 bade logon ko sui ka pehla dose aur 216,012 logon ko dusra dose lag chuka hai. Iska matlab hai ki desh bhar mein target population ke 91.4% logon ko pehla dose aur 36.8% logon ko dusra dose lag gaya hai yaani weh puri tarah vaccinate ho gaye hai.
Fijiwaasiyon ko yaad dilaya jaa raha hai ki weh Ministry ke vaccine dashboard par jaakar dekhe joh national, divisional aur sub-divisional level par pehla dose aur dusre dose par jaankaari deta hai. Aap iss live dashboard ko yahan:
http://bit.ly/3h2JfCZ par dekh sakte hai.
Mahamaari ki Outlook
Pichle saat dino mein COVID ke naye mamle ki sankhya average taor par prati din 476 mamle ho gaye hai yaane ek million logon mein 538 mamle. Suva-nausori ke ilaako mein testing policing ke badlao ke karan dainik naye mamlon mein girawat ho rahi hai iske saath hi hamare dainik testing number bhi kam ho rahe hain. 21
st July ko Permanent Secretary duara ghoshit kiya gaya tha ki abh Suva-Nausori ilaako mein sirf bade khatre wale logon ki testing ki jayegi. Aisa iss liye kiya ja raha hai taaki jaldi bimari ka pata chal sake aur COVID-19 ke khatre wale logon ki dekhbhaal ki ja sake tatha aur bhi logon ko virus se bachane ke saath-saath aur bhi logon ki jaane bachaai jaaye.
Hum Suva-Nausori illako mein iss testing policy me badlao ka asar dekh rahe hai jabki dainik mamlo mein girawat huwi hai.
Iska matlab yeh nahi hai ki Suva-Nausori ilaako mein yeh prakop niche ki taraf jaa rahi hai. Permanent Secretary duara ghoshit kiya gaya tha ki Suva-Nausori ke mamlon ko dekh kar yeh anumaan nahi lagaya jaega ki prakop kitna hai. Mantralaye anye parikshan jaise test positivity, aspatal mein kitne mareez hai aur kitni maute huwi hai ke sanketon par bariki se nazar rakhe huwe hain. Testing policy mein badlao se pehle Suva–Nausori mein test positivity 40-50% thi aur issi ucche sthar par hai, jo ki rashtriye average se upar hai. Yeh ek sanket hai ki iss ilaake ke samaaj mein virus ucche sthar par faila huwa hai.
Western Division mein testing ucche sthar par saat dino mein dainik tests prati din the yane 1000 logon me 3.8 se 4 tests. Western Division mein mamle badh rahe hai jo sabeet karta hai ki virus bhaari taor se faila huwa hai. Humne yeh bhi dekha hai ki iss bimaari ke gambheer halat mein paye gaye logon ki sankhiya tatha maute bhi badh rahi hai. Northern aur Eastern Division mein abhi koi bhi mamla nahi hai.
Aam janta ko salaah
Yeh lagataar chinta ki baat bani huwi hai ki kuch log bimaari ki stithi gambheer hone ya antim charan mein pahuchne par hi aspataal jaate hai. Aur dukh ki baat hai ki hum dekh rahe hai ki gambheer stithi waalon ki maut ghar par ho jaati hai ya aspataal jaate waqt aspataal mein jisse hume unki jaan bachane ki mauka nahi milta hai.
Sabhi Fijiwaasiyon ko COVID-19 ke lakshan pata hona chahiye jinme shaamil hai: