HINDI - STATEMENT BY THE PERMANENT SECRETARY FOR HEALTH & MEDICAL SERVICES DR. JAMES FONG - 18.03.22

18/03/2022


Virus failne ki jaankaari:
Pichli jaankaari ke baad humne che naye mamle record kiye hai jinme se chaar naye mamle 17/03/2022 ko record huwe, jabki pichle chaubees ghanton mein aaj subha aat baje tak doh naye mamle record huwe hai.
 
Joh che mamle record huwe hai unn mein se teen mamle Central Division mein record huwe; ek mamla Western Division mein, ek mamla Northern Division mein jabki ek mamla Eastern Division mein record huwa hai.
 
Fiji mien kul 64,151 mamle record huwe hain jinme se Central Division mein kul  68% mamle, 27% mamle Western Division ke, 3% mamle Northern Division ke aur 2% Eastern Division ke hai.
 
Pichle saat dino mein 14th March tak, average panch dainik mamle record huwe hai.
 
Mautein:
Yeh curve Division ke hisaab se pichle saal May se saptah ke hisaab se mauton ki jaankaari deta hai. December 2021 se isme badhanti huwi joh January 2022 ke madh tak raha. Teesre laher ki shuruwaat December 2021 ke madh ya ant mein huwi. (Dhyan de: ki pichle do saptah ki aur shayad report honeke baad maut hone wale graph mein vridhi ho sakti hai).
 
Teesre wave mein mauton ki jaanch
Table 1: Division ke hisaab se mauton ke rates
Division Kul COVID Mautein 100,000 Logon me mautein
Central 61 15.4
Western 44 12.3
Northern 28 20.0
Eastern 5 13.0

Iss teesre laher mein record huwi pahli 138 mauton ne dikhaya hai ki halaki Central Division mein sabse zyada mautein huwi hai, Northern division mein jansankhya (population) ke hisaab se mauton ke rate sabse zyada hai.
 
Dusra Table: Umar ke hisaab se mautein
Umar Kul Mautein 100,000 logon me mautein
0 – 9 6 3.3
10 - 19 2 1.3
20 – 29 3 2.1
30 – 39 4 2.9
40 – 49 6 5.4
50 – 59 18 19.8
60 – 69 27 51.9
70 - 79 42 187.5
80 - 89 23 408.8
90 - 99 5 961.5

Iss teesri laher mein huwi 138 mauton mein jab 100,000 jansankhya (population) ke hisaab se mauton ka rate joda gaya toh pachaas aur usse zyada umr ke logon ki maut zyada huwi. Unees (19) saal se kam umar ke group mein aat bacchon ki maut huwi jahan aat me se saat bacchon ko pahle se koi gambheer bimaari thi aur ek bacche ko pahle se koi gambheer bimaari nahi thi.
 
Teesra Table: Sui lagne ki awastha se huwi Mautein
Umar
Samooh
Kul COVID
mautein
Kul kitne logon ko
Sui lagi/Sui nahi lagi
Sui lage 100,000
logon me Mautein
Sui lagna baaki
100,000 logon me
Mautein
>18 129 55/75 9.4 175.4
15 - 17 1 0/1 0 6.6
12 - 14 1 0/1 0 2.5

Teesri laher mein 138 COVID-19 mauton mein se jin che (6) logon ki maut huwi weh jansankhya (population) ke hisaab se sui lagane ke yogye nahi the (jo barah se kam umar ke hain). Ek analysis se pata chala hai ki 133 mauton ko jab 100,000 logon mein dekha gaya toh puri tarah vaccinated log (jinhe doh doses lage) aur puri tarah vaccinated nahi(jinhe sirf ek dose laga ya ek bhi nahi) badon ka rate Fiji mein 9.6 mautein hai jabki jin logon ko puri tarah sui nahi lagi hai ki maut ka rate 100,000 logon me 190.5 mautein huwi.  Iska matlab hai ki iss teersi laher mein puri tarah sui lage bade logon ke milaan mein unn logon ki maut COVID-19 se 18.5 baar zyada rate mein ho rahi hai jinhe puri tarah sui nahi lagi hai. Barah se satrah (12-17) saal ke beech ke jin logon ki maut huwi hai unhe sui nahi lagi thi. Abhi tak booster dose (teesra dose) lag chuke logon ki maut nahi huwi hai.
 
Nayi mauton ki report
COVID-19 se koi maut hone ki report nahi di gayi hai.
 
COVID-19 ki wajah se Fiji mein 834 logon ki maut ho gayi hai. Kripya dhyaan de ki clinical teams duara mauton ki chanbin karne, saabit aur report karne mein  samay lagta hai, maut hone ka saat dino ka rolling average jodne ke liye chaar dino ka interval diya jaata hai, joh maut ki taarik par adhaarit hota hai, taaki dhyaan mein rakha jaaye average report hone se pehle data batora jaaye. Isiliye March 14th  2022 tak saat dino ka average dainik COVID-19 maut ek din mein 0.0 hai jabki ek mamle mein maut hone ka rate 1.29% hai.
 
COVID-19 ke liye positive paaye gaye 912 marizon ki maut anye gambheer bimaari ki wajah se huwi joh COVID-19 se sambandhit nahi thi. Unke doctors ka kahna hai ki unki maut COVID-19 ke kaaran nahi huwi.
 
Aspataal mein bharti:
Dainik roop se aspataal mein bharti hone waalon ki sakhya mein girwat dekhi gayi hai. WHO ke clinical gambheerta ke hisaab se, zyada pratishat, 50% (n=1) COVID-19 mareezo ko bina lakshan ya halke lakshan ke bharti kiya gaya, jabki 50% (n=1) madh ki category mein aata hai aur koi bhi nazook ki category mein nahi aata hai. Badi sankhiya mein logo ko aspatal mein bharti kiya jata hai par samudayo mein zyada prasaran ke karan wehh bhi positive paye jaate hain. COVID-19 ki wajah se aspatal mein bharti hone waale marizon ki sankhya abhi kam hai.
 
Parikshan: 
17th March 2022 ko 157 tests report huwe. 2020 se abhi tak 502,974 test huwe. Pichle saat dino ka dainik average test, prati din 124 parikshan tha ya 1,000 logon mein 0.1 parikshan.
Rashtriye taor par average dainik test positivity 3.9% hai jo WHO ki shifarish 5% ke daire mein hai.
 
Aam Janta ko salah:
COVID-19 Sui
18th March tak 113,453 logon ne bosster doses lagwa liye gaye hai. Aam janta ko salaah di jaa rahi hai ki weh apna COVID-19 sui ka dursa dose lagne ke lagbhag paanch mahine ke andar booster dose lagwa sakte hai.Bade logo ke booster doses ke roop me dono Moderna aur Pfizer sui uplabdh hai.
Bacchon ko sui lagane ka prayaas acchi tarah se aage badh raha hai.Humne anumaan lagakar report kit hi ki kitne bade logon (attarah saal se upar) jo sui lagwana chahte the ko sui lagane ka laksh poora ho gaya hai lekin yeh sirf anumaan tha jabki kuch log honge jinhe abhi sui lagna baaki hai. Jo humne haasil kiya hai uspar hume garv hai lekin hamara laksh hai bhaari abaadi joh barah saal se upar ki jansankya hai. Barah saal se upar ke hamare yogya jansankhya jinhe do doses lag chuki hai wohh 87% hai. Sui lagane waale hamare program ka prabhao Western Division me dusre laher (Delta) prakop ke dauraan dekha gaya jahan mamle ki sankhya aur gamheer mamle me bhaari girawat dekhi gayi joki bhaari sankhya me logon ko sui lagane ka natija tha. Iske alawa pichla prakop (Omicron) ka asar Vaccineplus ke niyamo se kam kiya gaya. Humne saath milkar joh suraksha kaayam ki uski wajah se hamare borders ko surakchit roop se khola gaya.
 
Hamare abhi ke booster kariyekram me dheemapan aaya hai kyonki anye bimaariyan jaise ki leptospirosis, typhoid, dengue bukhaar, aur influenza ke mamle badh rahe hai jispar zyada dhyaan diya jaa raha hai.Aam janta ko yaad dilaya jaa raha hai ki weh booster sui ke doses lagwaaye jabki har din MOH ke webpage par sui lagane waali jagah ki jaankaari di jaati hai. Abhi ki stithi dekhe toh hum umeed kar rahe hai ki sui ked oh doses lagwane ki chhoot me kami aayegi aur ho sakta hai ki jin logon ne pahle chhoot ki maang kit hi wohh bhi sui lagwakar suraksha kaayam karenge. COVID abh Fiji aur duniya bhar me rahega jiska matlab hai ki wohh kabhi khatm nahi hoga. Hum videshi safar ke liye khule hai jabki Europe, China, New Zealand, aur Australia me COVID ke mamle badh rahe hai. Hamare logon ko booster dose lagane ki zaroorat hai taaki aage chalkar yahan COVID-19 ke mamle naa badhe, jahan tak gambheer bimaari, aspataal me bharti hone aur gambheer public health niyam ka paalan karne ka sawaal hai.
 
Hum duniya bhar mein failaaye data ke adhaar par lagataar bimaari se bachne waale saboot par gaor karte rahenge. Lekin jabtak hume bimaari hone se pahle chhoot ki jaankaari nahi milti, Ministry of Health sui lagne waali sankhya se hamari suraksha ke sthar ka pata karega.
 
Pfizer sui jabki uplabdh hai toh aise me bacche aur badon ko booster dose ke roop me inka upyog karna jaari rakha jaayega. 
 
Influenza
Influenza ke mamle badhne se outpatient dekhhaal ki chamta par asar pada hai. COVID-19 sui ki zaroortein poori karne ka prayaas jabki jaari hai toh aise me LTDD mamle me bhaari vridhi dekhi jaa rahi hai. Isi wajah se swaasth dekhbhaal, khaas karke outpatient suvidhaon par bhaari boj pad raha hai.
 
Mahamaari se pahle Fiji me sardi-zukhaam ka mausam January me shuru hokar May/June mahine me khatm hota tha. Lekin 2020 aur pichle saal logon me influenza me bhaari girawat dekhi gayi, jabki aisa hi anye deshon me dekha gaya. Aisa ho sakta hai ki COVID-19 ke liye joh niyam apnaye jaa rahe the wohh saans sambandhi virus jinme influenza bhi shaamil hai ko kam karne me upyog kiye jaayenge. Abhi sardi-khaasi ke mamle me vridhi, mahamaari aane se pahle sardi khaansi ke mausam me jitney logon ko bimaari hoti thi ke sthar tak pahuch gaya hai lekin yeh bhi ho sakta hai ki haalhi ke saalon me influenza ke mamle me girawat huwi hogi jisse samaaj me chhoot me kami huwi hogi aur sardi-khaansi ke samaanye mausam ke milaan me zyada log bimaar ho rahe hai.
 
Paanch saal se kam umr ke bacche aur buzurgon ko gambheer influenza se khatra ho sakta hai.
Humne aam janta ke liye (https://www.health.gov.fj/influenza/) par kuch salaah publish kiya hai ki kaise log apne aur apne bacchon ko sardi-khaasi se apne aap ko bacha sakta hai aur koun-koun se lakshan par unhe gaor karna hai.
 
Logon ko der tak intaar na karna pade isi wajah se Ministry kuch niyamo ka paalan karte huwe aur bhi suvidhaen kholna chahti hai, sewa ke ghante badhane aur outpatient sewaon ko sudhaarne par kaam kar raha hai. Humne haalhi me dekha hai ki hamare staff joh COVID-19 ke dusri aur teesri laher ki wajah se chutti nahi le paaye the abh chutti se laut rahe hai tatha sardi zukhaam ke mamle badhne se weh sick leave se bhi laut rahe hai. Humne LTDD ka saamna karne aur sui ki zaroorat ka saamna karne ke liye apne outreach kariyekram me kuch badlao kiye hai taaki health centres me outpatient ki sewa pradaan karne waale karamchaari ko kuch aaraam mile aur sewaon me sudhaar kiya jaaye.
 
Leptospirosis, typhoid, aur dengue bukhaar
Jaisa ki pehle kaha gaya hai, abhi haal hi ke mausam ki wajah se leptospirosis, typhoid, aur dengue bukhaar ke mamlo mein vridhi huwi hai, jo Fiji ke liye sthanik-samwedi rog hai. Hamein aage ki mausam ki bhi jaankari hai aur haemin anumaan hai ki agle kuch dino mein aur bearish hogi, isiliye, hum jo salah de rahe hai, uska palan hona chahiye jabtak hum apne sarwajanik swasthiye aur clinical pratikriya ko badhana jari rakhenge. Humne leptospirosis ke mamlo mein vridhi dekhi hai, saath hi aspatal ke mamlo aur mauton mein vridhi dekhi hai jo ki iss mausam ka asar hai. Kripya hamari salah ko mane aur apne chahne walo aur khud ko surakshit rakhe.
 
Leptospirosis
Iss saal leptospirosis ke 1230 confirmed mamle miley hai, jinme se 240 pichle update mein report huwa aur 145 mamle ek saptah pehle mila aur pichle saptoh mein 94 mamle miley hai. Sabhi division mein prakop faila huwa hai.
 
Central Division mein, 436 mamle miley, jinme se 100 pichle saptah miley aur usse pehle saptah mein 77 mamle.
 
Western Division mein, 488 mamle miley, jinme se 42 pichle saptah miley aur usse pehle saptah mein 56 mamle.
 
Northern Division mein, 270 mamle miley, jinme se 7 pichle saptah miley aur usse pehle saptah mein 9 mamle.
 
Eastern Division mein, 36 mamle miley, jinme se 5 pichle saptah miley aur usse pehle saptah mein 7 mamle.
 
Rashtriye taor par iss saal aspatal mein bharti marizon mein kul 380 ko bharti kiya gaya hai. Aur:
Western Division mein, 206 mamle miley, jinme se 32 pichle saptah miley aur usse pehle saptah mein 38 mamle miley hai joh ki bharti kiye gaye mamlo mein girawat dekhata hai. Zyada mamle pichle saptah Lautoka aspatal, Rakiraki, Nadroga/Navosa, Nadi, Ba, aur Tavua se bharti kiye gaye. Sabhi divisions se mamlo ke bharti hone mein girawat dekhi gayi hai.
 
Central Division mein, 122 mamle miley, jinme se 6 pichle saptah miley aur usse pehle saptah mein 20 mamle miley hai joh ki bharti kiye gaye mamlo mein girawat dekhata hai.
 
Northern Division mein, 40 mamle miley, jinme se 3 pichle saptah miley aur usse pehle saptah mein 10 mamle miley hai joh ki bharti kiye gaye mamlo mein girawat dekhata hai.
 
Eastern Division, mein, 12 mamle miley, jinme se 2 pichle saptah miley aur usse pehle saptah mein 6 mamle miley hai joh ki bharti kiye gaye mamlo mein girawat dekhata hai. Eastern Division mein bharti kiye gaye mamle Levuka, Kadavu, aur Lomaloma ke hai.
 
Dukh ke saath, leptospirosis ke karan pichle update 09/03/22 ke baad doh aur mautein huwi hai. Ek 27 saal ka jiski maut Lautoka aspatal ke ICU mein 10th March ko huwi aur ek aur 27 saal ki maut Wainibokasi mein 2nd March ko huwi. Iss saal leptospirosis se 27 logon ki maut huwi hai jahan 19 Western Division, teen Central aur 5 North mein huwi.
 
Sabhi umr ke logon me mamle paaye gaye, Mamle zyada karke 10 se 39 saal ke beech ke logon me paaye gaye jabki mahilaon ke milaan me zyada purushon ko aur i-Taukei samaaj me zyada logon me yeh mamle paaye gaye.
 
Rokthaam
Leptospirosis bacteria insaano tak gayon, suwaro, chuho aur kutte jo sakramit hai ke mutr se failta hai. Yeh bimaari kisi ko bhi ho sakti hai agar aap vyawasaik aur manoranjak khatra uthate hai agar aap sakramit janwaro, mitti, khuchad ya paani ke sampark mein aate hai.
 
Zaroori rokthaam upaayo mein shaamil hai bahar jaate samaye har waqt pure dhake huwe jute pehnna, bhaad ke paani mein ghumne ya tairna nahi, hamesha saaf pani ka istemaal karna khaaskar ke bhaad ke baad kichad wali jaho par, sabhi bhojan ya peene wali chizo ko dhaake rehna aur chuho se door rakhna. Karyesthal mein zaroori hai ki kitanuyo ko rokne ke liye acchi adat apnaye, suraksha upakaran ka istemaal kare khaas kar ke bhaad ya kichad wali jagho mein jute pehnne rehna.
 
Hum mata pita aur guardian’s se mang karte hai ki weh apne bacchon ko bhaad wale paani, nadi, nalo mein khlene se roke aur bacchon ko hamesha jute pehhne ko kahe agar weh bahar khel rahe ho. 
 
Lakshan aur Ilaaj
Jald ilaaj se bimaari ke gambheer asar ko kam kiya ja sakta hai. Yadi aapka sampark abhi haal hi ke baadh ya kichad se huwa aur aapko bukhaar, jodo mein dard ya sar dard jaise lakshan hain toh jald hi aspatal jaye. Apki ankhen laal, bhook na lagna, uljhan, ulti ya chakkar aana ya kamzor mehoos wale lakshan bhi ho sakte hain.
 
Leptospirosis ka ilaaj agar kiya jaye toh antibiotic dawaiyon se kiya ja sakta hai jo doctor duara di jaye. Khatarnaak leptospirosis ke lakshan hain; saans lene mein takleef, khaaste samay khoon nikalna, chati mein peeda, peeli ankhen/chamde, khoon nikalna(aspasht chot), peshaab mein kami, jaagne mein takleef. Gambheer leptospirosis se jaan ka khatra ho sakta hai, agar kisi ko bhi yeh lakshan hai toh jald se aspatal le jaye.
 
FEMAT outbreak response teams joh Navosa Subdivision aur Ra Subdivision ka daura kar rahi thi reports ne dikhaya hai jab marizon ka jald dekha jata hai aur jald ilaaj kiya jata hai, mareez theek ho kar ghar jaate hai aur aspatal mien bharti nahi karna padta. Isse bimari ke khatre aur mauton mein kami aati hai.  Toh hum unse agra karte hai joh ghar par hai aur bimaar hain, jald ilaaj ke liye aaye taaki aap jald apni bimari se theek ho.
 
Typhoid bukhaar
Iss saal typhoid bukhaar ke 67 confirmed mamle miley hai, jinme se 15 pichle saptah report huwa (10 Western Division se, doh Northern aur doh Central). Rashtriye taor se Central, Northern, aur Eastern Divisions mein Typhoid bukhaar ke average se kam mamle hai ya average akde hai johh ki iss saal ke iss samaye hamesha rehta hai. Halaki Western Division mein, Ra, Lautoka, aur Nadi ke samudao mein mamla faila huwa hai. Dukh ke saath, iss saal typhoid bukhaar se panch logon ki maut huwi hai. Pichli update 9/03/2022 ke baad koi bhi maut report nahi huwi hai.
 
Typhoid bukhaar unhi ilaakon me paaye jaate hai jahan peene ke liye saaf paani uplabdh nahi hai. Hum grameen ilaakon aur shaher me informal settlements aur anye ilaake jahan peene ke liye saaf paani uplabdh nahi hai ke niwaasiyon se paani ubaalkar peene ki maang ki jaa rahi hai. Hume lagataar saaf suthra rahne waale niyam ka paalan karte rahna chahiye jaise ki saabun-paani se haath dhote rahna khaas karke toilet jaane ke baad aur bhojan karne ya banane se pahle.
 
Dengue bukhaar
Iss saal dengue bukhaar ke 1085 confirmed mamle miley hai, jinme se 120 mamle pichle update mein miley hai. Western Division (Nadi, Tavua, Ba) mein mamla faila huwa hai. Halaki, West ke health centres mein suspected dengue ke mamlo mein girawat dekhi gayi hai.
 
Hum sabhi se mange karte hai ki macchar paida karne wali sthaan jaise aapke ghar ke andar ya bahar khaali bartan jisme paani bhar sakta hai isey hataye jinme tyres, flower vases aur pot plant ke base bhi shaamil hai., Apne ghar me mosquito screens ya repellents ka upyog karen aur khud ko macchar ke kaatne se bachaiye.