HINDI - STATEMENT BY THE PERMANENT SECRETARY FOR HEALTH & MEDICAL SERVICES DR. JAMES FONG - 22.07.21

Virus failne ki jaankaari

Pichle chaubees (24) ghanton me aaj subha aat baje tak COVID-19 ke 918 naye mamle saamne aaye hai.

Inn mamlon par puri jaankaari Ministry ke COVID-19 dashboard aur Fijian Government ke Facebook page par aaj raat online publish ki jaayegi. Aap kal yeh link  http://bit.ly/3vE2ZBb par jaakar dekh sakte hai ki naye mamle kin ilaakon mein hai.

Unees (19th) July se ikkees (21th) July ke beech COVID-19 se pandrah (15) logon ki maut huwi hai. Inme wohh maut bhi shaamil hai jinpar chanbin chal rahi thi.

COVID-19 ki pahli maut Suva ki 75 saal ki ek mahila ki huwi. Ikkees (21st) July, 2021 ko mahila ki maut uske ghar par ho gayi. Mahila ko COVID-19 se bachne ki sui nahi lagi thi.

COVID-19 se dusri maut Nadera ke 49 saal ke ek aadmi ki huwi. Bees (20th) July, 2021 ko uski maut ghar par huwi. Iss aadmi ko bhi sui nahi lagi thi.

COVID-19 se teesri maut Tovata ke 83 saal ke ek aadmi ki huwi. Bees (20th) July, 2021 ko uski maut ghar par huwi.  Iss aadmi ko bhi sui nahi lagi thi.

COVID-19 se chauthi maut Cunningham ke 44 saal ke ek aadmi ki huwi. Saans lene me takleef ki wajah se wohh CWM aspataal gaya tha. Uski maut usi din baais (22nd) July, 2021 ko huwi. Aadmi ko bhi sui nahi lagi thi.

COVID-19 se paanchwi maut Narere ke 60 saal ke ek aadmi ki huwi. Ikkees (21st) July, 2021 ko uski maut ghar par ho gayi. July mahine ki shuruwaat me aadmi ko sui ka pahla dose lag gaya tha. Aadmi ko sui ka dusra dose lagna baaki tha jiska matlab hai ki wohh poori tarah vaccinate nahi huwa tha. 

COVID-19 se chati (6th) maut Nabua ke 63 saal ke aadmi ki huwi. Aadmi ki maut bees (20th) July, 2021 ko uske ghar par ho gayi. Aadmi ko sui ka pahla dose June mahine ke madhya me laga tha lekin usko dusra dose lagna baaki tha jiska matlab hai ki wohh poori tarah vaccinate nahi huwe the.

COVID-19 se saatwi (7th) maut Nadera ke 68 saal ke aadmi ki huwi. Unnees (19th) July, 2021 ko uski maut ghar par huwi. June mahine ke anth me use sui ka pahla dose laga tha lekin use dusra dose nahi laga tha jiska matlab hai ki wohh poori tarah vaccinate nahi huwa tha.

COVID-19 se aatwi (8th) maut Waimanu Road ke 63 saal ke ek aadmi ki maut huwi. Bees (20th) July, 2021 ko aadmi ki maut uske ghar par huwi. Aadmi ko sui nahi lagi thi.

COVID-19 se nauwi maut Kalekana ke 84 saal ke ek aadmi ki huwi. Bees (20th) July, 2021 ko uski maut ghar par huwi. Aadmi ko sui nahi lagi thi.

COVID-19 se duswi (10th) maut Toorak ke 53 saal ke ek aadmi ki huwi. Bees (20th) July, 2021 ko uski maut ghar par huwi. Aadmi ko sui nahi lagi thi.

COVID-19 se gyarahwi (11th) maut Vatuwaqa ki 63 saal ki ek mahila ki huwi. Bees (20th) July, 2021 ko uski maut ghar par huwi. Mahila ko sui nahi lagi thi.
COVID-19 se barahwi (12th)  maut Makoi ke 56 saal ke ek aadmi ki huwi. Bees (20th) July ko uski maut ghar par ho gayi. Iss aadmi ko bhi sui nahi lagi thi.
 
COVID-19 se terahwi (13th) maut Narere ki 72 saal ki ek mahila ki huwi. Wohh saans lene me takleef ki wajah se FEMAT field aspataal gayi thi. Uski maut usi din ikkees (21st) July, 2021 ko ho gayi. Mahila ko sui nahi lagi thi.
 
COVID-19 se chaudhwi (14th) maut Cunningham ki 102 saal ki ek mahila ki huwi. Bees (20th) July, 2021 ko uski maut ghar par huwi. Iss mahila ko bhi sui nahi lagi thi.
 
COVID-19 se pandrahwi (15th) maut Cautata village ke 80 saal ke ek aadmi ki huwi. Ikkees (21st) July, 2021 ko uski maut ghar par ho gayi. Aadmi ko bhi sui nahi thi.
 
COVID-19 ke liye positive paaye gaye saat aur mariz ki maut huwi. Lekin unke doctors ka kahna hai ki unki maut COVID-19 ki wajah se nahi huwi hai. Doctors ke anusaar in marizon ki maut unhe COVID-19 ke liye positive paaye jaane se pahle jo bimaari thi usi wajah se huwi hai.
 
Fiji me COVID-19 ki wajah se abh 161 logon ki maut ho gayi hai, is saal April me shuru huwe prakop ke baad 159 logon ki jaan gayi hai. COVID-19 ke liye positive paaye gaye 68 logon ki maut anye bimaari ki wajah se huwi hai joh unke COVID-19 ke liye positive paaye jaane se pahle huwi bimaari ke kaaran huwi, COVID-19 ke kaaran nahi.

Kal se lekar aaj ke beech 179 mariz theek huwe hai jiska matlab hai abh 16,403 active mamle hai. Isi saal April mein shuru huwe prakop ke dauraan 21,291 mamle saamne aaye jabki pichle saal March mein desh ka pehla mamla saamne aane ke baad Fiji mein kul 21,361 mamle saamne aaye aur 4,729 mariz theek huwe hai.

Ek aur mauton par chaanbin chal rahi hai. Jaanch ke baad tests results ke saath iss par jaankari di jayegi.
 
Screening ki jaankaari
Pichle chaubees (24) ghanton mein stationery screening clinics par kul (total) 6,281 logon ko screen kiya gaya aur 1,962 logon ko swab kiya gaya, jisse abhi tak stationery screening clinics par kul (total) 342,970 logon ki screening aur 61,971 logon ko swab kiya gaya hai. Pichle chaubees (24) ghanton mein mobile screening teams ne 4,220 logon ki screening ki aur 866 logon ko swab kiya jabki jabse mobile screening program shuru huwa hai tabse hamari mobile teamo ne abhi tak kul (total) 730,701 logon ki screening aur 63,937 logon ko swab kiya hai.

Testing ki jaankaari
Iss saal April mein prakop shuru hone ke baad kul 239,996 samples test huwe hai, jabki pichle saal ki shuruwaat se abhi tak 282,857 test huwe hai. Bees 20th July ko 3,412 tests report huwe. Inn testing numbers ke aadhaar par desh bhar mein pichle saat dino ka dainik test average taor par 3772 tests prati din the yane 1000 logon me 4.3 tests. Pichle saat dino mein dainik test positivity 29.7% hai jo upar badhta jaa rahi hai.
 
Sui lagane ki jaankaari
Ikkees (21st) July tak desh bhar mein 419,673 bade logon ko sui ka pehla dose aur 86,505 logon ko dusra dose lag chuka hai. Iska matlab hai ki desh bhar mein target population ke 71.5% logon ko pehla dose aur 14.7% logon ko dusra dose lag gaya hai yaani weh puri tarah vaccinated ho gaye hai.

Fijiwaasiyon ko yaad dilaya jaa raha hai ki weh Minstry ke vaccine dashboard par jaakar dekhe joh national, divisional aur sub-divisional level par pehla dose aur dusre dose par jaankaari deta hai. Aap iss live dashboard ko yahan:  http://bit.ly/3h2JfCZ par dekh sakte hai.
 
Mahamaari ki Outlook
Pichle saat dino mein COVID ke naye mamle ki sankhya average taor par prati din 1068 mamle ho gaye hai yaane ek million logon mein 1207 mamle. Dainik mamlo ki sankhiya ke saath ghambheer bimari ke mamle mein vriddhi aur mauten badh rahi hai.
 
Aam janta ko salaah
Suva-Nausori ke containment ilaako mein COVID-19 badh chukka hai. Iska matlab hai ki agar aapko COVID-19 ke lakshan dikhayi deh toh aap yeh maan le ki aapko COVID-19 ho gaya hai aur aap khud ko ghar par isolate kar le. Apne aap ko isolate karne ke liye positive test result ka intezaar na kare. Apne aap ko isolate kar lene se aap dusro tak COVID-19 virus failane se rokte hai.

COVID-19 ke yeh lakshan hain:
Khaasi, naak behna, naak band hona, cheek, thakaan, swaad na aana ya mehek na aana, sar dard, shareer dard aur peeda, gale mein kharash, bukhaar, diarrhea, laal ankhen, aur shareer mein daane.

Agar aapko inme se koi bhi lakshan hai toh kripya yeh kare:
 Apne aap ko apne gharwalo se isolate kar le. Ghar par rahe. Jitna ho sake doh metre ki doori apne ghar walo ke saath barkarar rakhe. Mask pahne joh aapke naak aur muh ko acchi tarah se dhaakta ho. Anye logon se surakshit doh metre ki doori banaye rakhe.naak aur muh ko acchi tarah se dhaakta ho. Anye logon se surakshit doh metre ki doori banaye rakhe.

Ghar par isolation mein mein chaudah din bitaye, dher sara pani piye tatha bukhaar aur peeda ke liye paracetamol le.

COVID-19 ke gambheer lakshano par dhyan de.
 
Gambheer COVID-19 ki sthiti ek medical emergency hai. Ilaaj paane mein der karna iss virus se bachne ki sambhavna ko kam karta hai. Aapko positive test result ki zaroorat nahi inn lakshano se bachne ke liye.
 
Sabhi Fijiwaasiyon ko COVID-19 ke lakshan pata hona chahiye jinme shaamil hai:
Saans lene mein takleef
Chaati mein dard ya pressure
Kuch dino se gambheer sar dard
Nayi uljan, jaagne ya uthne mein mushkil; aur Shareer ke chamde (skin), hoont aur naakhoon, peele, gray, ya neele rang ke ho jaana.
 
Suva-Nausori rokthaam waale ilaakon mein humne kuch health facilities ki pehchaan ki hai jahan wohh log jaa sakte hai jinhe COVID-19 ke gambheer lakshan dikhaai dete hai. Agar aap ya aapke chahne waale Suva-Nausori ke rokthaam ilaake mein rahte hai aur aapko gambheer lakshan hai toh kripya jald se jald in nirdharit health facilities jaaye.

- Colonial War Memorial Hospital (CWMH)
- FEMAT Hospital,
Vodafone Arena

Nausori ke niwaasiyon ko agar gambheer lakshan hai toh weh:
- Nausori Health Centre
-Wainibokasi Hospital

165 par call kare agar medical facility nahi ja sakte.
Agar aap ya jinki aap dekhbhaal karte hai ko gambheer COVID bimaari ka khatra hai- khaas karke jab weh pachaas (50) saal se upar hai, ko koi gambheer bimaari jaise diabetes, dil ki bimaari, kidney ki bimaari, asthma, motapa ya agar aap garbwati hai toh aapko jald se jald nazdiki screening clinic jaana chahiye. Agar aapko COVID-19 ke liye positive paaya gaya toh hum dhyaan me rakhenge ki hamari health teame aapko jald se jald dekhbhaal kare.
1.) Jin karamchaariyon ko COVID ke lakshan hai aur jinhe kaam se opchaarik chutti ki zaroorat ko sujhao diya jaa raha hai ki weh nazdeeki screening clinic jaaye, jaanch karaye aur chaudha (14) din ghar par alag rahne ke liye medical certificate haasil kare.
2.) Jin karamchaariyon ko COVID ke lakshan dikhaai dete hai ko General Practitioners (GPs) se bhi chaudha (14) din ghar par alag rahne ke liye medical certificate haasil kar sakte hai.