Virus failne ki jaankari
Pichle chaubees (24) ghanton mein aaj subha aat baje tak COVID-19 ke 55 naye mamle saamne aaye hai.
Kal se lekar aaj ke beech 6,040 mareez theek huwe hai jiska matlab hai abh 2,864 active mamle hai. Iss saal April mein shuru huwe prakop ke dauraan 51,258 mamle saamne aaye. Pichle saal March mein desh ka pehla mamla saamne aane ke baad Fiji mein 51,328 mamle saamne aaye aur 47,291 mareez theek huwe hai.
Hum abhi apne active case database ko mauton aur joh mariz theek huwe se review aur reconcile kar rahe hai jiske falswaroop jaise-jaise jaanch honge maut aur theek hone waale numbers me badlao honge.
Mauton par jaankari
17
th July se 3
rd October ke beech COVID-19 ki wajah se nau mautein hone ki report mili hai. COVID-19 ki aat mautein Central Division mein huwi jabki ek maut Western Division me huwi hai. Kripya dhyaan de ki July ki paanch mautein aur August ki teen mauton ki report aaj ki jaa rahi hai kyunki unke death certificates milne mein deri thi.
COVID-19 ki wajah se pehli maut Suva ki 49 saal ki ek mahila ki huwi. Saans lene me takleef ki wajah se wohh CWM aspataal gayi thi. Dukh ki baat hai ki bharti hone ke dus dino baad 19
th August, 2021 ko uski maut ho gayi. June mahine ke madh me use sui ka pahla dose laga tha. Mahila ko dusra dose nahi laga tha. Iska matlab hai ki wohh puri tarah se vaccinate nahi huwi thi.
COVID-19 ki wajah se dusri maut Suva ki 73 saal ki ek mahila ki huwi. Saans lene me takleef ki wajah se wohh CWM aspataal gayi thi. Bharti hone ke che din baad 17
th July, 2021 ko uski maut ho gayi. Mahila ko sui nahi lagi thi.
COVID-19 ki wajah se teesri maut Suva ki 42 saal ki ek mahila ki huwi. Saans lene me takleef ki wajah se wohh CWM aspataal gayi thi. Bharti hone ked us din baad 27
th July, 2021 ko uski maut ho gayi. Mahila ko sui nahi lagi thi.
COVID-19 ki wajah se chauti maut Suva ke 59 saal ke ek aadmi ki huwi.Saans lene me dikkat ke kaaran wohh CWM aspataal gaya tha. Dukh ki baat hai ki bharti hone ke saat din baad 26
th July, 2021 ko uski maut ho gayi. Aadmi ko sui nahi lagi thi.
COVID-19 ki wajah se paanchwi maut Navua ke 62 saal ke ek aadmi ki huwi. Saans lene me takleef ki wajah se wohh CWM aspataal ke Emergency Department gaya tha. Dukh ki baat hai ki uski maut usi din 22
nd June, 2021 ko ho gayi. Aadmi ko sui nahi lagi thi.
COVID-19 ki wajah se chati maut Suva ke 74 saal ke ek aadmi ki huwi. Saans lene me dikkat ki wajah se wohh CWM aspataal gaya tha. Bharti hone ke terah din baad 4
th August, 2021 ko uski maut ho gayi. Use sui nahi lagi thi.
COVID-19 ki wajah se saatwi maut Suva ke 55 saal ke ek aadmi ki huwi. Saans lene me dikkat ke kaaran wohh CWM aspataal gaya tha. Bharti hone ke do din baad 24
th July, 2021 ko uski maut ho gayi. Aadmi ko sui nahi lagi thi.
COVID-19 ki wajah se aatwi maut Suva ke 73 saal ki ek mahila ki huwi. Saans lene me takleef ki wajah se wohh CWM aspataal gayi thi. Dukh ki baat hai ki bharti hone ke ek din baad uski maut 21
st August, 2021 ko huwi. Mahila ko sui nahi lagi thi.
COVID-19 ke kaaran nauwi maut Nadi ki 69 saal ke ek aadmi ki huwi. Saans lene me takleef ki wajah se wohh Lautoka aspataal gaya tha. Dukh ki baat hai ki bharti hone ke ek din baad 30
th September, 2021 ko uski maut ho gayi. Aadmi ko sui nahi lagi thi.
COVID-19 ke liye positive paaye gaye 13 logon ki maut anye gamheer bimaari ki wajah se huwi hai joh unke COVID-19 ke liye positive paaye jaane se pehle huwi thi. Inn mauton ko COVID-19 karar nahi diya gaya hai.
Fiji me COVID-19 ki wajah se 647 maute ho chuki hai, inme se 645 maute iss saal April me shuru huwe prakop ke baad huwi. Kripya dhyaan de ki clinical teamo ko chanbin karne, classify aur maut ki report dene ke liye joh samay lagta hai, isi liye chaar dino ka interval diya jaayega taaki maut ki taarikh ko dekhte huwe, saat dino ke average mauton ka hisaab rakha jaayega taaki average ki report se pehle sahi data batora jaaye. Isiliye 1
st October tak saat dino ka average dainik COVID-19 maut ek din mein 0.1 hai. Saat dino ka average dainik COVID-19 maut Central Division mein 0.6 hai aur Western Division mein 0.4 hai.
COVID-19 ke liye positive paaye gaye 526 logon ki maut anye gamheer bimaari ki wajah se huwi hai joh unke COVID-19 ke liye positive paaye jaane se pehle huwi thi. Inn mauton ko COVID-19 karar nahi diya gaya hai.
Aspatal mein marizon par jaankari
COVID-19 ke 58 mareez aspataal mein bharti hain. Lautoka aspataal mein 34 mareez bharti hai. CWM, St Giles aur Makoi mein 24 mareez bharti hain. 6 mareezon ki halat gambheer batayi jaa rahi hai jabki 3 ki haalat naazuk hai.
Screening ki jaankaari
Pichle chaubees ghanton mein stationery screening clinics par kul 8,406 logon ko screen kiya gaya aur 490 logon ko swab kiya gaya, jisse abhi tak stationery screening clinics par kul (total) 730,829 logon ki screening aur 104,161 logon ko swab kiya gaya hai. Hamari mobile screening teams ne pichle chaubees ghante me 478 logon ko screen kiya aur 44 logon ko swab kiya.Mobile teamo ne abhi tak kul (total) 852,729 logon ki screening aur 77,557 logon ko swab kiya hai.
Testing par jaankaari
Iss saal April mein prakop shuru hone ke baad kul 375,168 samples test huwe hai, jabki pichle saal March se abhi tak 418,029 test huwe hai. 5
th October,2021 ko 1048 tests report huwe hai. Pichle saat dino ka dainik test average taor par 1,010 tests prati din the yaani 1000 logon mein 1.1 tests. Saptah mein 1000 population mein 7.5 tests karne se yeh WHO ke anushaashit sthar 1000 population mein se chaar tests se zyada hai. Pichle saat dino mein dainik test positivity 5.3% hai joh dhire- dhire neeche jaa raha hai lekin yeh abhi bhi sanket deta hai ki samaaj mein virus fail raha hai.
Sui lagane ki jaankaari
Abhi tak desh bhar mein 594,242 bade logon ko sui ka pehla dose aur 478,535 logon ko dusra dose lag chuka hai. Yogye bade logon ke revise kiye gaye rate ke anusaar 618,173 attarah saal se upar ke log the yaani 96.1% logon ko pehla dose aur 77.4% logon ko dusra dose lag gaya hai yaani weh puri tarah vaccinate ho gaye hai. Kripaya dhyan de ki pehla dose 95% se aage hai jispar ek jaanch chal rahi hai jiske baad kuch badlao milenge.
Jahan tak bacchon ka sawaal hai, 5
th October tak 22,130 bacchon ko pehla dose lag gaya hai. Vaccine coverage rate ko hum track karte rahenge jab tak hum 15 se 17 saal ke denominators ko sui nahi laga dete.
Joh log bimaar hai ya unke paas thos kaaran hai ki weh sui lagwaane me vilambh kare, unse maang ki jaa rahi hai ki weh choot ke liye
covidexemptionreq@gmail.com par arzi lagaye.
Mahamaari ki Outlook
Pichle saat dino mein COVID ke naye mamle ki sankhya average taor par prati din 54 mamle ho gaye hai yaane ek million logon mein 61 mamle. Jaisa ki pehle Permanent Secretary ne ghoshna kee thi ki dainik mamle ki sankhya ka upyog karke abhi mahamari ke progress ka sanket nahi diya jaa raha hai. Ministry anye sanket jaise ki test positivity, aspataal mein kitne log bharti hai aur kitni kitni logon ki maut huwi par nigraani rakhe huwe hai aur mahamari ke progress ko aank rahe hai.
Testing numbers me girawat hone se, testing numbers prati saptah WHO ke sujhao 1000 population me chaar hai (ya prati saptah 3500 tests) hai. Hum abh samaaj mein Surveillance testing par gaor karenge aur positivity rates rokthaam ke phase ke level tak jaane lage hai.
Malolo duip par koi naya mamla report nahi huwa hain. Wahan kul 89 mamle hain. Inmein 70 theek ho gaye hai jabki 19 active mamle hain. Active mamlon aur unke contacts par rozana nigrani rakhi ja rahi hai. Villagers mein sui lagane ka kaam aur asar pade logo ko ration diya jaa raha hai. Ghumne firne par pratibandh lagu hai.
Naviti duwip par bhi koi naya mamla nahi mila hai. Wahan kul 181 mamle ho gaye hai. Inmein se 178 mareez theek ho gaye hai jabki 3 active mamle hai. Active mamlon aur unke contacts par rozana nigrani rakhi ja rahi hai. Ghumne firne par pratibandh lagu hai.
Waya duwip par pichle chaubees ghante mein koi naya mamla nahi mila hai. 51 mamle ho gaye hain. 31 mamle theek ho gaye hai jabki 20 active mamle hain jinpar rozana nigrani rakhi ja rahi hai. Bade logon ko sui lagana jaari hai jabki island par ghumne firne par pratibandh hai.
Nacula Medical ilaake ne pichle chaubees ghanton mein koi naya report nahi mila hai. Waha kul 168 mamle hain jinme se 50 theek ho gaye hai aur 118 active mamle hain. Active mamle apni villages mein isolation mein hai jispar unki medical ilaako ke health team kadi nazar rakh rahi hai. Inn duipo par ghumne-firne par pratibandh laagu hai.
Pichle chaubees ghanton mein Beqa duwip par bhi koi naya mamla report nahi huwa hai. 252 cases me se 225 mamle theek ho gaye hai. 26 active mamle hai jinme se 21 mamle Beqa duwip par aur baaki paanch Yanuca duwip par hai. home isolation par hai jinpar health team roz razar rakh rahi hai. Active mamle aur unki 44 primary contacts ghar par isolation me hai aur unki nigrani health team kar rahi hai. Duip par villagers ko sui lagane ka kaam Naceva,Naseuseu, Rukuna, Raviravi aur Yanuca me jaari hai. Yanuca dwuip par ghumne-firne par pratibandh lagu hai jabki chaudha mein se nauwe din Yanuca dwuip se Viti Levu tak safar karne par pratibandh hai.
Kadavu duwip par pichle chaubees ghante mein ek naya mamla record huwa hai jisse abh wahan 587 mamle ho gaye hai. 557 log theek ho gaye hai aur bache 30 active mamle par health team har din nigrani rakhe huwi hai. Risk assessment se pata chala hai ki che active mamle gambheer khatre waale category me hai jabki 24 kam khatre waale category me hai. Teen mariz Vunisea aspataal me bharti hai jinme se do COVID positive hai lekin unki haalat theek hai aur baaki ek mariz ko COVID-19 ke liye negative paaya gaya hai. Vunisea health team aur Kavala Health team sui lagane ka abhiyaan jaari kiye huwe hai.Police team aur Vanua ki madat se wahan ghumne firne par pratibandh hai.
Pichle chaubees ghanton mein Ovalau duip par koi mamla nahi mila hai. Anye ilaakon se Ovalau tak jaane par abhi ke liye rok lagaya gaya hai.
Aam janta ke liye jaankaari aur Salah:
Dainik Bayaan
Agle saptah se MOHMS ke updates Somwaar, Budhwaar aur Shukrwaar ko pradaan kiye jaayenge. Iske alawa report dashboard par di jaayegi aur zaroorat padne par aam janta ko salah di jaayegi.
Desh me idhar-udhar jaane ke niyam
Fijiwaasiyon ko surakchit Northern Division aur Baahri duwipon tak lejaane waala program jaari hai joh bhaari sankhya me sui lagne aur acche community surveillance programs par aadharit hai.
Samaaj me ikkatta hone waala niyam (Social Gathering Protocols)
Iss mahamaari ki shuruwaat se hi dekha gaya hai ki samaaj me ikkatta hone jinme pooja karne waale sthaano me ikkatta hone se SARS-CoV-2 tezi se faila hai. Jagah kam hone, bheed aur zor se awaaz karne se bhi virus tezi se faila. Pooja karne waale sthaan ke niyam ko lekar humne review kiya hai aur kam dharmik netaon ke saath meeting karne ke baad hum ispar kuch update denge. Hum aam janta aur samajik netaon se maang kar rahe hai ki weh inn niyamo ko laagu karne ke shuruwaati dino me dhiraj rakhe aur sirf COVID suraksha ki sthiti par dhyaan de fir chahe wohh samaaj me ikkatta hone ya pooja waale sthaan me ikkatta hone ki baat hai.
Yogya bacchon ko sui lagna
15 se 17 saal ke bacchon ko Moderna sui lagane ki prakriya fir se Guruwaar 7
th October se shuru hogi. Mata-pita se mang ki ja rahi hai ki weh apne bacchon ko sui lagwane ke liye Vaccination Registration System (VRS) mein sui lagwane se pehle register kar le. Vaccination sites ki jankaari Ministry of Health and Medical Services ke facebook page tatha Fijian Government ke facebook page par di jayegi. Sui lagane se pehle mata-pita ya guardian ki manzoori honi chahiye. Kisi ko sui nahi lagayi jayegi agar mata-pita ya guardian ki anumati nahi hai.
12 se 17 saal ke bacchon ke liye sui surakchit hai. Bade logon ki tarah bacche bhi COVID-19 sui ke kuch side effects mahsoos kar sakte hai jaise ki dard, sui lagne waali jagah par sujan hona, bukhaar aue shareer me dard. Yeh lakshan ek do dino me chale jaayenge. Gambheer roop se side effect hone ki sambhaona bahut kam hai tatha COVID-19 ki gambheer bimaari se jaan gawane ki sambhaona sui ke gambheer asar ka saamna karne se zyada hai. Isi liye mata-pitaon ko protsaahit kiya jaa raha hai ki weh apne bacchon ko COVID-19 ki sui lagane ki manzoori de taak unke bacche COVID-19 se surakchit rahe.
Jabki bacchon mein sakramit hone ki dar aur gambhirta kam hai, humne bacchon mein aise mamle aur gambheer bimari dekhi hai. Iske alawa, bacche abhi bhi virus failate hai aur kabhi kabhi zyada bimaar ho jate hain. Sui lagane ke alawa, bacchon ko tab bhi suraksha milegi jab unke aas-paas ke bade log sui lagwayenge aur COVID-19 suraksha upayo ka palan karenge.