HINDI - STATEMENT BY THE PERMANENT SECRETARY FOR HEALTH & MEDICAL SERVICES DR. JAMES FONG - 06.05.21

Namaste.

Jaisa ki humne aaj announce kiya hai, us vekti ki mritue ho gayi hai jise kal COVID-19 hone ke karan Lautoka Aspataal ke Intensive Care Unit me bharti kiya gaya tha.

Kal raat jaise maine press conference me kaha tha, is mariz ko kal shaam ICU lejaya gaya tha jab uski halat bigadne lagi thi aur isi waqt virus ke liye uska test kiya gaya aur use COVID-19 ke liye positive paya gaya. Dukh ki baat hai ki ICU team ki laakh koshisho ke baad is aadmi ki maut kal shaam kuch ghante baad shaam sade che baje ke baad huwi.

Is nuksaan se hume, doctors ki team ko, nurses jiski aguwaai hum kar rahe hai ko bahut dukh huwa hai kyonki ek jaan ki koi keemat nahi hoti. Kal raat announment se pahle hume is aadmi ki maut ki khabar mili thi lekin humne iska official announcement taal diya kyonki hume aadmi ke chahne waalon ko acchi tarah iski jaankaari deni thi. Kisi bhi pariwaar ko uske chahne waale ki maut ki khabar, news me ya kisi social media par nahi milni chahiye, agar aisa na ho toh bahut accha hai. Hum apne faisle par atal hai kyonki pariwaar ke ek sadasye ke chale jaane par hume pariwaar ki privacy ka khayal rakhna tha jiske baad hi iski khabar poore desh ko di gayi.

COVID-19 ki wajah se Fiji me ab teen logon ki maut ho chuki hai lekin yeh pahla mamla hai jise samaaj me virus hone se maut huwi. Hamare is dukh ke saath hume aur bhi samajdaari aur tezi se kaam karna hai taaki hum COVID-19 ko samaaj failne se roke tatha aur bhi kamzor Fijiwaasiyon ko is jaanlewa virus se bachaaye.

Hume shak hai ki is mariz ne Lautoka Hospital ke do doctors tak yeh virus failaya tha jinhe pahle hi COVID-19 ke liye positive paaye gaye hai lekin is aadmi ko kaise yeh virus huwa tha iski jaankaari abhi nahi hai.

Main kal raat aur aaj din me kuch comments padh raha tha jahan kuch log confused aur naraaz the ki kyon yeh aadmi pahle COVID-19 ka test karane ke liye raazi nahi huwa tha aur jab huwa toh bahut der ho chuki thi. Main uske faisle par kuch nahi kah sakta  lekin main Lautoka Hospital ke staff ki or se kahta hoon ki kisi ko dosh dene ka samay nahi hai. Jaisa humne dekha hai yeh virus kisi par hamla kar sakta hai. Kisi par ungli utaane se koi faida nahi hai. Hum logon se maang kar rahe hai ki weh un logon ke baare me soche aur unpar daya dikhaye jinhe yeh virus huwa hai. Hum ek baar fir logon se maang kar rahe hai ki test karane ko raazi ho agar iski sambhaona bahut kam ho, ki aap kisi tarah is virus ki chapet me aaye vekti ke contact me aaye honge. Contact tracing teamo ko sahyog de, aur niyamo ka palan kare taaki hum sabhi surakshit ho. Yeh zindagi aur maut ki baat hai. Yeh tabaahi machane waala virus hai jo kisi ko maaf nahi karega agar koi choti si bhi galti huwi.

Aur bhi 1723 tests karne ke baad COVID-19 ke chaar naye cases saamne aaye hai. Pahla case ek aur border quarantine ka case hai jo ek anye border quarantine case ke saath aaya tha jiska announcement pahle ho chuka hai. Dr Sahukhan baad me in cases ko lekar aur jaankaari dengi. Teen local cases hai.

Pahla hai Raiwaqa Health Centre ki 47 saal ki nurse. Uska test kiya gaya jab nurse ko halki si khaansi aayi. COVID ke liye positive paane ke baad humne jald se jald Raiwaqa Health Centre ko band kar diya. Ek contact tracing chanbin shuru huwi tatha is nurse ke nazdeek sabhi logon aur marizo ko quarantine me rakha gaya. Nurse ke pariwaar ko bhi test kiya gaya aur uske 51 saal ke pati ko bhi COVID-19 ke liye positive paaya gaya hai jiski contact tracing chanbin par bhi dhyaan diya jaa raha hai.

Yeh dono cases aaj baad me mile hai tatha hume abhi nahi pata hai ki in dono ko yeh virus kaisa huwa.

Ek anye local case hai Lautoka Hospital ki 25 saal ki nurse. Is nurse ko kal raat hospital me anye logon aur marizon se alag kar diya gaya tha. COVID-19 ke liye positive paaye jaane ke baad nurse ko isolation me rakha gaya hai. Yeh bhi chanbin ho rahi hai ki, is nurse ko virus kaise huwa.

Hamari testing team ne saaf kar diya hai ki Lautoka Hospital ke Isolation Ward me kisi ne koi kanoon nahi toda hai jab sabhi staff ke tests negative aaye hai. Yeh saabit karta hai hamare COVID isolation ward me operation protocols ka paalan acchi tarah ho raha hai jise hume barkarar rakhna hai taaki woh desh me sabse surakchit jagah ho.

Bas wahin par hamari acchi khabar khatm hoti hai kyonki yeh sanket deta hai ki Lautoka Hospital me jo virus faila hai woh samaaj yaani community se aaya hai. 

Is virus ko kaboo me karne ke liye hum umeed karte hai ki hum sabhi cases ke contacts ki tracing karke pata lagayenge ki yeh virus kaise faila. Humne hamesha se samaaj me faile cases jisme chin nazar aate hai ki screening saodhaani se ki hai lekin yeh samaaj me abhi jo cases fail rahe hai ke baare me kuch jaankaari nahi hai ki kahan se aaye hai isi liye humne samaaj par nazar rakhne ke liye mazboot mechanism apnaya hai. Jaisa ki testing aur zyada hone lagi hai toh aise me hume un sabhi Fijians ki testing karne me aur samajhdaari se kaam lena padega jinhe COVID jaise chin nazar aate hai fir chahe unka kisi mariz se kisi tarah ka sambandh hai ya nahi.Samaaj par nazar rakhne ke liye hume samaaj chahiye. Isme hum sab ka pura sahyog chahiye jo virus ko virus ko kabu me karna chahte hai. Screening clinics khole jaa sakte hai lekin hume bimaar mariz ka pata lagane ke liye uska saamne aana zaroori hai. Mobile screening teame bheji jaa sakti hai aur meri teame aur accha kaam karti hai jab log unse sach bolte hai aur public unhe apna sahyog deti hai. Isi liye please, community surveillance ko Ministry ki priority banane se zyada zaroori hai poore saamaj ki priority banaye.

Hamare healthcare workers ko jabki virus hone laga hai to hum kuch zaroori kadam utaa rahe hai taaki hamari health facilities ko virus failane ka naya source banne se roka jaaye. Hum apne purine protocol par aur zyada zor denge jahan COVID-19 ka chin lekar aane waale marizon ko bharti karte waqt test hogi. Hum desh bhar ke hospital tatha health centres ke visiting hours ko bhi restrict kar rahe hai taaki mariz, medical personnel tatha aam janta ka mel jol kam kiya jaaye.

Ministry ke liye yeh faisla lena asaan nahi tha. Hum is faisle par isiliye pahuche jab humne dekha ki virus kis tarah se hamare logon ke liye khatra ban raha hai tatha hum logon ki jaan bachaane ke liye anye tarike apna sakte hai. 

Lautoka Hospital ab jabki ek full-time COVID care facility ki tarah sewa pradaan kar raha hai toh hume desh me har ek hospital aur health centre, anye gambheer bimaariyon ke liye khule rakhne ki zaroorat hai. 

Maine abhi hi Lautoka Hospital Command Centre mein us team ke saath video conference khatm kiya hai jo wahan surakshit roop se hai. Hum FEMAT (Fiji Emergency Medical Assistance Team) activate karne jaa rahe hain, aur jaisa ki hamare Pradhaan Mantri ne aaj ghoshna ki, humne sarkari medical vessel, MV Veivueti ko taiyaar kiya hai, jo hamari Lautoka ke rokthaam yaani Containment ilaake ke healthcare management strategy ko sahyog dega.

•    Jin marizon ko COVID nahi hai hum unke liye Lautoka mein 150 beds ka Non-COVID-Field hospital sthapit kar rahe hain. Hum ise do dino me kholna chahte hai taki hum logon ki bimari ko 21-dino ke andar theek kar sake.

•    Is field hospital se marizo ko surakshit roop se zaroorat padne par anye aspataalo ya health care facilities tak lejaya ja sakta hai.Marizon ki sankhya dekhte huwe hum in field hospital me nurse aur doctor rakhenge. Yeh field hospital COVID screening aur suraksha lagoo karega taki yeh ek COVID-free facility rahe, jabki Lautoka Hospital sirf COVID ke patients ke liye hi rahega.

•    Is baat ka dhyaan rakhne ke liye ki public aspatalo mein jaakar sewa haasil karne me koi khaami na ho, main Nadi-Lautoka aur Ba ke ilaake mein kayi private general practitioners se baatein kar raha hoon, taaki woh apni clinic ke darwaze unn Fijians ke liye khole jo aam taur par ek Priavte practitioner se milne ka kharch nahi utha sakte hai. Inn arrangements ke finalise hone tak, mariz jo samaniye roop se  public health centre jaate the, woh baaki treatment aur consultation ke liye Nadi, Lautoka aur Ba me private clinics jaa sakte hain. Sarkaar aise logon ke ilaaj ke liye private practitioners ko seedhe paise degi. Kal hum, unn private doctors ke naamo ko announce karenge joh mantralaye ke saath khade huwe hai taaki hamare logon ke anye bimaariyon ka ilaaj ho sake. Main anye private doctors jinse humne batein nahi ki hai se maang karta hoon ki weh mujhe call karen. Yeh hamare liye ek ausar hai ki hum hamare logon ki zaroorat puri karne ke liye public aur private sector ko ek saath laaye. Yaad rahe, jo sewa aap inn zaroorat-mand Fijians ko pradaan karenge, sarkaar iska bill bharegi. Aap me se kai logon ke paas mera mobile number hai, mujhe call kare aur isme shaamil ho jaye.

Kai pahlu ko dekhte huwe humne kayi contingency plans banayi hai, jinme shaamil hai logon ko bharti karne ke liye taiyaari karna agar Lautoka ke andar ya bahar aur community cases huwe ya gambhir mausam ya fir field hospital me COVID-leak huwa. Yeh FEMAT ka pehla bada operation hai aur hamari team desh ko dikhane ke liye taiyaar hain ki weh kya kar sakte hain.

Sirf Lautoka aur Suva par nazar rakhne ki zaroorat nahi hai. Abh hamare paas samaaj me kai cases hai jo fail sakte hai aur hum bharose ke saath kah sakte hai ki yeh virus rokthaam yaani containment ilaako ke karan hi simit hai. Isse pehle, humne announce kiya tha ki rokthaam yaani containment ilaake ke baahar gair zaroori  yaani non-essential  business khule rah sakte hain. Lekin abh, hum yeh jokhim nahi utha sakte. Containment ilaake ke baahar ke sabhi gair-zaroori yani non-essential business band hona chahiye. Deshbhar mein, sirf supermarkets, dukaane, banks, pharmacies aur anye zaroori businesses hi khule rah sakte hai.

Iss prakop se jo nuksaan huwa hai woh pahle hi bahut zyada hai aur main isse zyada kuch nahi kah sakta ki isse jald rokna kitna zaroori hai taaki kharch aur naa badhe.

Iss virus ka pata jald chalne se logon ki jaane bachaai ja sakti hai. Shuru se hi samaaj me niyam ka paalan karne se yeh virus poore samaaj me failne se roka jaa sakta hai. Apna haath dhote rahe, public mein jaate waqt mask pahne, apne phone me careFIJI app download kare aur hamesha Bluetooth on rakhe jab ghar se bahar ho, ek dusre se dooriyan rakhe. Aaj Police ne ghoshna ki hai ki woh public me aur businesses mein logon ke beech doriya sakti se laagu karengi. Agar aap bheed dekhe toh usse door rahe. Ho sake, to ghar se bahar na nikle. Ghar par rahe.  Lautoka Hospital ke mere karamchariyo ki zindagi waisi nahi hai jaise aap sab ki hai isi liye unka balidaan bekaar na jaane de aur jahan tak ho sake apne ghar ke andar rahe.
 
Fijiwaasiyon par COVID-19 ka itna bhaari khatra aaj se pahle kabhi nahi tha. Agar hamare ICU, COVID-19 positive marizon se bhar gaye, toh hum anye desho ki tarah iss virus ki kahar se nahi bach paayenge, hum logon ki dekhbhaal us tarah se nahi kar paayenge jaisa hona chahiye tatha ise rokne me bahut der ho jayegi. Hamare paas abhi bhi ise rokne ka mauka hai. Maine saari jaankaari de di hai ki Ministry kya kya kadam utaayega taaki jahan tak ho sake hamari sewa COVID- se suraksha pradan karegi. Main pariwaaron, samudaye, sansthaon aur businesses se mang karta hoon ki inn kadam ko gambheerta se le. Hum jo health guidance publish karte hain, weh businesses aur janta ke actions aur behavior ke liye ek baseline hai. Agar aapko mauka miley toh aap isse aage badhe aur apne aapko, daftar ko apne ghar walo ko surakshit rakhe aur iss marg ko apnaye. Aap kisi ki jaan bacha sakte hain. Aur saath mein, pure desh bhar ke log agar sahi kadam utaane lage toh is virus ke kaaran aur bhi logon ki jaane bach jayegi. 

Dhanyewaad.