HINDI - STATEMENT BY THE PERMANENT SECRETARY FOR HEALTH & MEDICAL SERVICES DR. JAMES FONG -10.06.21

Virus failne par jaankaari
Kal waali jaankaari ke baad aaj COVID-19 ke untaalis (39) naye mamle saamne aaye hai. Yeh naye mamle pehle announce huwe clusters se sambandh rakhte hai:

Gyarah (11) CWM aspataal ke
Che (6) Nawaka ke 
Paanch (5) Nasinu Police Barracks ke
Teen (3) FICAC warehouse ke
Doh (2) Navy ke
Ek (1) IMT ka 
Doh (2)Waila ka
Ek (1) Caubati ka
Ek (1) Naitasiri ka

Saat (7) anye mamlo par chaanbeen chal rahi hai taaki pata lagaya ja sake ki kya yeh anye mamlo se jude hai: In mamlon me:

Chaar (4) Lami ke
Ek (1) Toorak ka
Ek (1) Nasinu ka
Ek (1) Reservoir road ka hai

Wartaman mein yeh prakop mukhye roop se Lami-Suva-Nausori ke rokthaam (containment) ilaako me kendrit hai. Kal humne isolation mamle ko lekar virus ko kam karne ki joh ranniti announce ki thi ke tahat gambheer mamle ke mareezon ka ilaaj tatha aam janta tak lagataar sui pahuchana shaamil hai. Hum chintit hai ki aage chal kar Lami mein shaayad aur bhi mamle dekhne ko milenge. Hamein yeh bhi lagta hai ki Nasinu Police Barracks me bhi aur mamle saamne aayenge. Hamari stationary aur mobile screening team, contacts ki tracing aur testing karne ke alawa positive mamle ko isolation mein rakh rahe hai taki virus aur naa faile nahi. 

Saat mariz theek huwe hai, jiska matlab hai ki abhi isolation mein 656 active mamle hain. Iss saal April me is prakop ki shuruwaat ke baad abhi tak 849 mamle saamne aaye hai. Pichle saal March mein Fiji me COVID ka pahla case saamne aaya tha aur abhi tak desh mein 919 mamle record huwe hai. 256 log theek huwe hai aur COVID-19 ki wajah se chaar logon ki maut huwi hai. Iske alawa COVID ke teen (3) mareezo ki maut kisi aur bimari se huwi hai.
 
Sui lagane par jaankaari
Fiji mein abhi tak 228,030 logo ko COVID-19 sui ka pehla dose lag chuka hai. Nadi me sui lagane ka kaam kuch dino ke liye roka gaya tha kyonki sui lagane waali team ke ek sadasya ko COVID ke liye positive paaya gaya tha. Sambandhit adhikaari ko hata diya gaya hai aur sui lagane ka kaam fir se jaari kar diya gaya hai.

Testing par jaankaari
Iss saal April se shuru huwe is prakop se abhi tak kul (total) 97,094 samples test huwe hai aur pichle saal ki shuruwaat se abhi tak 139,955 samples test kiye gaye. Kal 3711 tests results report huwe. June 8th waale baaki ke test numbers ke data sabhi laboratories tak pahucha diye gaye hai. June 8 ko 3517 samples test aur report huwe. Desh me pichle saat dino ka dainik average test 3171 tha ya 1000 logon me 3.6 tha.  Pichle saat dino me desh me har din ki average test positivity 1.9% thi.