HINDI - STATEMENT BY THE PERMANENT SECRETARY FOR HEALTH & MEDICAL SERVICES DR. JAMES FONG - 17.06.21

Virus failne ki jaankaari
COVID-19 ke ikyanbe (91) mamle aaj saamne aaye hai.

Kripya dhyaan de ki yeh naye mamle kal shaam che baje (6pm) aur aaj subha aat baje (8am) ke beech saamne aaye hai. Hum apni dainik report nikalne ke samay me badlao kar rahe hai jo raat waali report ji jagah legi. Kal se shaam teen baje (3pm) nayi dainik mamle ki report di jaayegi jo subha aat baje se agle din subha aat baje ke beech chaubees ghante ki hogi.  Isse hamari teamo ko naye mamle ki chanbin karne tatha aur bhi acchi tarah se jaankaari ikatta karne unhe aam janta ke saath baatne ka mauka milega. 

Unchaas (49)  naye mame purane mamlon se jude huwe hai jinme:

Ek (1) Waila ka
Paanch (5) Rewa EOC ke
Ek Vunivivi ka
Doh (2) Nasinu Police Barracks ke
Chaar (4) Korovou ke
Terah (13) Navosai ke
Satrah (17) CWMH ke
Chaar (4) Tramline, Nadi ke
Ek Grantham Road ka aur
Ek Town House hotel ka hai

Chattees (36) mamlo ki pahchan purane mamle ke primary contact ki tarah huwi hai tatha response teame cluster se sambandh ka pata laga rahe hai. In mamlon me teen Veisari Lami (3) ke aur Paanch (5) Delainavesi, Lami ke hai.

Baaki ke che mamlon ki chanbin chal rahi hai ki weh anye mamlon jude huwe hai joh inn ilaakon ke hai:  Ek mamla Vusuya, Rewa ka, Ek mamla Namuka-i-Lau, Lami ka, Lami village ka ek mamla, Waikerekere, Lami ka ek mamla jabki,  doh mamle Raiwaqa ke hai.

Dukh ki baat hai ki hum ek aur vekti ki maut ki report de rahe hai. Yeh 76 saal ka aadmi CWM aspataal me bharti tha. Iss aadmi ko COVID-19 ke liye positive paane se pahle use gambheer bimaari thi lekin doctors ne jaanch ke baad kaha ki iss aadmi ki maut COVID-19 ki wajah se huwi. Mritak ke pariwaar waale ke prati dukh prakat kiya gaya hai. 

COVID-19 ke iss prakop me yeh chauthi maut hai. 
Nadi me haalhi report huwe mamle ko review karne se pata chala ki ek mamle ki entry doh baar huwi thi isiliye iss ginti ko active aur total case count se hata diya gaya hai.

COVID-19 ke chausat (64) mamle theek huwe hai jiska matlab hai abhi isolation me 1068 active mamle hai. Iss saal April me shuru huwe iss prakop ke dauraan abhi tak 1463 mamle ki report huwi hai jabki pichle saal March me Fiji me pahla COVID mamla saamne aane ke baad kul (total) 1533 mamle saamne aaye hai, 452 mamle theek huwe hai jabki COVID-19 ki wajah se abhi tak che (6) logon ki jaan gayi hai. COVID-19 ke liye positive paaye gaye kul saat (7) logon ki mritue anye bimaariyon ki wajah se huwi hai.

Testing ki jaankaari
Aaj report karne ke samay me badlao hone ke karan iski jaankaari kal shaam teen baje waali report me di jaa rahi hai.

Quarantine Suvidha ki jaankaari
Quarantine aur isolation me joh log jaate hai se virus anye logon tak na faile iske kaaran Fiji ke border quarantine suvidha aur niyamo par vichaar kiya jata hai. In niyamo me shaamil hai:
•    Quarantine me teen sau 300 log hi rah sakte hai. Zaroori hone par ispar vichaar kiya jaayega.
•    Hotel me kaam karne waalon ko khatra ho sakta hai jinme housekeeping staff, maintenance, aur reception ke staff hai jinhe quarantine suvidha me rakha jaayega.
•    Kuch-kuch quarantine suvidhaon me CCTV coverage me sudhaar kiya gaya hai taaki nigraani rakhne me sudhaar laaya jaaye. 
•    Sabhi quarantine suvidhaon me virus ke failne se suraksha ke niyam badle gaye hai tatha sabhi Hotel, Military tatha Health ke karamchaari ke liye naya program rakha gaya hai. 
•    Quarantine suvidhaon ke liye saaf safai aur infection se bachaane waale standard, tatha bhojan aur anye samaano ki delivery aur adla-badli ke niyamo par reviews huwe hai.
•    Quarantine suvidhaon ke andar choti-choti jaghon me virus failne ka khatra naa ho isi liye kuch naye niyam laagu kiye gaye hai jahan tak operations aur frontline surveillance reporting ki baat hai jisme yeh baat report karni behad zaroori hai ki kya kaam karne waala koi chutti par hai. 
•    Quarantine suvidha me kaam karne waale, swaasth adhikaari, sena aur sabhi transfer companies ke swabbing karne ka samay doh hafte se badalkar ek hafte kar diya gaya hai kiya gaya taaki mamle ki pahchaan jald ho sake; aur
•    Humne quarantine suvidhaaon aur personnel me sui lagane ke rate me tezi laayi hai, jahan hotel me kaam karne waale 90% logon ko sui lag gayi hai, sabhi transfer drivers aur swaasth karamchaariyon tatha sabhi sainikon ko bhi sui lag chuki hai.

COVID-19 ko kaabu me karne ke liye quarantine suvidhaon ka sanchaalan acchi tarah karne aur sirf paryapt logon ko hi isme tahraana zaroori hai. Hum quarantine suvidhaon ki sthapna karne ke liye aam janta se sahyog ki maang kar rahe hai.  Hum sabhi surakchit rahenge jab COVID-19 ke shikaar logon ke liye acchi suvidhaen khuli aur uplabdh rahegi. 

Inn niyamo ke tahat jitni aur suvidhae kholi jaayengi aur sanchalit hogi, virus ko kaabu me karne me utni hi zyada safalta milegi. Iske alawa yeh suvidhaen unn Fijiwaasiyon ko desh lautne ka mauka degi jo videsh me medical treatment ke baad surakchit ghar lautna chahte hai.

Mahamaari ki Outlook
Hamari me kami laani waale ranniti, lagataar frontline me sewa pradaan karne waali mahilaen, purush, doctors, nurses, contact tracers, police tatha sena par nirbhar karti hai. Unhe jabki suraksha ke sabhi upkaran diye gaye hai fir bhi weh har din desh ki sewa me apne swaasth aur bhalaai ko lekar khatre ka saamna karte hai. Hum lagataar inn logon ki suraksha karte rahenge jabki Fijiwaasiyon ki suraksha karne ke liye unke balidaan ke hum abhaari hai. Yeh log contact ko trace kar rahe hai, gambheer bimaari ka saamna kar rahe marizon ki dekhbhaal kar rahe hai, wehh isolation me logon par nazar rakh rahe hai, weh kai hafte se apne pariwaar waalon se dur hai aur yeh heros aam janta se sahyog aur aadar ke hakdaar hai.

Isi tarah se, hum apne swaasth adhikaariyon se maang kar rahe hai ki weh apne kaam par atal rahe, apne yogita aur aam janta ko pradaan ki jaa rahi sewa me dhiraj rakhe. Doh mahine se iss prakop ke khilaaf ladaai me hum sabhi ne balidaan diye hai, lekin iss wajah se kai logon ki jaan bachi hai. Kaam karte huwe aap niraasha ka bhi saamna kar sakte hai. Hum aapse maang kar rahe hai ki aap daya dikhaate huwe apna kaam karen.

Humne abhi tak acchi pragiti ki hai jahan Fiji me 250,000 se zyada logon ko COVID-19 sui ka pahla dose lag gaya hai tatha kai logon ko screen aur test kiya gaya hai. Humne jo rawaiya apnaya hai usse humpar Fijiwaasiyon ka bharosa badh gaya hai jo barkaraar rahna chahiye. 

Hum kuch reports ko lekar dukhi hai jahan frontline ke kuch adhikaari jo sui lagane me shaamil hai ne aam janta ke saath accha veohaar nahi kiya. Hum maafi chahte hai agar aapko sewa pradaan karne ke dauraan aapke saath bura bartao huwa hai. Hum lagataar apni sewa me sudhaar laa rahe hai aur hum aisi ghatnao se apne prayaas par kisi tarah ka asar nahi padne denge. Fiji me sabhi logon ko sui se puri tarah surakchit karna hamara mission hai aur hum yeh mauka nahi denge ki iss tarah ke bure veohaar se hamare se mission par koi asar pade.Har ek Fijiwaasi jisne aage aakar sui lagwaai ya swab karakar apne aapko, apne chahne waalon ko aur poore desh ko suraksha pradaan ki hai ko unki desh bhakti ke liye prashansha karni chahiye-fir chahe weh koi bhi ho-weh sirf taareef ke kaabil hai. Hum virus ke khilaaf ladne waali ek hi team me hai aur saath ladne se hi hum jeet sakte hai. Kripya dhyaan me rakhe ki hum sainik ekta ki bhaona se hi aage badhe.