HINDI - STATEMENT BY THE PERMANENT SECRETARY FOR HEALTH & MEDICAL SERVICES DR. JAMES FONG - 19.07.21

Virus failne ki jaankaari
Pichle chaubees ghanton mein aaj subha aat baje tak COVID-19 ke 784 naye mamle saamne aaye hai. Inn mamlon par puri jaankaari Ministry ke COVID-19 dashboard aur Fijian Government ke Facebook page par aaj raat online publish ki jaayegi. Aap kal yeh link  http://bit.ly/3vE2ZBb par jaakar dekh sakte hai ki naye mamle kin ilaakon mein hai.

Barah (12th) July se unnees (19th) July ke beech COVID-19 se pandrah (15) logon ki maut huwi hai.

COVID-19 se pehli maut Laucala Beach ki 65 saal ki ek mahila ki huwi. Wohh saans lene mein takleef ki wajah se CWM Hospital Emergency Department gayi thi. Bharti hone ke saat din baad attarah July ko unki maut ho gayi. Mahila ko June ki shuruwat mein COVID-19 se bachne waali sui ka pehla dose laga tha lekin use dusra dose lagna baaki tha. Jiska matlab hai ki wohh puri tarah vaccinated nahi huwi thi.
 
COVID-19 se dusri maut Valelevu ke 77 saal ke aadmi ki huwi. Aadmi ki maut unke ghar par atarah July ko ho gayi. Aadmi ko COVID-19 se bachne waali sui nahi lagi thi.
 
COVID-19 ki wajah se teesri maut Lami ke 47 saal ke aadmi ki huwi. Aadmi ki maut unke ghar par barah July ko ho gayi. Aadmi ko COVID-19 se bachne wali sui nahi lagi thi.

COVID-19 ki wajah se chauthi maut Nasinu ki 67 saal ki ek mahila ki huwi. Mahila ki maut unke ghar par satrah July ko ho gayi. Mahila ki parivaar ne bataya ki wohh ek saptah se COVID-19 ke lakshan ke saat bimaar thi. Mahila ko COVID-19 se bachne wali sui nahi lagi thi.  

COVID-19 ki wajah se panchwi maut Colo-I-Suva ke 51 saal ke aadmi ki huwi hai. Aadmi ki maut unke ghar par satrah July ko huwi. Aadmi ko COVID-19 se bachne wali sui nahi lagi thi.

COVID-19 ki wajah se chati maut Lami ke 40 saal ke aadmi ki huwi. Usey saans lene mein takleef ki wajah se FEMAT field aspataal laya gaya tha. Bharti hone ke che din baad satrah July ko uski maut ho gayi. Aadmi ko COVID-19 se bachne wali sui nahi lagi thi.

COVID-19 ki wajah se saatwi maut Nabua ke 72 saal ke aadmi ki huwi. Usey saans lene mein takleef ki wajah se ek medical facility lejaya gaya tha. Unhe medical team duara CWM aspatal mein bharti kiya gaya. Ek din baad atarah July ko unki maut aspatal mein ho gayi. Aadmi ko COVID-19 se bachne wali sui nahi lagi thi.

COVID-19 ki wajah se aatwi maut atarah July ko Suva ke 65 saal ke aadmi ki uske ghar par ho gayi. Aadmi ko COVID-19 se bachne wali sui nahi lagi thi.

COVID-19 ke kaaran nauwi (9th) maut Samabula ki 81 saal ki ek mahila ki huwi. Unhe saans lene mein takleef ki wajah se CWM Hospital Emergency Department mein laya gaya tha. Bharti hone ke din, unnees July ko unki maut aspatal mein ho gayi. Mahila ko COVID-19 se bachne wali sui nahi lagi thi.

COVID-19 ki wajah se duswi maut Delainavesi ke 63 saal ke aadmi ki huwi hai. Aadmi ki maut unke ghar par satrah July ko huwi. Aadmi ko COVID-19 se bachne wali sui nahi lagi thi.

COVID-19 ke kaaran gyarahwi (11th) maut Cunningham ki 79 saal ki ek mahila ki huwi hai. Mahila ki maut unke ghar par satrah July ko huwi. Mahila puri tarah vaccinated nahi huwi thi.

COVID-19 ki wajah se barahwi (12th) maut Suva ki 73 saal ki ek mahila ki huwi. Usey saans lene mein takleef ki wajah se FEMAT field aspataal laya gaya tha. Bharti hone ke ek din baad atarah July ko uski maut aspatal mein ho gayi. Mahila ko COVID-19 se bachne wali sui nahi lagi thi.

COVID-19 ke kaaran terahwi (13th) maut Nasese ke 83 saal ke aadmi ki huwi. Usey saans lene mein takleef ki wajah se FEMAT field aspataal laya gaya tha. Bharti hone ke chaar din baad satrah July ko uski maut aspatal mein ho gayi. Aadmi ko COVID-19 se bachne wali sui nahi lagi thi.

COVID-19 ki wajah se chaudahwi (14th) maut Suva ke 65 saal ke aadmi ki huwi. Usey saans lene mein takleef ki wajah se CWM aspataal laya gaya tha. Aatarah July ko uski maut aspatal mein ho gayi. Aadmi ko COVID-19 se bachne wali sui nahi lagi thi.

COVID-19 ki wajah se pandarwi (15th) maut Dakuibeqa ki 50 saal ki ek mahila ki huwi hai. Saans lene mein takleef ki wajah se usey CWM aspataal laya gaya tha. Solah July ko uski maut aspatal mein ho gayi. Mahila ko COVID-19 se bachne wali sui nahi lagi thi.

Kal se lekar aaj ke beech 125 mariz theek huwe hai jiska matlab hai abh 14,247 active mamle hai. Isi saal April mein shuru huwe prakop ke dauraan 18,228 mamle saamne aaye jabki pichle saal March mein desh ka pehla mamla saamne aane ke baad Fiji mein kul 18,298 mamle saamne aaye aur 3,890 mariz theek huwe hai.

Satrah aur mauton par chaanbin chal rahi hai. Jaanch ke baad tests results ke saath iss par jaankari di jayegi.

Screening ki jaankaari
Pichle chaubees (24) ghanton mein stationery screening clinics par kul (total) 1,246 logon ko screen kiya gaya aur 611 logon ko swab kiya gaya, jisse abhi tak stationery screening clinics par kul (total) 323,960 logon ki screening aur 56,019 logon ko swab kiya gaya hai. Pichle chaubees (24) ghanton mein mobile screening teams ne 2,536 logon ki screening ki aur 273 logon ko swab kiya jabki jabse mobile screening program shuru huwa hai tabse hamari mobile teamo ne abhi tak kul (total) 719,501 logon ki screening aur 62,029 logon ko swab kiya hai.

Testing ki jaankaari
Iss saal April mein prakop shuru hone ke baad kul 229,237 samples test huwe hai, jabki pichle saal ki shuruwaat se abhi tak 272,098 test huwe hai. 17th July ko 3,871 tests report huwe. Inn testing numbers ke aadhaar par desh bhar mein pichle saat dino ka dainik test average taor par 3875 tests prati din the yane 1000 logon me 4.4 tests. Pichle saat dino mein dainik test positivity 26% hai jo upar badhta jaa rahi hai. 

Sui lagane ki jaankaari
Satrah (17th) July tak desh bhar mein 393,095 bade logon ko sui ka pehla dose aur 78,624 logon ko dusra dose lag chuka hai. Iska matlab hai ki desh bhar mein target population ke 67% logon ko pehla dose aur 13.4% logon ko dusra dose lag gaya hai yaani weh puri tarah vaccinated ho gaye hai.

Fijiwaasiyon ko yaad dilaya jaa raha hai ki weh Minstry ke vaccine dashboard par jaakar dekhe joh national, divisional aur sub-divisional level par pehla dose aur dusre dose par jaankaari deta hai. Aap iss live dashboard ko yahan:  http://bit.ly/3h2JfCZ par dekh sakte hai.
 
Mahamaari ki Outlook
Pichle saat dino mein COVID ke naye mamle ki sankhya average taor par prati din 988 mamle ho gaye hai yaane ek million logon mein 1116 mamle. Dainik mamlo ki sankhiya ke saath ghambheer bimari ke mamle mein vriddhi aur mauten badh rahi hai.

Aam janta ko salaah
Suva-Nausori ke containment ilaako mein COVID-19 badh chukka hai. Iska matlab hai ki agar aapko COVID-19 ke lakshan dikhayi deh toh aap yeh maan le ki aapko COVID-19 ho gaya hai aur aap khud ko ghar par isolate kar le. Apne aap ko isolate karne ke liye positive test result ka intezaar na kare. Apne aap ko isolate kar lene se aap dusro tak COVID-19 virus failane se rokte hai. 

COVID-19 ke yeh lakshan hain:
Khaasi, naak behna, naak band hona, cheek, thakaan, swaad na aana ya mehek na pana, sar dard, dard aur peeda, gale mein kharash, bukhaar, diarrhea, laal ankhen, aur shareer mein daane.

Agar aapko inme se koi bhi lakshan hai toh kripya yeh kare:

1.    Apne aap ko apne gharwalo se isolate kar le. Ghar par rahe. Jitna ho sake doh metre ki doori apne ghar walo ke saath barkarar rakhe.

2.    Agar ho sake toh apni nazdiki screening clinic jaaye, salah le aur swab karaye. Mask pahne joh aapke naak aur muh ko acchi tarah se dhaakta ho. Anye logon se surakshit doh metre ki doori banaye rakhe.

3.    Screening clinic jane ke liye public transport ka istemaal naa kare. Agar aisa nahi kar sakte toh aisa mask pahine joh aapke naak aur muh ko acchi tarah se dhaakta ho. Anye logon se surakshit doh metre ki doori banaye rakhe.

Gambheer COVID-19 ki sthiti ek medical emergency hai. Ilaaj paane mein der karna iss virus se bachne ki sambhavna ko kam karta hai. Aapko positive test result ki zaroorat nahi inn lakshano se bachne ke liye.

Sabhi Fijiwaasiyon ko COVID-19 ke lakshan pata hona chahiye jinme shaamil hai: 

•    Saans lene mein takleef
•    Chaati mein dard ya pressure
•    Kuch dino se gambheer sar dard
•    Nayi uljan, jaagne ya uthne mein mushkil; aur
•    Shareer ke chamde (skin), hoont aur naakhoon, peele, gray, ya neele rang ke ho jaana.

Suva-Nausori rokthaam waale ilaakon mein humne kuch health facilities ki pehchaan ki hai jahan wohh log jaa sakte hai jinhe COVID-19 ke gambheer lakshan dikhaai dete hai. Agar aap ya aapke chahne waale Suva-Nausori ke rokthaam ilaake mein rahte hai aur aapko gambheer lakshan hai toh kripya jald se jald in nirdharit health facilities jaaye. 

- Colonial War Memorial Hospital (CWMH)
- FEMAT Hospital, Vodafone Arena

Nausori ke niwaasiyon ko agar gambheer lakshan hai toh weh:
- Nausori Health Centre
-Wainibokasi Hospital

165 par call kare agar medical facility nahi ja sakte. 

Advice to the public
COVID-19 infections are widespread across the Suva-Nausori containment zone. This means that if you develop any of the symptoms of COVID-19 you should assume you have COVID-19 and isolate yourself at home. Do not wait for a positive test result to self isolate. Isolating yourself will help to stop the spread of COVID-19 to others. 

The symptoms of COVID-19 include any of the following: 
Cough, runny nose, nasal congestion, sneezing, fatigue/extreme tiredness, loss of taste or smell, headache, aches and pains, sore throat, fever, diarrhoea, red eyes, skin rash. 

If you have any of these symptoms please do the following: 

1) Immediately ISOLATE from others including other members of your household. Stay at home. And, as much as possible, maintain a physical distance of 2m between yourself and other members of your household.

 2) Where possible, visit the nearest screening clinic for a COVID-19 swab and advice. Ensure to wear a mask that covers your mouth and nose and keep a safe physical distance of 2 metres from others. 

3) Please avoid using public transport to travel to the screening clinic. If you cannot avoid using public transport, please ensure to wear a well fitting mask that covers your mouth and nose at all times and maintain at least 2 metres physical distance from others.

Severe COVID-19 is a medical emergency, and a delay in receiving appropriate medical treatment reduces your chance of recovering from the disease. You do not need to have a positive test result to watch out for these symptoms. We need all Fijians to know the severe symptoms of COVID-19, which include the following: 

•             Difficulty breathing
•             Persistent pain or pressure in the chest
•             Severe headache for a few days
•             New confusion, inability to wake or stay awake
•             Pale, gray, or blue-coloured skin, lips or nail beds

In the Suva-Nausori Containment zone we have identified health facilities specifically designated to receive people with symptoms of severe COVID-19. If you or a loved one live in the Suva-Nausori Containment Zone and have any of these severe symptoms please go immediately to the designated health facilities listed below. 

- Colonial War Memorial Hospital (CWMH)
- FEMAT Hospital, Vodafone Arena

Individuals in Nausori with severe symptoms should go to:
- Nausori Health Centre
-Wainibokasi Hospital

Call 165 if you are unable to travel to a medical facility.