Virus failne ki jaankaari
Pichle chaubees ghanton mein aaj subha aat baje tak COVID-19 ke 1054 naye mamle saamne aaye hai. Inn mamlon par puri jaankaari Ministry ke COVID-19 dashboard aur Fijian Government ke Facebook page par aaj raat online publish ki jaayegi. Aap kal yeh link
http://bit.ly/3vE2ZBb par jaakar dekh sakte hai ki naye mamle kin ilaakon mein hai.
Terah (13th) July se unnees (19th) July ke beech COVID-19 se barah (12) logon ki maut huwi hai.
COVID-19 ki wajah se pahli maut Tamavua ki 70 saal ki ek mahila ki huwi. Wohh saans lene me takleef ke kaaran CWM aspataal gayi thi. Uske pariwaar ne bataya ki wohh chaar din pahle ghar par COVID-19 lakshan lekar bimaar thi. Uski haalat aspataal me bigad gayi aur uski maut usi din chaudha July, 2021 ko ho gayi. Mahila ko sui nahi lagi thi.
COVID-19 ke kaaran dusri maut Nasinu ki 53 saal ki ek mahila ki huwi. Mahila saans lene me takleef ki wajah se CWM aspataal gayi thi. Uske pariwaar ne bataya ki wohh pichle ek saptah se bimaar thi jahan unhe bukhaar aur khaansi thi. Aspataal me bharti hone ke din hi uski maut terah July, 2021 ko ho gayi. Mahila ko bhi sui nahi lagi thi.
COVID-19 ki wajah se teesri maut Suva ke 60 saal ke ek aadmi ki huwi. Uski maut uske ghar par attarah 18th July, 2021 ko huwi. Iss aadmi ko bhi sui nahi lagi thi.
COVID-19 ke kaaran chauthi maut Suva ke 60 saal ke ek aadmi ki huwi. Saans lene me takleef ki wajah se wohh CWM aspataal gaya tha. Aspataal me uski haalat bigad gayi jahan ek din baad 19th July, 2021 ko uski maut ho gayi. Aadmi ko bhi sui nahi lagi thi.
COVID-19 ki wajah se paanchwi maut Nakasi ki 72 saal ki ek mahila ki huwi. Uski maut attarah (18th) July, 2021 ko uske ghar par huwi. Mahila ko bhi sui nahi lagi thi.
COVID-19 ke kaaran chati (6th) maut Valelevu ke 69 saal k eek aadmi ki huwi. Aadmi ki maut attarah (18th) July ko uske ghar par ho gayi. Aadmi ko bhi sui nahi lagi thi.
COVID-19 ki wajah se saatwi maut Narere ki 74 saal ki ek mahila ki huwi. Saans lene me takleef ki wajah se mahila ek medical facility gayi thi. Wahan se ek medical team mahila ko CWM aspataal le gayi. Wahan uski haalat aur bigad gayi tatha bharti hone ke paanch din baad attarah(18th) July ko uski maut ho gayi. Mahila ko sui nahi lagi thi.
COVID-19 ki wajah se aatwi (8th) maut Wailoku ke 92 saal ke ek aadmi ki huwi. Aadmi ki maut uske ghar par unnees (19th) July, 2021 ko huwi. Aadmi ko sui nahi lagi thi.
COVID-19 ke kaaran nauwi (9th) maut Tacirua ki 87 saal ki ek mahila ki huwi. Uski maut uske ghar par unees 19th July ko ho gayi. Mahila ko sui nahi lagi thi.
COVID-19 ke kaaran duswi maut Waila ke 81 saal ke ek aadmi ki uske ghar par unees 19th July, 2021 ko huwi. Aadmi ko bhi sui nahi lagi thi.
COVID-19 ki wajah se Nasinu ke 75 saal ke ek aadmi ki huwi. Saans lene me takleef ki wajah se wohh ek medical facility gayi thi jahan se ek medical team use CWM aspataal le gayi. Wahan uski haalat aur kharaab ho gayi tatha bharti hone ke ek din baad unees (19th) July ko uski maut ho gayi. Aadmi ko bhi sui nahi lagi thi.
COVID-19 ke kaaran barahwi maut Kinoya ki 75 saal ki ek mahila ki huwi. Unees (19th)
July ko uski maut uske ghar par ho gayi. May mahine ke madhya me mahila ko sui ka pahla dose laga lekin usko dusra dose lagna baaki tha jiska matlab hai ki wohh poori tarah vaccinate nahi huwi thi.
COVID-19 ke liye positive paaye gaye teen aur marizon ki maut huwi hai. Lekin unke doctors ne bataya ki unki maut COVID-19 ki wajah se nahi anye bimaari ke kaaran huwi hai jo unhe COVID-19 ke liye positive paaye jaane se pahle huwi thi.
Fiji me COVID-19 ki wajah se abh 125 logon ki maut ho gayi hai, is saal April me shuru huwe prakop ke baad 123 logon ki jaan gayi hai. COVID-19 ke liye positive paaye gaye 51 logon ki maut anye bimaari ki wajah se huwi hai joh unke COVID-19 ke liye positive paaye jaane se pahle huwi bimaari ke kaaran huwi, COVID-19 ke kaaran nahi.
Kal se lekar aaj ke beech 343 mariz theek huwe hai jiska matlab hai abh 14,943 active mamle hai. Isi saal April mein shuru huwe prakop ke dauraan 19,282 mamle saamne aaye jabki pichle saal March mein desh ka pehla mamla saamne aane ke baad Fiji mein kul 19,352 mamle saamne aaye aur 4,233 mariz theek huwe hai.
Tees (30) aur mauton par chaanbin chal rahi hai. Jaanch ke baad tests results ke saath iss par jaankari di jayegi.
Screening ki jaankaari
Pichle chaubees (24) ghanton mein stationery screening clinics par kul (total) 6,680 logon ko screen kiya gaya aur 2,220 logon ko swab kiya gaya, jisse abhi tak stationery screening clinics par kul (total) 330,640 logon ki screening aur 58,239 logon ko swab kiya gaya hai. Pichle chaubees (24) ghanton mein mobile screening teams ne 3,321 logon ki screening ki aur 531 logon ko swab kiya jabki jabse mobile screening program shuru huwa hai tabse hamari mobile teamo ne abhi tak kul (total) 722,822 logon ki screening aur 62,560 logon ko swab kiya hai.
Testing ki jaankaari
Iss saal April mein prakop shuru hone ke baad kul 232,972 samples test huwe hai, jabki pichle saal ki shuruwaat se abhi tak 275,833 test huwe hai. Satrah 18th July ko 3,735 tests report huwe. Inn testing numbers ke aadhaar par desh bhar mein pichle saat dino ka dainik test average taor par 3837 tests prati din the yane 1000 logon me 4.3 tests. Pichle saat dino mein dainik test positivity 26% hai jo upar badhta jaa rahi hai.
Sui lagane ki jaankaari
Unees (19th) July tak desh bhar mein 401,404 bade logon ko sui ka pehla dose aur 80,894 logon ko dusra dose lag chuka hai. Iska matlab hai ki desh bhar mein target population ke 68.4% logon ko pehla dose aur 13.8% logon ko dusra dose lag gaya hai yaani weh puri tarah vaccinated ho gaye hai.
Fijiwaasiyon ko yaad dilaya jaa raha hai ki weh Minstry ke vaccine dashboard par jaakar dekhe joh national, divisional aur sub-divisional level par pehla dose aur dusre dose par jaankaari deta hai. Aap iss live dashboard ko yahan:
http://bit.ly/3h2JfCZ par dekh sakte hai.
Mahamaari ki Outlook
Pichle saat dino mein COVID ke naye mamle ki sankhya average taor par prati din 1046 mamle ho gaye hai yaane ek million logon mein 1182 mamle. Dainik mamlo ki sankhiya ke saath ghambheer bimari ke mamle mein vriddhi aur mauten badh rahi hai.
Aam janta ko salaah
Suva-Nausori ke containment ilaako mein COVID-19 badh chukka hai. Iska matlab hai ki agar aapko COVID-19 ke lakshan dikhayi deh toh aap yeh maan le ki aapko COVID-19 ho gaya hai aur aap khud ko ghar par isolate kar le. Apne aap ko isolate karne ke liye positive test result ka intezaar na kare. Apne aap ko isolate kar lene se aap dusro tak COVID-19 virus failane se rokte hai.
COVID-19 ke yeh lakshan hain:
Khaasi, naak behna, naak band hona, cheek, thakaan, swaad na aana ya mehek na pana, sar dard, dard aur peeda, gale mein kharash, bukhaar, diarrhea, laal ankhen, aur shareer mein daane.
Agar aapko inme se koi bhi lakshan hai toh kripya yeh kare:
1. Apne aap ko apne gharwalo se isolate kar le. Ghar par rahe. Jitna ho sake doh metre ki doori apne ghar walo ke saath barkarar rakhe.
2. Agar ho sake toh apni nazdiki screening clinic jaaye, salah le aur swab karaye. Mask pahne joh aapke naak aur muh ko acchi tarah se dhaakta ho. Anye logon se surakshit doh metre ki doori banaye rakhe.
3. Screening clinic jane ke liye public transport ka istemaal naa kare. Agar aisa nahi kar sakte toh aisa mask pahine joh aapke naak aur muh ko acchi tarah se dhaakta ho. Anye logon se surakshit doh metre ki doori banaye rakhe.
Gambheer COVID-19 ki sthiti ek medical emergency hai. Ilaaj paane mein der karna iss virus se bachne ki sambhavna ko kam karta hai. Aapko positive test result ki zaroorat nahi inn lakshano se bachne ke liye.
Sabhi Fijiwaasiyon ko COVID-19 ke lakshan pata hona chahiye jinme shaamil hai:
• Saans lene mein takleef
• Chaati mein dard ya pressure
• Kuch dino se gambheer sar dard
• Nayi uljan, jaagne ya uthne mein mushkil; aur
• Shareer ke chamde (skin), hoont aur naakhoon, peele, gray, ya neele rang ke ho jaana.
Suva-Nausori rokthaam waale ilaakon mein humne kuch health facilities ki pehchaan ki hai jahan wohh log jaa sakte hai jinhe COVID-19 ke gambheer lakshan dikhaai dete hai. Agar aap ya aapke chahne waale Suva-Nausori ke rokthaam ilaake mein rahte hai aur aapko gambheer lakshan hai toh
kripya jald se jald in nirdharit health facilities jaaye.
- Colonial War Memorial Hospital (CWMH)
- FEMAT Hospital, Vodafone Arena
Nausori ke niwaasiyon ko agar gambheer lakshan hai toh weh:
- Nausori Health Centre
-Wainibokasi Hospital
165 par call kare agar medical facility nahi ja sakte.