Virus failne ki jaankari
Pichle chaubees (24) ghanton mein aaj subha aat baje tak COVID-19 ke 1285 naye mamle saamne aaye hai. 202 mamle Western Division ke hai jabki 1083 mamle Central Division ke. Inn mamlon par puri jaankaari Ministry ke COVID-19 dashboard aur Fijian Government ke Facebook page par aaj raat online publish ki jaayegi. Aap iss link par jaakar naye aur active mamlon ki locations tatha recoveries mamle dekh sakte hai:
http://bit.ly/3vE2ZBb
Kal se lekar aaj ke beech 263 mariz theek huwe hai jiska matlab hai abh 17,937 active mamle hai. Central Division mein kul 16,239 active mamle hai aur Westerm Division mein kul 1,698 mamle. Eastern Division aur Northern Division mein jitney mamle the sab theek ho gaye hai (sabhi jo Vitilevu se gaye the) Yaha koi bhi active mamla nahi hai.
Isi saal April mein shuru huwe prakop ke dauraan 24,354 mamle saamne aaye. Pichle saal March mein desh ka pehla mamla saamne aane ke baad Fiji meIN kul 24,424 mamle saamne aaye aur 6,191 mariz theek huwe hai.
Mauton par jaankari
23rd July se 26th July ke beech COVID-19 se nau logon ki maut huwi hai.
COVID-19 se pehli maut Tamavua ki 82 saal ki ek mahila ki huwi hai. . 23rd July ko mahila ki maut uske ghar par huwi. Mahila ko COVID-19 se bachne ki sui nahi lagi thi.
COVID-19 se dusri maut Nadawa ke 57 saal ke aadmi ki huwi. 24th July ko aadmi ki maut uske ghar par huwi. Aadmi ko sui nahi lagi thi
COVID-19 se teesri maut Nadera ke 34 saal ke aadmi ki huwi hai. 26th July ko aadmi ko saans lene mein talkeef ki wajah se CWM aspatal mein bharti kiya gaya aur doh din baad uski halat bigadne ke karan uski maut ho gayi. Aadmi ko sui ka pehla dose June ke annt mein diya gaya tha aur usey dusra dose lagna baaki tha. Iska matlab yeh aadmi puri tarah vaccinated nahi tha.
COVID-19 se chauthi maut Raiwasa ke 52 saal ke aadmi ki huwi. Saans lene mein takleef ki wajah se wohh CWM gaya, jahan uski haalat bigad gayi aur pandrah din baad uski maut 25th July, 2021 ko ho gayi. Aadmi ko sui nahi lagi thi.
COVID-19 se paanchwi maut Samabula ki 45 saal ki mahila ki huwi. Saans lene mein takleef ki wajah se wohh CWM gayi, jahan uski haalat bigad gayi aur saat din baad uski maut 23rd July, 2021 ko ho gayi. Mahila ko sui nagi thi.
COVID-19 se chati maut Naitasiri ki 73 saal ki mahila ki huwi. 23rd July ko saans lene mein takleef ki wajah se unhe ek medical facility laya gaya. Uski haalat waha aur bigad gayi aur ussi din uski mrityu ho gayi. Uske parivaar ne bataya ki mahila ko ek hafte se khaasi, kamzori aur saans lene mein takleef ho rahi thi. Mahila ko sui nahi lagi thi.
COVID-19 se satwi maut Naitasiri ke 72 saal ke aadmi ki huwi. 25th July ko aadmi ki maut uske ghar par huwi. Aadmi ko sui nahi lagi thi
COVID-19 se aatwi maut Narere ki 89 saal ki mahila ki huwi. 26th July ko saans lene mein takleef ki wajah se unhe CWM aspatal ke emergency department laya gaya. Uski haalat waha aur bigad gayi aur ussi din uski mrityu ho gayi. Mahila ko sui nahi lagi thi.
COVID-19 se nauwi maut Tacirua ke 74 saal ke aadmi ki huwi. 25th July ko uski maut uske ghar par huwi. Aadmi ko sui nahi lagi thi.
COVID-19 ke liye positive paaye gaye saat (7) aur marizon ki maut huwi. Lekin unke doctors ka kehna hai ki unki maut COVID-19 ki wajah se nahi huwi hai. Doctors ke anusaar in marizon ki maut unhe COVID-19 ke liye positive paaye jaane se pehle jo bimaari thi usi wajah se huwi hai.
Fiji mein COVID-19 ki wajah se abh 195 logon ki maut ho gayi hai, is saal April mein shuru huwe prakop ke baad 193 logon ki jaan gayi hai. Saat dino ka average dainik COVID-19 maut ek din mein 8 hai. COVID-19 ke liye positive paaye gaye 101 logon ki maut anye bimaari ki wajah se huwi hai joh unke COVID-19 ke liye positive paaye jaane se pahle huwi bimaari ke kaaran huwi, COVID-19 ke kaaran nahi.
Screening ki jaankaari
Pichle chaubees (24) ghanton mein stationery screening clinics par kul (total) 890 logon ko screen kiya gaya aur 411 logon ko swab kiya gaya, jisse abhi tak stationery screening clinics par kul (total) 358,925 logon ki screening aur 66,439 logon ko swab kiya gaya hai. 24th July tak hamari mobile screening teams ne 2,575 logon ki screening ki aur 302 logon ko swab kiya jabki jabse mobile screening program shuru huwa hai tabse hamari mobile teamo ne abhi tak kul (total) 741,611 logon ki screening aur 65,752 logon ko swab kiya hai.
Testing ki jaankaari
Iss saal April mein prakop shuru hone ke baad kul 253,945 samples test huwe hai, jabki pichle saal ki shuruwaat se abhi tak 296,806 test huwe hai. 24th July ko 3095 tests report huwe. Pichle saat dino ka dainik test average taor par 3530 tests prati din the yane 1000 logon me 4.0 tests. Pichle saat dino mein dainik test positivity 22.8% hai.
Sui lagane ki jaankaari
25th July tak desh bhar mein 441,171 bade logon ko sui ka pehla dose aur 97,268 logon ko dusra dose lag chuka hai. Iska matlab hai ki desh bhar mein target population ke 75.2% logon ko pehla dose aur 16.6% logon ko dusra dose lag gaya hai yaani weh puri tarah vaccinated ho gaye hai.
Fijiwaasiyon ko yaad dilaya jaa raha hai ki weh Ministry ke vaccine dashboard par jaakar dekhe joh national, divisional aur sub-divisional level par pehla dose aur dusre dose par jaankaari deta hai. Aap iss live dashboard ko yahan:
http://bit.ly/3h2JfCZ par dekh sakte hai.
Mahamaari ki Outlook
Pichle saat dino mein COVID ke naye mamle ki sankhya average taor par prati din 875 mamle ho gaye hai yaane ek million logon me 989 mamle. Dainik naye mamle aaj se fir badh gaye hai kuch dino ki girawat ke baad jabki Central Division se kayi mamle mil rahe hai. Western Division mein bhi mamle badh rahe hai. Jaisa ki pichle bayano mein humne bataya hai ki mamle upar niche hone ki sambhavna hai, kuch dino ke mamlo mein girawat ko hamein samudaye mein mamlo ke girawat ke roop mein galat nahi samajhna chahiye. Hamein saat dino ke average mamle par nigrani rakhne se madad milti hai ki hamare mamle kis disha mein badh rahe hai. Jab testing bade taor par hoti hai tab test positivity bhi badhti hai aur West mein mamlo ke badhne se hum dainik mamlo mein badhanti dekh sakenge. Dainik average taor par mauton par bhi hum nigrani rakhe huwe hai jo badhta ja raha hai.
Aam janta ko salaah
Suva-Nausori ke containment ilaako mein COVID-19 lakshan wale logon ke liye:
Jinhe lakshan dikhayi de raha hai abh unka test nahi kiya jayega. Aapko ghar par rehna hai aur khud ko chaudah din ke liye isolate karna hai. Zyadatar COVID-19 ke kuch halke lakshan dikhayi denge jinme, Khaasi, naak behna, naak band hona, cheek, thakaan, swaad na aana ya mehek na aana, aur sar dard jo ghar par theek ho sakta hai. COVID-19 se kam khatre wale logon se hum maang kar rahe hain ki aap ghar par khud ko chaudah dino ke liye isolate kar le. Apne parivaar se khud ko isolate kar le aur gambheer lakshan ko monitor kare aur agar aapko gabheer COVID-19 ke lakshan jaise saans lene mein takleef, ya chaati mein dard ho to jald se nirdharit nazdiki health facilities jaye.
- Colonial War Memorial Hospital (CWMH)
- FEMAT Hospital, Vodafone Arena
Nausori ke niwaasiyon ko agar gambheer lakshan hai toh weh:
- Nausori Health Centre
-Wainibokasi Hospital
165 par call kare agar medical facility nahi ja sakte.
Agar aap ya jinki aap dekhbhaal karte hai ko gambheer COVID bimaari ka khatra hai- khaas karke jab weh pachaas (50) saal se upar hai, ko koi gambheer bimaari jaise diabetes, dil ki bimaari, kidney ki bimaari, asthma, motapa ya agar aap garbwati hai toh aapko jald se jald nazdiki screening clinic jaana chahiye. Agar aapko COVID-19 ke liye positive paaya gaya toh hum dhyaan me rakhenge ki hamari health teame aapko jald se jald dekhbhaal kare.
1.) Jin karamchaariyon ko COVID ke lakshan hai aur jinhe kaam se opchaarik chutti ki zaroorat ko sujhao diya jaa raha hai ki weh nazdeeki screening clinic jaaye, jaanch karaye aur chaudha (14) din ghar par alag rahne ke liye medical certificate haasil kare.
2.) Jin karamchaariyon ko COVID ke lakshan dikhaai dete hai ko General Practitioners (GPs) se bhi chaudha (14) din ghar par alag rahne ke liye medical certificate haasil kar sakte hai.