Virus failne ki jaankari
Pichle chaubees (24) ghanton mein aaj subha aat baje tak COVID-19 ke 715 naye mamle saamne aaye hai. 97 mamle Western Division ke hai jabki 618 mamle Central Division ke. Inn mamlon par puri jaankaari Ministry ke COVID-19 dashboard aur Fijian Government ke Facebook page par aaj raat online publish ki jaayegi. Aap iss link par jaakar naye aur active mamlon ki locations tatha recoveries mamle dekh sakte hai:
http://bit.ly/3vE2ZBb
Kal se lekar aaj ke beech 128 mariz theek huwe hai jiska matlab hai abh 18,512 active mamle hai. Central Division mein kul 16,518 active mamle hai aur Westerm Division mein kul 1,994 mamle. Eastern Division aur Northern Division mein jitney mamle the sab theek ho gaye hai (sabhi jo Vitilevu se gaye the) Yaha koi bhi active mamla nahi hai.
Isi saal April mein shuru huwe prakop ke dauraan 25,069 mamle saamne aaye. Pichle saal March mein desh ka pehla mamla saamne aane ke baad Fiji mein kul 25,139 mamle saamne aaye aur 6,319 mariz theek huwe hai.
Mauton par jaankari
22nd July se 27th July ke beech COVID-19 se gyarah logon ki maut huwi hai.
COVID-19 se pehli maut CWM aspatal ki 46 saal ki ek swasthiye karamchari mahila ki huwi hai. Saans lene mein takleef ki wajah se usey CWM aspatal ke Emergency Department mein rakha gaya. Paanch din pehle unhe bukhaar aur khaasi thi. Aspatal mein halat bigadne ke karan uski maut 26th July ko ho gayi. Mahila ko sui nahi lagi thi.
COVID-19 se dusri maut Makoi ke 65 saal ke aadmi ki huwi. 26th July ko aadmi ki maut uske ghar par huwi. July mahine ke beech mein aadmi ko sui ka pehla dose laga aur unhe dusra dose lagna baaki tha. Iska matlab hai ki who puri tarah vaccinated nahi tha.
COVID-19 se teesri maut Lami ki 74 saal ki mahila ki huwi. 26th July ko uski maut ghar par huwi. Mahila ko sui nahi lagi thi.
COVID-19 se chauthi maut Davuilevu Housing ki 71 saal ki mahila ki huwi. 26th July ko uski maut ghar par huwi. Mahila ko sui nahi lagi thi.
COVID-19 se paanchwi maut Caubati ki 66 saal ki mahila ki huwi. 26th July ko uski maut ghar par huwi. Mahila ko sui nahi lagi thi.
COVID-19 se chati maut Lami ki 79 saal ki mahila ki huwi. 22nd July ko uski maut ghar par huwi. Mahila ko sui nahi lagi thi.
COVID-19 se saatwi maut Samabula ke 75 saal ke aadmi ki huwi. 25th July ko saans lene mein takleef ki wajah se unhe CWM Hospital ke emergency ward mein rakha gaya. Haalat bigadne ke karan uski maut ussi din ho gayi. Aadmi ko sui nahi lagi thi
COVID-19 se aatwi maut Suva ki 62 saal ki mahila ki huwi. 26th July ko saans lene mein takleef ki wajah se unhe CWM aspatal ke emergency department laya gaya. Uski haalat waha aur bigad gayi aur doh din baad uski mrityu ho gayi. Mahila ko sui nahi lagi thi.
COVID-19 se nauwi maut Korovisilou ke 67 saal ke aadmi ki huwi. 26th July ko saans lene mein takleef ki wajah se unhe CWM Hospital ke emergency ward mein rakha gaya. Haalat bigadne ke karan uski maut chaar din baad ho gayi. Aadmi ko sui nahi lagi thi.
COVID-19 se duswi maut Nausori ki 63 saal ki mahila ki huwi. Saans lene mein takleef ke karan usse ek medical facility lejaya gaya. Baad mein medical team ne usey heath facility se FEMAT field aspatal mein bharti kiya. Uski haalat wahan aur bigad gayi aur che din baad uski mrityu ho gayi. Mahila ko sui nahi lagi thi.
COVID-19 se gyarahwi maut Nadera ke 69 saal ke aadmi ki huwi. Saans lene mein takleef ke karan usse ek FEMAT laya gaya. Baad mein medical team ne usey FEMAT se CWM aspatal mein bharti kiya. Uski haalat waha aur bigad gayi aur doh din baad uski mrityu ho gayi. Mahila ko sui ka pehla dose June ke beech mein laga tha. Unhe dusra dose lagna baaki tha. Iska matlab hai ki who puri tarah vaccinated nahi tha.
COVID-19 ke liye positive paaye gaye ek aur mariz ki maut huwi. Lekin unke doctors ka kehna hai ki unki maut COVID-19 ki wajah se nahi huwi hai. Doctors ke anusaar in marizon ki maut unhe COVID-19 ke liye positive paaye jaane se pehle jo bimaari thi usi wajah se huwi hai.
Fiji mein COVID-19 ki wajah se abh 206 logon ki maut ho gayi hai, is saal April mein shuru huwe prakop ke baad 204 logon ki jaan gayi hai. Saat dino ka average dainik COVID-19 maut ek din mein 7 hai. COVID-19 ke liye positive paaye gaye 102 logon ki maut anye bimaari ki wajah se huwi hai joh unke COVID-19 ke liye positive paaye jaane se pahle huwi bimaari ke kaaran huwi, COVID-19 ke kaaran nahi.
Screening ki jaankaari
Pichle chaubees (24) ghanton mein stationery screening clinics par kul (total) 6,811 logon ko screen kiya gaya aur 1,147 logon ko swab kiya gaya, jisse abhi tak stationery screening clinics par kul (total) 365,736 logon ki screening aur 67,586 logon ko swab kiya gaya hai. 25th July tak hamari mobile screening teams ne 5,542 logon ki screening ki aur 586 logon ko swab kiya jabki jabse mobile screening program shuru huwa hai tabse hamari mobile teamo ne abhi tak kul (total) 747,412 logon ki screening aur 66,354 logon ko swab kiya hai.
Testing ki jaankaari
Iss saal April mein prakop shuru hone ke baad kul 256,776 samples test huwe hai, jabki pichle saal ki shuruwaat se abhi tak 299,637 test huwe hai. 25th July ko 2831 tests report huwe.25th July ke testing numbers average se kam hai kyunki Fiji CDC ki laboratory Sunday ki subah zaroori maintenance kaam ke liye bandh thi. Pichle saat dino ka dainik test average taor par 3401 tests prati din the yane 1000 logon me 3.8 tests. Pichle saat dino mein dainik test positivity 26.3% hai.
Sui lagane ki jaankaari
26th July tak desh bhar mein 449,934 bade logon ko sui ka pehla dose aur 103,742 logon ko dusra dose lag chuka hai. Iska matlab hai ki desh bhar mein target population ke 76.7% logon ko pehla dose aur 17.7% logon ko dusra dose lag gaya hai yaani weh puri tarah vaccinated ho gaye hai.
Fijiwaasiyon ko yaad dilaya jaa raha hai ki weh Ministry ke vaccine dashboard par jaakar dekhe joh national, divisional aur sub-divisional level par pehla dose aur dusre dose par jaankaari deta hai. Aap iss live dashboard ko yahan:
http://bit.ly/3h2JfCZ par dekh sakte hai.
Mahamaari ki Outlook
Pichle saat dino mein COVID ke naye mamle ki sankhya average taor par prati din 827 mamle ho gaye hai yaane ek million logon me 934 mamle. Dainik naye mamle badhte ja rahe hain aur dainik test positivity bhi upar hai, jiska matlab hai ki Suva-Nausori ke rokthaam ilaakon mein virus samudao mein fail gaya hai. Western Division mein bhi mamle badh rahe hai. Northern aur Eastern Division mein koi bhi mamla nahi hai.
Aam janta ko salaah
Suva-Nausori ke containment ilaako mein COVID-19 lakshan wale logon ke liye:
Jinhe lakshan dikhayi de raha hai abh unka test nahi kiya jayega. Aapko ghar par rehna hai aur khud ko chaudah din ke liye isolate karna hai. Zyadatar COVID-19 ke kuch halke lakshan dikhayi denge jinme, Khaasi, naak behna, naak band hona, cheek, thakaan, swaad na aana ya mehek na aana, aur sar dard jo ghar par theek ho sakta hai. COVID-19 se kam khatre wale logon se hum maang kar rahe hain ki aap ghar par khud ko chaudah dino ke liye isolate kar le. Apne parivaar se khud ko isolate kar le aur gambheer lakshan ko monitor kare aur agar aapko gabheer COVID-19 ke lakshan jaise saans lene mein takleef, ya chaati mein dard ho to jald se nirdharit nazdiki health facilities jaye.
- Colonial War Memorial Hospital (CWMH)
- FEMAT Hospital, Vodafone Arena
Nausori ke niwaasiyon ko agar gambheer lakshan hai toh weh:
- Nausori Health Centre
-Wainibokasi Hospital
165 par call kare agar medical facility nahi ja sakte.
Agar aap ya jinki aap dekhbhaal karte hai ko gambheer COVID bimaari ka khatra hai- khaas karke jab weh pachaas (50) saal se upar hai, ko koi gambheer bimaari jaise diabetes, dil ki bimaari, kidney ki bimaari, asthma, motapa ya agar aap garbwati hai toh aapko jald se jald nazdiki screening clinic jaana chahiye. Agar aapko COVID-19 ke liye positive paaya gaya toh hum dhyaan me rakhenge ki hamari health teame aapko jald se jald dekhbhaal kare.
1.) Jin karamchaariyon ko COVID ke lakshan hai aur jinhe kaam se opchaarik chutti ki zaroorat ko sujhao diya jaa raha hai ki weh nazdeeki screening clinic jaaye, jaanch karaye aur chaudha (14) din ghar par alag rahne ke liye medical certificate haasil kare.
2.) Jin karamchaariyon ko COVID ke lakshan dikhaai dete hai ko General Practitioners (GPs) se bhi chaudha (14) din ghar par alag rahne ke liye medical certificate haasil kar sakte hai.