Virus failne ki jaankaari
Pichle chaubees (24) ghanton mein aaj subha aat baje tak COVID-19 ke 1057 naye mamle saamne aaye hai. 144 mamle Western Division ke hai jabki 913 mamle Central Division ke. Inn mamlon par puri jaankaari Ministry ke COVID-19 dashboard aur Fijian Government ke Facebook page par aaj raat online publish ki jaayegi. Aap iss link par jaakar naye aur active mamlon ki locations tatha recoveries mamle dekh sakte hai:
http://bit.ly/3vE2ZBb
Kal se lekar aaj ke beech 387 mariz theek huwe hai jiska matlab hai abh 19,168 active mamle hai. Central Division mein kul 16,272 active mamle hai aur Westerm Division mein kul 2,896 mamle. Eastern Division aur Northern Division mein jitney mamle the sab theek ho gaye hai (sabhi jo Vitilevu se gaye the) tatha wahan abh koi bhi active mamla nahi hai.
Isi saal April mein shuru huwe prakop ke dauraan 26,126 mamle saamne aaye. Pichle saal March mein desh ka pehla mamla saamne aane ke baad Fiji mein kul 26,196 mamle saamne aaye aur 6,706 mariz theek huwe hai.
Mauton par jaankari
24th July se 27th July ke beech COVID-19 se barah logon ki maut huwi hai.
COVID-19 se pahli maut Drasa ki 44 saal ki ek mahila ki huwi. Mahila ko chaubees July, 2021 ko Lautoka Aspataal ke emergency department lejaane par mrit ghoshit kiya gaya. Iska matlab hai ki ya toh uski maut ghar par huwi ya aspataal lejaate waqt huwi hogi. Mahila ko sui nahi lagi thi.
COVID-19 se dusri maut Lovu ki 73 saal ki ek mahila ki huwi. Mahila ko chabbees July, 2021 ko Lautoka Aspataal pahuchne par emergency department ke medical officer ne mrit ghoshit kiya. Iska matlab hai ki mahila ki maut ghar par ya aspataal lejaate waqt huwi hogi. Mahila ko bhi sui nahi lagi thi.
COVID-19 se teesri maut Lami ki 52 saal ki mahila ki huwi. Mahila ki maut sattais July, 2021 ko uske ghar par huwi. Mahila ko sui nahi lagi thi.
COVID-19 se chauthi maut Raiwai ke 61 saal ke ek aadmi ki huwi. Sattais July, 2021 ko aadmi ki maut ghar par ho gayi. Aadmi ko bhi sui nahi lagi thi.
COVID-19 se paanchwi maut Naitasiri ke 69 saal ke ek aadmi ki huwi. Chabbees July, 2021 ko uski maut ghar par huwi. Aadmi ko bhi sui nahi lagi thi.
COVID-19 se chati maut Togalevu ke 75 saal ke ek aadmi ki huwi. Saans lene me takleef ki wajah se wohh ek medical facility gaya tha. Ek medical team aadmi ko CWM aspataal le gayi. Uski haalat aur bigad gayi aur bharti hone ke chaar din baad sataais 27th July, 2021 ko uski maut ho gayi. Isi mahine ki shuruwaat me use sui ka pahla dose lag gaya tha lekin use dusra dose lagna baaki tha. Iska matlab hai ki wohh poori tarah vaccinate nahi huwa tha.
COVID-19 se saatwi maut Nadawa ke 83 saal ke ek aadmi ki huwi. Saans lene takleef ke kaaran wohh CWM aspataal gaya tha. Aspataal me uski haalat aur bigad gayi aur bharti hone ke che din baad uski maut pachees July, 2021 ko ho gayi. June mahine ki shuruwaat me use sui ka pahla dose laga tha lekin use dusra dose nahi laga tha. Iska matlab hai ki wohh puri tarah vaccinate nahi huwa tha.
COVID-19 se aatwi maut Narere ki 74 saal ki ek mahila ki huwi. Saans lene me dikkat ki wajah se wohh CWM aspataal gayi thi. Wahan uski haalat aur bigad gayi aur bharti hone ke aat din baad uski maut ho gayi. Mahila ko sui lagi thi.
COVID-19 se nauwi maut Tacirua village ke 87 saal ke ek aadmi ki huwi. Saans lene me takleef ki wajah se use CWM aspataal lejaya gaya tha. Uski haalat aur bigad gayi tatha bharti hone ke aat din baad uski maut attais July, 2021 ko ho gayi. Aadmi ko sui nahi lagi thi.
COVID-19 se duswi maut Samabula ki 61 saal ki ek mahila ki huwi. Saans lene me takleef ki wajah se wohh CWM aspataal gayi thi. Wahan uski haalat aur bigad gayi aur bharti hone kea at din baad uski maut sattais July, 2021 ko ho gayi. Mahila ko sui nahi lagi thi.
COVID-19 se gyarahwi maut Samabula ke 51 saal ke ek aadmi ki huwi. Saans lene me dikkat ki wajah se wohh CWM aspataal gaya tha. Wahan uski haalat aur bigad gayi jisse uski maut bharti hone ke saat din baad sataais July, 2021 ko ho gayi. Isi mahine ki shuruwaat me use sui ka pahla dose laga tha aur use dusra dose lagna baaki tha. Jiska matlab hai ki wohh puri tarah se vaccinate nahi huwa tha.
COVID-19 se barahwi maut Tamavua ki 70 saal ki ek mahila ki huwi. Ek medical team use ghar se CWM aspataal le gayi jab use saans lene me bhaari takleef ho rahi thi. Aspataal me uski haalat aur kharab ho gayi jisse uski maut bharti hone ke teen din baad sataais July, 2021 ko ho gayi. Uske pariwaar ne bataya ki doh din pahle use khaansi aur saans lene me takleef thi. Mahila ko May mahine me sui ka pahla dose laga tha lekin use dusra dosa lagna baaki tha. Iska matlab hai ki wohh puri tarah vaccinate nahi huwi thi.
COVID-19 ke liye positive paaye gaye doh aur marizon ki maut huwi. Lekin unke doctors ka kehna hai ki unki maut COVID-19 ki wajah se nahi huwi hai. Doctors ke anusaar in marizon ki maut unhe COVID-19 ke liye positive paaye jaane se pehle jo bimaari thi usi wajah se huwi hai.
Fiji mein COVID-19 ki wajah se abh 218 logon ki maut ho gayi hai, is saal April mein shuru huwe prakop ke baad 216 logon ki jaan gayi hai. Saat dino ka average dainik COVID-19 maut ek din mein aat hai. COVID-19 ke liye positive paaye gaye 104 logon ki maut anye bimaari ki wajah se huwi hai joh unke COVID-19 ke liye positive paaye jaane se pahle huwi bimaari ke kaaran huwi, COVID-19 ke kaaran nahi.
Screening ki jaankaari
Pichle chaubees (24) ghanton mein stationery screening clinics par kul (total) 6,188 logon ko screen kiya gaya aur 1,120 logon ko swab kiya gaya, jisse abhi tak stationery screening clinics par kul (total) 371,924 logon ki screening aur 68,706 logon ko swab kiya gaya hai. 26th July tak hamari mobile screening teams ne 5,847 logon ki screening ki aur 550 logon ko swab kiya jabki jabse mobile screening program shuru huwa hai tabse hamari mobile teamo ne abhi tak kul (total) 753,259 logon ki screening aur 66,904 logon ko swab kiya hai.
Testing ki jaankaari
Iss saal April mein prakop shuru hone ke baad kul 259,971 samples test huwe hai, jabki pichle saal ki shuruwaat se abhi tak 302,832 test huwe hai. 26th July ko 3195 tests report huwe. Pichle saat dino ka dainik test average taor par 3341 tests prati din the yane 1000 logon me 3.8 tests. Pichle saat dino mein dainik test positivity 25.4% hai.
Sui lagane ki jaankaari
27th July tak desh bhar mein 457,752 bade logon ko sui ka pehla dose aur 111,541 logon ko dusra dose lag chuka hai. Iska matlab hai ki desh bhar mein target population ke 78% logon ko pehla dose aur 19% logon ko dusra dose lag gaya hai yaani weh puri tarah vaccinated ho gaye hai.
Fijiwaasiyon ko yaad dilaya jaa raha hai ki weh Ministry ke vaccine dashboard par jaakar dekhe joh national, divisional aur sub-divisional level par pehla dose aur dusre dose par jaankaari deta hai. Aap iss live dashboard ko yahan:
http://bit.ly/3h2JfCZ par dekh sakte hai.
Mahamaari ki Outlook
Pichle saat dino mein COVID ke naye mamle ki sankhya average taor par prati din 822 mamle ho gaye hai yaane ek million logon me 929 mamle. Dainik naye mamle badhte ja rahe hain aur dainik test positivity bhi upar hai, jiska matlab hai ki Suva-Nausori ke rokthaam ilaakon mein virus samudao mein fail gaya hai. Western Division mein bhi mamle badh rahe hai. Northern aur Eastern Division mein koi bhi mamla nahi hai.
Aam janta ko salaah
Suva-Nausori ke containment ilaako mein COVID-19 lakshan wale logon ke liye:
Jinhe lakshan dikhayi de raha hai abh unka test nahi kiya jayega. Aapko ghar par rehna hai aur khud ko chaudah din ke liye isolate karna hai. Zyadatar COVID-19 ke kuch halke lakshan dikhayi denge jinme, Khaasi, naak behna, naak band hona, cheek, thakaan, swaad na aana ya mehek na aana, aur sar dard jo ghar par theek ho sakta hai. COVID-19 se kam khatre wale logon se hum maang kar rahe hain ki aap ghar par khud ko chaudah dino ke liye isolate kar le. Apne parivaar se khud ko isolate kar le aur gambheer lakshan ko monitor kare aur agar aapko gabheer COVID-19 ke lakshan jaise saans lene mein takleef, ya chaati mein dard ho to jald se nirdharit nazdiki health facilities jaye.
- Colonial War Memorial Hospital (CWMH)
- FEMAT Hospital, Vodafone Arena
Nausori ke niwaasiyon ko agar gambheer lakshan hai toh weh:
- Nausori Health Centre
-Wainibokasi Hospital
165 par call kare agar medical facility nahi ja sakte.
Agar aap ya jinki aap dekhbhaal karte hai ko gambheer COVID bimaari ka khatra hai- khaas karke jab weh pachaas (50) saal se upar hai, ko koi gambheer bimaari jaise diabetes, dil ki bimaari, kidney ki bimaari, asthma, motapa ya agar aap garbwati hai toh aapko jald se jald nazdiki screening clinic jaana chahiye. Agar aapko COVID-19 ke liye positive paaya gaya toh hum dhyaan me rakhenge ki hamari health teame aapko jald se jald dekhbhaal kare.
1.) Jin karamchaariyon ko COVID ke lakshan hai aur jinhe kaam se opchaarik chutti ki zaroorat ko sujhao diya jaa raha hai ki weh nazdeeki screening clinic jaaye, jaanch karaye aur chaudha (14) din ghar par alag rahne ke liye medical certificate haasil kare.
2.) Jin karamchaariyon ko COVID ke lakshan dikhaai dete hai ko General Practitioners (GPs) se bhi chaudha (14) din ghar par alag rahne ke liye medical certificate haasil kar sakte hai.