Virus failne ki jaankari
Pichle chaubees (24) ghanton mein aaj subha aat baje tak COVID-19 ke 1301 naye mamle saamne aaye hai. 293 mamle Western Division ke hai jabki 1008 mamle Central Division ke.
Inn mamlon par puri jaankaari Ministry ke COVID-19 dashboard aur Fijian Government ke Facebook page par aaj raat online publish ki jaayegi. Aap iss link par jaakar naye aur active mamlon ki locations tatha recoveries mamle dekh sakte hai:
http://bit.ly/3vE2ZBb
Kal se lekar aaj ke beech 245 mariz theek huwe hai jiska matlab hai abh 20,200 active mamle hai. Central Division mein kul 17,774 active mamle hai aur Westerm Division mein kul 2,426 mamle. Eastern Division aur Northern Division mein jitney mamle the sab theek ho gaye hai (sabhi jo Vitilevu se gaye the) Yaha koi bhi active mamla nahi hai.
Isi saal April mein shuru huwe prakop ke dauraan 27,427 mamle saamne aaye. Pichle saal March mein desh ka pehla mamla saamne aane ke baad Fiji mein 27,497 mamle saamne aaye aur 6,951 mariz theek huwe hai.
Mauton par jaankari
26th July se 27th July ke beech COVID-19 se nau logon ki maut huwi hai.
COVID-19 se pehli maut Lautoka ke 83 saal ke aadmi ki huwi hai. Saans lene mein takleef ke karan wohh Lautoka aspatala aaya tha. Paanch dino se usey khaasi aur saans lene mein takleef ho rahi thi. Aspatal mein haalat aur bigadne ke karan uski maut teen din baad 27 July ko ho gayi. Aadmi ko COVID se bachne ki sui nahi lagi thi.
COVID-19 se dusri maut Samabula ki 72 saal ki mahila ki huwi hai. 26 July ko uski maut ghar par ho gayi. Mahila ko sui nahi lagi thi.
COVID-19 se teesri maut Valelevu ke 69 saal ke aadmi ki huwi. Saans lene mein takleef ke karan usey CWM ke Emergency department laya gaya. Asapatal mein uski haalat aur bigad gayi aur ussi din 25 July ko uski maut ho gayi. Aadmi ko sui nahi lagi thi.
COVID-19 se chauthi maut Suva ke 64 saal ke aadmi ki huwi. 27 July ko uski maut ghar par ho gayi. Aadmi ko sui nahi lagi thi.
COVID-19 se paanchwi maut Nabua ke 84 saal ke aadmi ki huwi. 27 July ko uski maut ghar par ho gayi. Aadmi ko sui nahi lagi thi.
COVID-19 se chati maut Nakasi ke 59 saal ke aadmi ki huwi. 27 July ko uski maut ghar par ho gayi. Aadmi ko sui nahi lagi thi.
COVID-19 se saatwi maut Suva ki 91 saal ki mahila ki huwi hai. 27 July ko uski maut ghar par ho gayi. Mahila ko sui nahi lagi thi.
COVID-19 se Aatwi maut Wailoku ki 68 saal ki mahila ki huwi hai. 27 July ko uski maut ghar par ho gayi. Mahila ko sui nahi lagi thi.
COVID-19 se nauwi maut Raiwaqa ke 75 saal ke aadmi ki huwi. 26 July ko uski maut ghar par ho gayi. Aadmi ko sui nahi lagi thi.
COVID-19 ke liye positive paaye gaye pandra aur marizon ki maut huwi. Lekin unke doctors ka kehna hai ki unki maut COVID-19 ki wajah se nahi huwi hai. Doctors ke anusaar in marizon ki maut unhe COVID-19 ke liye positive paaye jaane se pehle jo bimaari thi usi wajah se huwi hai.
Fiji mein COVID-19 ki wajah se abh 227 logon ki maut ho gayi hai, iss saal April mein shuru huwe prakop ke baad 225 logon ki jaan gayi hai. Saat dino ka average dainik COVID-19 maut ek din mein 8 hai. COVID-19 ke liye positive paaye gaye 119 logon ki maut anye bimaari ki wajah se huwi hai joh unke COVID-19 ke liye positive paaye jaane se pahle huwi bimaari ke kaaran huwi, COVID-19 ke kaaran nahi.
Aspatal mein marizon par jaankari
Abh tak COVID-19 ke 304 mareez aspatal mein bharti hain. 29 mareez Lautoka aspatal mein hain. Suva, FEMAT field aspatal mein 77 mareez bharti hain, CWM, St Giles aur Makoi mein 198 mareez bharti hain. 53 mareezon ki halat gambheer batayi ja rahi hai aur 16 ki haalat nazook hai.
Screening ki jaankaari
Pichle chaubees (24) ghanton mein stationery screening clinics par kul (total) 6,011 logon ko screen kiya gaya aur 956 logon ko swab kiya gaya, jisse abhi tak stationery screening clinics par kul (total) 377,935 logon ki screening aur 69,662 logon ko swab kiya gaya hai. 27th July tak hamari mobile screening teams ne 5,847 logon ki screening ki aur 550 logon ko swab kiya jabki jabse mobile screening program shuru huwa hai tabse hamari mobile teamo ne abhi tak kul (total) 753,259 logon ki screening aur 66,904 logon ko swab kiya hai.
Testing ki jaankaari
Iss saal April mein prakop shuru hone ke baad kul 263,109 samples test huwe hai, jabki pichle saal ki shuruwaat se abhi tak 305,970 test huwe hai. 27th July ko 3138 tests report huwe. 26th-27th July ko ek lab se testing number aana baaki hai. Pichle saat dino ka dainik test average taor par 3302 tests prati din the yane 1000 logon me 3.7 tests. Pichle saat dino mein dainik test positivity 25.6% hai.
Sui lagane ki jaankaari
28th July tak desh bhar mein 465,110 bade logon ko sui ka pehla dose aur 120,451 logon ko dusra dose lag chuka hai. Iska matlab hai ki desh bhar mein target population ke 79.3% logon ko pehla dose aur 20.5% logon ko dusra dose lag gaya hai yaani weh puri tarah vaccinated ho gaye hai.
Fijiwaasiyon ko yaad dilaya jaa raha hai ki weh Ministry ke vaccine dashboard par jaakar dekhe joh national, divisional aur sub-divisional level par pehla dose aur dusre dose par jaankaari deta hai. Aap iss live dashboard ko yahan:
http://bit.ly/3h2JfCZ par dekh sakte hai.
Mahamaari ki Outlook
Pichle saat dino mein COVID ke naye mamle ki sankhya average taor par prati din 877 mamle ho gaye hai yaane ek million logon me 991 mamle. Dainik naye mamle badhte ja rahe hain aur dainik test positivity bhi upar hai, jiska matlab hai ki Suva-Nausori ke rokthaam ilaakon mein virus samudao mein fail gaya hai. Western Division mein bhi mamle badh rahe hai. Northern aur Eastern Division mein koi bhi mamla nahi hai.
Aam janta ko salaah
Suva-Nausori ke containment ilaako mein COVID-19 lakshan wale logon ke liye:
Jinhe lakshan dikhayi de raha hai abh unka test nahi kiya jayega. Aapko ghar par rehna hai aur khud ko chaudah din ke liye isolate karna hai. Zyadatar COVID-19 ke kuch halke lakshan dikhayi denge jinme, Khaasi, naak behna, naak band hona, cheek, thakaan, swaad na aana ya mehek na aana, aur sar dard jo ghar par theek ho sakta hai. COVID-19 se kam khatre wale logon se hum maang kar rahe hain ki aap ghar par khud ko chaudah dino ke liye isolate kar le. Apne parivaar se khud ko isolate kar le aur gambheer lakshan ko monitor kare aur agar aapko gabheer COVID-19 ke lakshan jaise saans lene mein takleef, ya chaati mein dard ho to jald se nirdharit nazdiki health facilities jaye.
- Colonial War Memorial Hospital (CWMH)
- FEMAT Hospital, Vodafone Arena
Nausori ke niwaasiyon ko agar gambheer lakshan hai toh weh:
- Nausori Health Centre
-Wainibokasi Hospital
165 par call kare agar medical facility nahi ja sakte.
Agar aap ya jinki aap dekhbhaal karte hai ko gambheer COVID bimaari ka khatra hai- khaas karke jab weh pachaas (50) saal se upar hai, ko koi gambheer bimaari jaise diabetes, dil ki bimaari, kidney ki bimaari, asthma, motapa ya agar aap garbwati hai toh aapko jald se jald nazdiki screening clinic jaana chahiye. Agar aapko COVID-19 ke liye positive paaya gaya toh hum dhyaan me rakhenge ki hamari health teame aapko jald se jald dekhbhaal kare.
1.) Jin karamchaariyon ko COVID ke lakshan hai aur jinhe kaam se opchaarik chutti ki zaroorat ko sujhao diya jaa raha hai ki weh nazdeeki screening clinic jaaye, jaanch karaye aur chaudha (14) din ghar par alag rahne ke liye medical certificate haasil kare.
2.) Jin karamchaariyon ko COVID ke lakshan dikhaai dete hai ko General Practitioners (GPs) se bhi chaudha (14) din ghar par alag rahne ke liye medical certificate haasil kar sakte hai.
Fiji mein anye ilaako mein rehne walon ke liye:
COVID-19 ke lakshan tatha testing ke liye kripya 158 par call kare ya apni nazdiki screening clinic jaye. Agar aap apne ghar se screening clinic jaane ke liye nikalte hai: kripya mask pehne jo aapke muh aur naak ko dhakta hai, doh metre ki doori barkarar rakhe, apne haathon ko sabun pani se dhoye dhote rahe ya sanitizer ka istemaal kare aur careFIJI app download kare aur activate kare agar aap ke paas smartphone hai, public transport mein safar na kare. Agar kisi COVID-19 mamle ke saath sampark mein aaye hai toh 158 par call kare.