HINDI STATEMENT BY DIGICEL CEO FARID MOHAMMED

Digicel CEO Farid Mohammed

Bahut bahut dhanyawaad.
Mananiye Attorney General 
aur Ministry of Economy ke Permanent Secretary

Digicel ki or se hum aap sabhi ko dhanyewaad dena chahte ki hume yeh mauka diya gaya ki hum sarkaar ke saath partner hokar un logon tak digital tarike se zaroori allowance ke roop me sahayta pahuchaye jo rokthaam waale ilaake me hai. 

Is project ka laksh hai ki iska solution digital tarike se nikaala jaaye toh to hum shuru se hi zor dena chahte hai ki registration bahut hi asaan hai. 

Sim registration process ke duara sabhi Digicel network ke customers default ke duara Mycash ke customer hai.

Mycash wallet ko activate karne ke liye, aapko google Play Store ya fir I phone store ke zariye Mycash app download karna hoga, aur registration process ko follow karna hoga. 

Aapko kisi bhi stores jaane ki zaroorat nahi hai, aap khud is service ke liye register ho sakte hai. 

Iske alawa hamare paas agents bhi hai, jaisa ki mere counterpart ne kaha. 

Hamare paas desh bhar me agents hai jinme shaamil hai Digicel outlets aur banks. Hamare banking sector me key partner BSP hai. Toh Digicel customers apne paise BSP bank se bhi haasil kar sakte hai. 

Hum jabki chahte hai ki logon ko paise digital taor se mile kyonki paison ki len den karte waqt bhi virus fail sakta hai toh aise me customers se maang ki jaati hai ki weh QR solution istemaal karen, Billpay ya direct payment karne waale solution istemaal kare jo Mycash wallet me uplabd hai.

Apne ilaake me agents aur supermarkets ki pahchaan karne ke liye Mycash app me agent aur merchant ko dhoondne ka function hai toh aapke location ke hisaab se aapko nazdeeki agent ya merchant ka pata diya jaayega. 

Jin logon ke paas smartphone nahi hai aap fir bhi  USSD *888# ke duara sewa haasil kar sakte hai. Vodafone ki tarah Digicel ne bhi government ko sahyog dene ke liye sabhi fees aur charges ko hata diya hai.

Dhanyawaad.