ITAUKEI STATEMENT BY THE ACTING PERMANENT SECRETARY FOR ECONOMY ON THE GOVERNMENT'S ASSISTANCE FOR CONTAINMENT AREAS

05/05/2021


VEIVUKE VAKAILAVO ENA VANUA VAKATATABUTAKI E NADI 

iKau
Vinaka Vakalevu

A kacivaka enanoa na Vunilawa ka Minisita ni Lavo na veivuke ni $90 ina veivuvale vakaleqai ena COVID-19 ena vanua vakatabui e Nadi, tekivu ena gaunisala mai Momi, cava yani i Lomolomo. 

Mevaka ga sa kacivaki, ena tekivutaki taumada nimataka na veivuke vei ira e Nadi, dewa yani e Lautoka ena Vakaraubuka, qai lai tomani yani e Lami, Nasinu, Suva me yaco sara i Nausori.  

Ona kerekere vakacava?
Ena rawati na soli ni veivuke qo ena vatavata ni veiqaravi ni Vodafone ena MPaisa kei na Digicel ena MyCash. Au gadreva meu vakavinavinakataki rau na kabani qo, ena nodrau cakacaka vata kei na matanitu mera vukei na lewenivanua. 

Ena 9 na mataka nimataka, sa rawa vei ira era tiko ena vanua vakatabui mai Nadi, tekivu ena gaunisala mai Momi me yaco i Lomolomo, na tabatukutaki (SMS) ni kedra itukutuku ina 161. Qo na veika e gadrevi: 

      a) Yacamu Ruarua 
      b) Naba ni FNPF  
      c) Nomu Cakacaka
      d) Nomu iTikotiko
      e) i Wiliwili ni lewenivale 

Ena vakauti yani na nomuni ilavo ena vatavata ni MPaisa kei na MyCash. Vei kemuni oni sebera ni volayaca ena MPAISA kei na MyCash, ni volayaca rawa kina. Rau sana vakarautaka na Vunilewa (CEO) ni Vodafone kei na Digicel na veika matailalai mo ni vakarautaka kei na ituvatuva ni volayaca, vakakina na kena vakayagataki na ilavo.

Keitou veivakauqeti me ciqomi ga na sede qo ena MPAISA kei na MyCash, ia ke oni gadreva me vakacurumi ena akaude ni baqe, ni solia mai na nomuni naba ni akaude. Vei kemuni na via tauri sede ena dui akaude ni baqe, qo na veika e gadrevi;
      i. Yaca ni akaude;
      ii. Naba ni akaude ena baqe; kei na
      iii. Yaca ni baqe

Au veitataunaki vei kemuni na kerea na veivuke moni dikeva vakavinaka na veitukutuku dodonu e baleti kemuni nibera ni o qai tabatuku (SMS) ina 161.

E mamada vei keitou na tabatukutaki (SMS) mai ni kemuni itukutuku mevaka ni matata ka vakarawarawataka na kena ciqomi, e totolo tale ga na kena vakau yani na nomuni sede. E rawa tale ga ni oni qiri ina 161 moni volayaca kina.

Au via vakadreta ni veivuke vakailavo qo na $90, e baleti ira ga na vuvale vakaleqai.  Sa kena ibalebale nina yalani ga vua e dua eloma ni vuvale, me kerekere mai.

Keitou na digova vakamatua na veikerekere kece, me kua ni dua e vakasabusabutaka se vakaveitaliataka na sasaga oqo. Me dua ga na lewenivuvale me kerekere mai, ke o vakatanitaka, ona rawa ni coko ena lawa.

Na iWalewale ni veisaumi
Ena gauna sa ciqomi kina na kerekere, rau sana vakauta o Vodafone kei Digicel na yacadra na kerekere ina Tabana ni iLavo ni Matanitu. E rau  na vakadeitaka talega nira vakaitikotiko ena vanua vakatabui o ira na kerekere.

E rau na cakacaka vakaveivolekati na Tabana ni Lavo ni Matanitu kei na Matabose ni iLavo Musuki(FNPF) me vakadeitaka ke so era sa vukei oti ena ilavo ni tawa cakacaka. Vei ira era vukei tiko mai na FNPF, era na sega ni okati ena veivuke oqo. 

Ni sa dikevi, vakadeitaki ka vakadonui na yacadra na kerekere, ena qai vakauti na $90 ina MPaisa se MyCash me rawa nira volivoli se tauri ilavo mai kina.

Au sa sureti rau na Vunilewa ni Vodafone kei na Digicel me rau qai vakuria na itukutuku mai na nodrau dui Tabana.

Vinaka vakalevu.